Aiseya 25
25
Dawan ra mayuni aiwananka
1Dawan, man ba sika yang Gâdki sma;
purara mai bukamni,
ninam mayunamni,
kan man lika diara aihkakira nani ba daukram,
blasi pali wina man lâ smalkram bîla nani ba,
kasakka lâka ban ba mita.
2Tawan tara nani ba
walpa kiaubi paskan nani baku dauki swiram,
tawan karnakira nani ba sauhki swiram;
waihla nani watla tara nani ba sut slingbram,
baha nani kli sin paskan kabia apia ban kaia ra.
3Baha mita upla karna nani ba yamni mai kulkisa,
prautkira nani tawanka tara ba man ra sibrin lukbia,
4kan umpira nani watla man aimakram bamna,
diara luha, ai sarka bri nani karnika man sma,
skwal mapara yukuwaika,
lapta mapara distika.
Kan upla tataibra nani karnika ba,
skwal kumi kauhla piua ra kutbanka kum ra
platukbi ba baku sa,
5apia kaka tasba tawan pliska ra bitni ba baku,
tringsar nani prautka lâka ba taibi brisma wina batakma
bitni lapta kasbrika distika ra taiban ba baku.
Upla ra saura rausasauhkra nani ba taibi brisma witin sâp kaia.
6Saion ilka ra,
Dawan karnika sut bri ba mita,
nisan nani sut ra lilia kum daukbia,
pata piaia auhni bara wain laya pain ba ridi daukisa.
7Naha ilka ra pura bikaika kum bâra ba,
upla nani sut pura praki ba witin mita sauhki tikbia,
kwala nisan nani sut ra sruki bri ba.
8Ban kaia ra ban prura ra,
Dawan mita sauhkan kabia;#2 Ko 15.54.
mawan nani wina,
Dawan mita nakra laya nani sut diki sâkbia#Par M 7.17; 21.4.
bara tasba aiska wina
ai uplika nani swira lâka ba bri sâkbia.
Dawan ba aisin.
9Bara baha yua ra witin nani wibia:
“Kaiks, naha sika yawan wan Gâdka,
yawan lika witin ai bîla kaiki kan,
nanara witin swaki wan sakan,
yawan lilia kap
witin swaki wan saki ba mita,
yawan lilia daukpi.”
10Dawan mita Saion ilka ba kaina kahbi kabia,
sakuna Moab#Ais 15.1—16.14; Jir 48.1-47; Isi 25.8-11; Em 2.1-3; Sof 2.8-11. lika ai mina ra taiban kabia,
dipasta lulkan wan mina ra taiban ba baku.
11Moab ai klahkla sâkbia
lî yayawra kum ai klahkla sakbi ba baku,
sakuna ai klahkla lulki ba ni
ai prautka ra kau rungwi kabia.
12Bara Dawan mita tawanka walpaya kutbanka nani ba batakbia,
slingbia, tasba kat lulki swibia.
Currently Selected:
Aiseya 25: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
