E'yo Eceza 5

Buku pi Kabilomua be

1 # Eze 2:9-10; Isa 6:1; 29:11; Zab 47:8; Eceza 4:2 Te ma ndre ’ba ripi oguna ma driari ma dri ndiria buku indi sizaru alenia azini ngukunia, opizaru ci eceta tini opizu aziri ’diyisi. 2Ma ndre malaika okporuni e’yo oluria o’duko urusi, A’di ma onyi fu dri buku zizu azini eceta tini opizu ’diyi ondizuni ya? 3’Ba aluni ’bua, kani nyakua, kani va nyaku ma etia, ceopi buku nde zipi, kani eri ndrepini yo. 4Te ma wu tu yini ’ba aluni dri fupi buku zipi, kani eri ndrepini isule kurisi. 5#E’do 49:9; Isa 11:1, 10; Eceza 22:16Te ’ba ’wara ma azi alu ’yo ma tia, Mi wu ku; mi ne Kami suru Yudani, Ola Daudiniri, aga dri fuzu buku pi zizu, eceta erini aziri ’diyi be ra.

6 # Isa 53:7; 11:2; Yoh 1:29, 36; Eceza 4:5; Zek 4:10 Azini ma ndre oguna pi ma eselia anyapa idriru su ’diyi be, azini ’ba ’wara ma eselia, Kabilomvani pa soria, ekile lile ’borile, o’yuni aziri, mileni aziri, mile nde ’diyi yi Orindi Munguni aziri ti opele wudrikuru dria ma alia ’diyi. 7#Isa 6:1; Zab 47:8Eri emu buku ’du ’ba ripi oguna driari ma dri ndiria. 8#Zab 141:2; Eceza 14:2; 15:2; 8:3, 4Eri ka buku ’du ’bo, anyapa idriru su ’diyi pi ’ba ’wara kali iri drini su ’diyi be, yi eco yi va Kabilomva ma palaa, yi dria alu alu ovu o’di be, azini lu’bu meleru gapi obiese arikariruri be tre tre ’diyi be, yi zita ’ba alatararu ’diyini. 9#Zab 33:3; 98:1; 144:9; Isa 42:10Yi ngo ongo o’diru, ’yozu,

Mi fu dri buku ’duzu, ecetani tini opizu ’diyi zizu ra,

a’disiku li ndra mi ra, te ari minisi mi je ’ba Mungu dri engazu suruti dria ma eselia,

ti ’yoza pie, ’ba pie, suru pie ’dria,

10 # Efu 19:6; Eceza 1:6; 20:6; 22:5; Isa 61:6 mi ’ba yi ovuzu opi nyazaniru azini atalau edeta edepi ’diyiru Mungu dri; yi nga opi nya nyakua ra.

11 # Dan 7:10; 1 Opi 22:19 Te ma ndre ra, azini ma eri malaika kakau ina o’duko oguna ma ageia, anyapa idriru ’diyi pie, ’ba ’wara ’diyi pie; kalafe yini alifu mudri pale alifu mudri, azini alifu pale alifu lakokoru; 12#Isa 53:7; 1 Sur 29:11; Fil 2:8-10yini ’yoria o’duko urusi, Kabilomva lile ’bori fu dri okpo pi a’izu, lonyi pie, ondua pie, okpo opiniri pie, inzita pie, diza pie, asi ndriza pie dria! 13#Isa 6:1; Zab 47:8Afa dria! Munguni o’bale ’diyi ’buari pie, ’nyakuari pie, nyaku etiari pie, miri driari pie, afa dria ovupi afa ’diyi ma alia ’diyi pie dria, ma eri yini ’yoria kini, Asi ndriza pi, inzita pie, dizai pie, okpo opiniri pie ma ovu ’ba ripi oguja driari vu, azini Kabilomva vu ’dani ’dani! 14#Eceza 4:10; 19:4Anyapa idriru su ’diyi ’yo ra, Amena! ’Ba wara eco yi i va inzizu.

Currently Selected:

E'yo Eceza 5: LB66

Highlight

Copy