Matayo 27

1 # Mrk 15:1; Luk 22:66; Yoh 18:28. Umutwenzi utambitse abaherezi bakuru bose n’abashingantahe b’ubgo bgoko bagīra inama Yesu ngo bamwice. 2#Luk 23:1; Yoh 18:31, 32.Baramuboha baramujana, bamushikiriza Pilato, icēgēra ca Kayisari.

Yuda aja kwiyahura

3 # Mat 26:15. Maze Yuda yamuguze, abonye Yesu ko bamutsindishije, aricuza, asubiza abaherezi bakuru n’abashingantahe za ntete z’ifeza mirongwitatu, 4ati Nācumuye, naguze amaraso y’ūtagira icaha. Na bo baramwishura, bati Bidutwaye iki? N’ivyawe. 5#Ivyak 1:18; 2 Sam 17:23.Aterera izo ntete z’ifeza ahēra h’urusengero, aragenda, arīmanika. 6#Mrk 12:41.Abaherezi bakuru bāndūra zino feza, bati Ntizemerwa gushirwa mu mashikanwa, kukw ar’ ibiguze amaraso. 7Baja inama, bazigura ubgatsi n’umubumvyi, ngo baze bahahambe injabuka. 8#Ivyak 1:19.Ni co catumye ubgo bgatsi bgitwa Ubgatsi bg’amaraso, na bugingo n’ubu. 9#Zek 11:12, 13; Yer 32:6-9.Ni ho ivyavuzwe na Yeremiya yavugishwa n’Imana vyashikiye, ngo Bābiriye za ntete z’ifeza mirongwitatu, ni zo giciro yaciriwe, uwo bamwe mu Bisirayeli baciriye, 10bazigura ubgatsi n’umubumvyi, nk’uk’ Uhoraho yambariye.

Pilato acira urubanza Yesu

11 # Mrk 15:2-5; Luk 23:2, 3; Yoh 18:29-38. Ariko Yesu yar’ ahagaze mu maso ya ca cēgēra ca Kayisari; ico cēgēra kiramubaza, kiti Ni wewe Mwami w’Abayuda? Yesu aramwishura, at’ Urarivuze. 12#Mat 26:63; Yes 53:7.Ariko mu vyo arezwe n’abaherezi bakuru n’abashingantahe ntiyishura na rimwe. 13Pilato aramubaza, ati Ntiwumva ingene bakwagiriza vyinshi? 14#Yoh 19:9.Ariko ntiyamwishura n’ijambo na rimwe, bituma ico cēgēra gitangara cane.

15 # Mrk 15:6-15; Luk 23:13-25; Yoh 18:39—19:1. Mur’ iyo misi mikuru icēgēra camenyereye kurekurira abantu imbohe imwe, iyo bagomba. 16Kandi bāri n’imbohe imwe yari rurangiranwa yitwa Baraba. 17Bakoranye, Pilato arababaza, at’ Uwo mugomba ko ndabarekurira ni nde? Ni Baraba, canke ni Yesu yitwa Kristo? 18#Yoh 11:47, 48; 12:19.Kuko yamenye yukw ishari ari ryo rimubatangishije. 19Acicaye ku ntebe y’imanza umugore wiwe amutumako, ati Ntihagire ico ugira uwo mugororotsi; kuko narāye ndose mbona mbabazwa vyinshi kubgiwe. 20Arikw abaherezi bakuru n’abashingantahe bosha ishengero ngo rimusabe Baraba, ryicishe Yesu. 21Ico cēgēra kirababaza, kiti Mur’ abo bompi uwo mugomba ko ndabarekurira ni nde? Na bo baramwishura, bati Ni Baraba. 22Pilato arababaza, ati None Yesu yitwa Kristo, we ndamugire nte? Bose bati N’abambge. 23Arababaza, ati Ku ki? Yakoze ikibi ki? Ariko barushiriza gusemerera cane, bati N’abambge.

24 # Gus 21:6. Maze Pilato abonye kw arushwa n’ubusa, ariko ko barushirije kuvyura umugūmūko, yābīra amazi akarabira imbere y’ishengero, ati Jeho ndacuna kubg’ amaraso y’uyu mugororotsi: n’ivyanyu. 25#Ivyak 5:28.Abantu bose baramwishura, bat’ Amaraso yiwe araba ari twebge akora n’abana bacu. 26Maz’ abarekurira Baraba, ariko Yesu aramutonagura, amutanga ngw abambge.

Abasoda bashinyagurira Yesu

27 # Mrk 15:16-19; Yoh 19:2, 3. Maz’ abasoda b’ico cēgēra ca Kayisari bajana Yesu mw iboma, bateraniriza ingabo zose kuri we. 28Bamwambura iziwe mpuzu bamwambika umutamana w’agahama, 29batsiba igitsibo c’amahwa, bakimwambika mu mutwe, bashira n’irenga mu kuryo kwiwe; baramupfukamira, baramucurīra, bati Ndagize bgakeye Mwami w’Abayuda! 30#Yes 50:6.Bamuvuma amate, bamushikura rya renga, barimukubita mu mutwe. 31#Mrk 15:20-41; Luk 23:26, 33-49; Yoh 19:16-30.Bamaze kumucurīra, bamwambura wa mutamana, bamwambika iziwe mpuzu, bamujana kumubamba.

