Popular Bible Verses from Aiseya 25

Share

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Naha ilka ra pura bikaika kum bâra ba, upla nani sut pura praki ba witin mita sauhki tikbia, kwala nisan nani sut ra sruki bri ba.

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.