E'yo Eceza 8

Eceta aziriri zizu

1 # Zek 2:13; Hab 2:20 Eri ka eceta aziriri zi ra, angu ’buari nga ovu ndi ekile sawa alu ma ali pile. 2#Mat 24:31Ma ndre malaika aziri pa sopi Mungu ma drilia ’eliyi, yi fe yi dri guka aziri. 3#Amo 9:1; Efu 30:1, 3; Eceza 5:8Malaika ’azini emu ra, nga pa so pari edetaliari edezuria, eri otekua meleru obiese vezuri be; yi fe obiese vele veri kakau eri dri, eri ma ofe eri zita ’ba dria alatararu ’diyini be pari meleru edeta edezu oguna ma driliari ma dria. 4#Zab 141:2Acika obieseniri nga di efu malaika ma driasi tuzu uru ziza ’ba alatararu ’diyini be Mungu ma drilia. 5#Lev 16:12; Eze 10:2; Efu 19:16; Eceza 11:19; 16:18Malaika nde nga otekua obiese vezuri ’du, fe eri ga tre aci engapi pari edeta edezuriarisi, nga eri da nyakua; angu liza pi, o’duko pie, ovi gaza pie, oyakia pie nga ovu indi.

Guka aziri ’diyi

6Malaika aziri ovupi guka aziri be ’diyi yi ede yi ngonde guka vuzu.

7 # Efu 9:23-25; Eze 38:22; Yoe 2:30 Okori vu guka ra, si pi aci be osale arisiri oda i ani nyaku dria; eve nyaku ma esele na ma azi aluri ra, eve vini pati ma esele na ma azi aluri ra, eve ase ibiru dria indi.

8 # Yer 51:25; Efu 7:20, 21 Malaika iriri vu guka ra, afa ekile oni amboru vepi acisiri ovu ’bezaru miri alia; miri ma esele na ma azi alu oja i ani ariru, 9afa Munguni ’bale ovupi miri ma alia idri be ’diyi ma esele na ma azi aluri odra ra, oguru ma esele na ma azi alu ja dri indi.

10 # Isa 14:12; Dan 8:10 Malaika nari vu guka ra, ’bi’bio amboru vepi acisi dipi alaka ma acileri e’de ’buasi va, e’de yi ara piyi ma esele na ma azi aluri ma dria, yi a’di be. 11#Yer 9:14’Bi’bio nde ma ru Enyata Oka’i. Yi ma esele na ma azi aluri oja i enyata okaru; ’ba kakau odra yi ndesi, yini yi ojale okarurisi.

12 # Isa 13:10; Eze 32:7; Yoe 2:10, 31; 3:15; Eceza 6:12; Efu 10:21 Malaika suri vu guka ra, etu ma esele na ma azi aluri pi dra ani ra, mba ma esele na ma azi aluri pie, ’bi’bio ma esele na ma azi aluri pie, yi alu alu ma esele na ma azi alu ma ovu ani bizaru beni; etu ma di esele na ma azi alu iniria ku, ini ma ovu ’dinile indi.

13 # Eceza 9:12; 11:14 Ma ndre ra, ma eri aji alu sa pi ’bu ma agaduarini oyuria a’duko urusi kini, Candi, candi, candi emi vu ’ba nyakua ’diyi ye! malaika na ’yepi vupi ’diyi ma guka ma o’duko acepi ’diyi ma e’yosi!

Currently Selected:

E'yo Eceza 8: LB66

Highlight

Copy