E'yo Eceza 6

Eceta buku ma ti opizu ’diyi

1 # Eceza 4:6; 5:1, 2, 6, 8 Te ma ndre Kabilomvani eceta tini opizu ’diyi ma azi alu ziria, ma eri anyapa idriru su ’diyi ma azi aluni ’yoria, ekile o’duko angu lizanilerisi, kini, Mi emu! 2#Zek 1:8; 6:3, 6Ma ndre ra, te mi ne, akanya emveru, azini ’ba ripi eri ma ngukuari ovu osu be; yi fe ekilaza driari eri dri, eri fu ani agazu omba ma alia, azini eri ma nga aga ani beni.

3Eri ka eceta iriri zi ra, ma eri ra anyapa idriru iririni ’yoria kini, Mi emu! 4#Zek 1:8; 6:2Akanya azini efu ra, eri akanya ekaru; yi fe ’ba ripi eri ma ngukuari dri eri ma nze asi anzuru nyakuarisi ra, ’ba ma ofu yi ceni ceni beni; yi fe sei amboru eri dri.

5 # Zek 6:2, 6 Eri ka eceta nari zi ’bo, ma eri anyapa idriru narini ’yoria kini, Mi emu! Ma ndre ra, te mi ne, akanya iniru; azini ’ba ripi eri ma ngukuari ovu afa afa nziza o’bizuri be i ma dria. 6Ma eri ekile o’duko efupi anyapa idriru su ’diyi ma eseliarile kini, Nganu gobea alu silingi alusi, te anya gobea na silingi alusi; te mi ma eza odu pi patiefi su be ku.

7Eri ka eceta suri zi ra, ma eri o’duko anyapa idriru surini ’yoria kini, Mi emu! 8#Eze 5:12; 14:21; 29:5; 33:27; 34:28; Hos 13:14; Yer 15:3Ma ndre ra, te mi ne, akanya forotoru, azini ’ba ripi eri ma ngukuari runi Dra’i; Pari ’ba drazaniri bi vutinini. Yi fe okpo yi dri angu wudrikuru ma esele su ma azi aluri ofuzu sei pisi, likisi, drasi, nguru asea ’diyisi.

9 # Eceza 8:5; 14:18; 16:7 Eri ka eceta towiri zi ra, ma ndre pari edeta edezuri ma etia orindi ’ba yini ofule e’yo Mungunisi, azini e’yo eti nzeza yini nzelerisi ’diyini; 10#Zek 1:12; Zab 79:10; Azi 32:43; E’do 4:10; 2 Opi 9:7; Hos 4:1yi otre o’duko urusi kini, Mi Opi Agapi Turi, alatararu azini adaru, mi ku e’yo likokoru, azini avu arioti amani ofekokoru ’ba nyakua ’diyi ma ruaa cazu ewu ngopi ya? 11#Eceza 3:4; 7:9; Mat 23:32Yi fe afa suza izuru emveru yi dri dria; nga ’yo yi tia kini yi ma li nga ande were, cazu ati’ba yi ma aziru azini yi ma adripiru, ’bani ngale ofule yile ’diyi ma kalafeni cazu i paria dria ’boria.

12 # Eceza 11:13; 16:18; Isa 13:10; Yoe 2:10, 31; 3:15; Mat 24:29; Mar 13:24-25; Luk 21:25; Eze 32:7, 8 Te ma ndre ra eri ka eceta aziari zi ra, oyakia amboru oya angu, etu oja i iniru ekile gunia cale anyapa ma podosirile, azini mba oja i dria arile, 13#Isa 34:4; 13:10azini ’bi’bio ’bua ’diyi lu va nyakua ekile elioni efi kapi nga ku ’diyi lule va oli amboni eri oyalenirile; 14#Eceza 16:20wu ’bu ekile ’bani waraka tralerile, onze oni izuru dria alu alui piyi, angu yi lipi miri alia ’diyi be, yi ma pariasi ra. 15#Isa 2:10, 19, 21; 24:21; 34:12; Yer 4:29; Zab 48:4; 2:2Opi nyakua ’diyii pi, ’ba amboru ’diyi pie, ’ba asikari dri: cepi ’diyi pie, ’ba afa e’ipiru ’diyipie, ’ba okporu ’diyi pie, ati’bo jeza drialiari ’diyi pie, kari’ba pie dria, yi ozi yi oni ojia azini kata oni dria ’diyi ma eselia; 16#Hos 10:8; Luk 23:30; Isa 6:1; Zab 47:8yi ’yo ani oni piyi ma tia kata be; Emi e’de ama dria, ama ozizu ’ba ripi oguna driari ma milia, azini adra Kabilomvanirisi; 17#Yoe 2:11, 31; Mal 3:2; Zef 1:14, 18; Rum 2:5a’disiku etu amboru yini adra ’bazuri eca di ’bo; eco a’dini pa sozaruni ya?

Currently Selected:

E'yo Eceza 6: LB66

Highlight

Copy