E'yo Eceza 9

1 # Eceza 8:10; 20:1 Malaika towiri vu guka ra, ma ndre ’bi’bio engapi ’bua e’depi va nyakuari ra, yi fe eri dri fungua ’bile asikokoru drataniri ma tileniri; 2#E’do 19:28; Efu 19:18; Yoe 2:2, 10eri zi ’bile asikokoru drataniri ma tile ra, acika efu tilenia ekile acika aci droza amborunirile, etu pi angu ’buari be bi iniciciru acika tileniarisi. 3#Efu 10:12-15Ombi efu acika nde ma alia, ere yi nyaku dria, yi fe okpo yi dri ekile otunukuani ovule okpo be nyakuarile; 4#Eze 9:4; Eceza 7:3azi yi tia kini yi ma eza ase nyakuari pi, afa dria ibiru ’diyi pie, pati pie dria ku, pe lu ’ba ovupi eceta Munguni be yi ma andretia ku ’diyi a’dule; 5yi fe yi ma fu yi ku, te ma inza yi mba towi, inzata yini ovu ekile rua suza otunukuani fele ’ba dri erini ’ba zariarile. 6#Yob 3:21; Yer 8:3; Luk 23:30O’du ’dayisi ’ba yi nga dra nda, te yi ngani eri isu aluni ku; yi nga dra le avasi, te drani nga apa yisi ra.

7 # Yoe 2:4 Wura ombini ovu ekile akanya edezaru ngonde ombasirile; afa ekile ekilaza meleru ’diyile ovu yi ma dria; andreti yini si yi ekile ’ba ma andre- ’tile, 8#Yoe 1:6dribi yini ovu ekile oku dribile, si yini ekile kami sile; 9#Yoe 2:5yi ovu gombere pauru agatia ’diyi be ekile gombere pauru agatia ayaru ’diyile, yi ma opile ma awu ovu ekile gari ombani ma awule, akanya kakauni nzuria ombaarile; 10sobi yini ovu ekile otunukua ma sobile, iri ’ba duzuri be, sobi yini ma alia yi ovu okpo be ’ba ezazu mba towi. 11Yi ovu malaika ’bile asikokoruniri be yi ma opiru; runi Ebrania tisi Abadoni, te Giriki tisi Apolioni’i.

12 # Eceza 8:13; 11:14 Candi okori de ira; mi ne, candi acepi iri ’diyi nga emu e’yo ’diyi ma vutia,

13 # Efu 30:1-3; Eceza 8:3 Malaika aziari vu guka ra, te ma eri o’duko alu engazu pari edeta edezu meleru ovupi Mungu ma driliari ma o’yu su ’diyi ma eselia, 14#E’do 15:18; Azi 1:7; Yos 1:4; Eceza 16:12’yozu malaika aziariru ovupi guka beri ma tia kini, Mi otru malaika su ovupi ombezaru yi ara amboru Ufira te ma tia ’diyi. 15#Eceza 8:7-12Yi otru di malaika su edele ngonde etuni pi tezu, o’duni pie, mbani pie, elini pie dria ’diyi ra, yi ma ofu ani ’ba ma esele na ma azi aluri ra beni. 16Kalafe ’ba ombani nzupi akanya dria ’diyini ovu alifu kali iri pale alifu mudri; ma eri kalafe yini ra. 17Ma ndre akanya orobisi: ’ba ripi yi dria ’diyi pie ’dini, yi ovu gombere pauru agatia wura be acinirile, azini bluru, azini a’ugbe alele ’diyi be, akanya ma dri ovu ekile kami ma drile, yi ma tia aci pi efu ra, acika pie, baruti pie. 18’Ba ma esele na ma azi aluri ovu fuzaru inzata na ’diyisi, aci pisi, acika pie, baruti pie efupi yi ma tilia ’diyi. 19A’disiku akanya ma okpo ovu yi ma tilia azini yi ma sobia; sobi yini si yi urile, yi dri be indi, yi ’ba eza ani yisi.

20 # Zab 115:4-7; 135:15-17; Dan 5:4, 23; Isa 2:8, 20; 17:8; 1 Kor 10:20; Eceza 16:9, 11, 21 ’Ba acepi ovupi fuzaru inzata ’diyisi ku ’diyi ojani yi asi ku, kuni ’yeta yi ma drini ’yeleni ’diyi ku, kuni vini orindi onzi inzikokoru ja ’dinini ku, kuni wura inzile inzi edele melesi ’diyi pie, dahabusi ’diyi pie, molasi ’diyi pie, onisi ’diyi pie patisi ’diyi pie dria ja ’dinini ku, yi afa ecopi angu ndrepi ku, e’yo eripi ku, acipi ku ’diyi; 21#2 Opi 9:22te yi ojani yi asi ’ba ’diza kuzu ku, ’ba rozu olesiri kuzu ku, awu ’baza kuzu ku, ogu kuzu ku dria.

Currently Selected:

E'yo Eceza 9: LB66

Highlight

Copy