Intembauzyo 29
29
Lwa Devedi
1Amulumbaizye Mwami Leza nozyakujulu,
amulumbaizye bulemu anguzu zyakwe.
2Amulipe bulemu bweelede zina lyakwe,
amumukombe mubulemu bwabulondosi bwakwe.
3Ijwi lya Mwami Leza liteelelwa mumaanzi, Leza wabulemu ulazuma,
Mwami Leza ulandindima atala aamaanzi aanguzu.
4Ijwi lya Mwami Leza ndyanguzu, jwi lya Mwami Leza ndyabulemu.
5Ijwi lya Leza lilapandaula masamu aamulombe,
Mwami Leza uladunsaula milombe yaku Lebanoni.
6Zilundu zyaku Lebanoni ulazisotoosya mbuli moombe,
cilundu ca Siliyoni mbuli mwanaa munyati.
7Ijwi lya Mwami Leza, licita kuti ndabo zibbalauke.
8Alimwi jwi lya Mwami Leza lilazungaanya nkanda,
lizungaanya nkanda ya Kadesyi.
9Ijwi lya Leza lilatyoloola mibanga,
lilazipulaula zisaka zyasyaala buyo.
Boonse bali mucikombelo cakwe balaamba kuti, “Alemekwe.”
10Mwami Leza ulikkede acuuno cabwami keendelezya maanzi aabbilwa,
uleendelezya mbuli mwami kwalyoonse alyoonse.
11Mwami Leza nguupa bantu bakwe nguzu,
alimwi ulaleleka bantu bakwe aluumuno.
Currently Selected:
Intembauzyo 29: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