Ukubambga kwa Yesu

32Bakirenga irembo bahūra n’Umunyakurene yitwa Simoni, uyo baramufata kugira ngw amutwaze umusaraba. 33Bashitse ahantu hitwa i Gologota, risobanurwa ngw Ahantu h’agahanga, 34#Zab 69:21.bamuha vino ivanze n’umuti w’umururazi, ngw ayinywe; ayumvirije yanka kuyinywa. 35#Zab 22:18.Bamaze kumubamba, bagabura impuzu ziwe, barazipfindira, 36bicara hano baramurinda. 37Hejuru y’umutwe wiwe bahashira ikirego ciwe, canditswe ng’ UYU NI YESU, UMWAMI W’ABAYUDA. 38#Yes 53:12.Maze babambana na we abambuzi babiri, umwe i buryo, uwundi i bumoso. 39#Zab 22:7; 109:25.Abahahita baramutuka, bazunguza imitwe, 40#Mat 26:61; Yoh 2:19.bat’ Ewe usambura urusengero, ukarwubaka mu misi itatu, ni wikize: ni waba ur’ Umwana w’Imana imanure ku musaraba. 41N’abaherezi bakuru n’abanyabgenge b’ivyanditswe n’abashingantahe bamucurīra bartyo na bo, 42bati Yakijije abandi, we ntashobora kwikiza. N’Umwami w’Abisirayeli, ni yīmanure ku musaraba ubu nyene, duheze tumwizere. 43#Zab 22:8.Yizigiye Imana, n’imukize ubu nyene ni yaba imubabaye: kuko yīgira ngo Nd’ Umwana w’Imana. 44N’abambuzi babambanywe na we na bo barabimutuka.

Urupfu rwa Yesu

45Uhereye kw isaha ya gatandatu ubgirakabiri bukorana mu gihugu cose gushitsa kw isaha y’icenda. 46#Zab 22:1.Nko kw isaha y’icenda Yesu asemerera n’ijwi rirenga, ati Eli, Eli, lama sabakatani? risobanurwa ngo Mana yanje, Mana yanje, n’iki kikumpebesheje? 47Bamwe mu bahahagaze bavyumvise, baravuga, bat’ Uyo ahamagaye Eliya. 48#Zab 69:21.Umwe muri bo aca arirukanga yābīra sipongo,#27:48 sipongo n’ikintu kimeze nk’icangwe, ni co gikuyabeza. ayuzuza inkarisha ayirungikisha irenga, arayimusomesha. 49Arikw abandi bati Banza ugume: turābe ko Eliya yoza kumukiza. 50Yesu yongera gusemerera n’ijwi rirenga, umutima uraca.

Ibitangaza vyabaye Yesu acikanye

51 # Kuv 26:31; Heb 10:19, 20. Igihuzu gikingiriye ahēra cane h’urusengero gitantamukamwo kubiri, uhereye hejuru ugashitsa hasi; isi iratigita; ibitandara birasaduka; 52#Dan 12:2.imva ziruguruka, imivyimba myinshi y’abera bāri basinziriye irazurwa; 53#Ivyak 26:23.bava mu mva amaze kuzuka, bashika mu gisagara cera, babonekera benshi. 54Umugabisha w’abasoda ijana n’abāri kumwe na we barinda Yesu, babonye isi itigita n’ibibaye, baratinya cane, bati N’ivy’ ukuri, uyo yar’ Umwana w’Imana.

55 # Luk 8:2, 3. Hāriho n’abagore benshi bāri kure babirāba; ni bo bākurikiye Yesu ava i Galilaya, bamukorera. 56#Mat 20:20.Muri bo hārimwo Mariya Magadalene na Mariya nyina wa Yakobo na Yose, na nyina wa bene Zebedayo.

Yosefu aja guhamba Yesu

57 # Mrk 15:42-47; Luk 23:50-55; Yoh 19:38-42. Ariko bugorovye haza umutunzi w’i Arimataya yitwa Yosefu, kandi na we yar’ umwigishwa wa Yesu; 58#Kuv 34:25.uyo aja kuri Pilato asaba ikiziga ca Yesu. Maze Pilato avuga ko bakimuha. 59Yosefu ajana ico kiziga, akizingira mu mpuzu yera nziza, 60#Yes 53:9.agishira mu mva yiwe nsha, yari yarimbishije mu bitandara; atembagaza ikibuye kinini acugaza umuryango w’imva, aragenda. 61Mariya Magadalene na Mariya wundi ni ho bāri bari, bicaye berekeye ku mva.

Barinda imva ya Yesu

62Bukeye bgaho, ni wo musi wakurikira uwo Kwitegura, abaherezi bakuru n’Abafarisayo bakoranira kwa Pilato, 63#Mat 27:40; 12:40.baramubgira, bati Mugenzi, twibutse yuko wa muhumvyi akiriho yagize ngw imisi itatu ishize azozuka. 64Nuko n’ugere barinde imva cane gushitsa ku musi ugira gatatu, kugira ngw abigishwa biwe ntibaze kumwiba, bakabgira abantu ngo yazutse mu bapfuye; maz’ ubuhumvyi bga nyuma bgoruta ubga mbere. 65Pilato arababgira, at’ Abarinzi ngabo: ni mubajane; muyīrindishirize uko muzi. 66#Dan 6:17.Nuko baragenda barindisha imva, ca kibuye bagihomakw ishashara, bayidomamw’ ikimenyetso, abo barinzi babona.

Currently Selected:

Matayo 27: RUN1967

Highlight

Copy