Yesaya 8

Yesaya abūrira Damasiko na Samariya ko hazogesezwa

1 # Hab 2:2. Maz’ Uhoraho arambarira, ati Wābīre igisate kinini, ucandikeko mu nyuguti zisomeka, uti Bīhutira iminyago, bītera mw isahu. 2#2 Abam 16:10.Nanje nzokwitorera ivyabona vyo kwizigirwa vyo kubishingira intahe, umuherezi yitwa Uriya, na Zekariya mwene Yeberekiya. 3Nuko ndārira umugore w’ūvugishwa, asama inda, avyara umuhungu. Maz’ Uhoraho aca arambarira, ati Mwite Maheri‐shalali‐hashi‐bazi.#8:3 Maheri‐shalali‐hashi‐bazi risobanurwa ngo Bīhutira iminyago, bītera mw isahu. 4#Yes 7:16.Kuk’ uwo mwana ataramenya ubgenge bgo guhamagara, ati Data, canke Mama, ubutunzi bg’i Damasiko n’ iminyago y’i Samariya bizojanwa kw inyagano n’umwami w’i Ashuri.

5Uhoraho yongera kumbarira, 6#Yoh 9:7.at’ Ubu bgoko ko bganse amazi ya Shilowa atemba buhoro, bakanezerezwa na Rezini na mwene Remaliya, 7#Yes 7:20.nuko rero jewe Umwami Imana ngira mbatēze amazi ya rwa ruzi rundi, amazi menshi y’inkomezi, ni yo mwami w’i Ashuri n’icubahiro ciwe cose: azosēsa ku nkombe ziwe zose, adēngēre amasēsero yiwe yose; 8#Yes 7:14.kand’ azosēndēra ashike i Buyuda: azosendanisha ahahitane, ashike no mw izosi ry’umuntu; kandi gusanza amababa kwiwe kuzokwira igihugu cawe cose, yewe Imanuweli.

9Ni mukorane, mwa mahanga mwe: ariko muzovunagurika; tega amatwi, mwebge mwese bo mu bihugu vya kure: mukenyere, ariko muzovunagurika! Mukenyere, ariko muzovunagurika! 10Ni muje inama, ariko zizopfa ubusa; ni muje ingingo, ariko ntizoshika, kukw Imana iri kumwe natwe. 11Kuk’ Uhoraho ambariye artya, anshizek’ ukuboko kw’inkomezi, anyihanikiriza ngo singendere mu nzira y’ubu bgoko, 12#Yes 7:2; 1 Pet 3:14.ati Ntimwite imihigo vya bindi vyose ubgo bgoko bgita imihigo; ntimukagire ubgoba nk’ubgabo, kandi ntimukaranduke imitima. 13#Guh 20:12.Uhoraho Nyen’ ingabo abe ari we mwemera ko yera, abe ari we ababera agahambaye, abe ari we ababera igiteye ubgoba. 14#Ezk 11:16; Rom 9:33; 1 Pet 2:8.Nukw azobabera ahēra; arikw azobera inzu zompi z’Abisirayeli ibuye ritsitaza n’urutare rugwisha, abere n’ababa i Yerusalemu ururiba n’ umutego. 15#Yes 28:13; Mat 21:44.Benshi bazoritsitarako, batembe bavunagurike, bazotegwa bafatwe.

16 # Yes 8:1, 2. Andika ivyo washingiye intahe, ubimatanishe ishashara, ubihe abigishwa banje babishirek’ umutima. 17#Yes 1:15; Hab 2:3.Kandi nzokwitega Uhoraho, ari we ahisha ab’ inzu ya Yakobo mu nyonga hiwe, nzokwama ndamwizigira. 18#Yes 7:3; 8:3; Heb 2:13.Ehe twe n’abana Uhoraho yampaye tur’ abo kubera Abisirayeli ibimenyamenya n’ibitangaza biva k’Uhoraho Nyen’ ingabo aba ku musozi Siyoni.

19 # Lew 19:31; 1 Sam 28:11-14; 2 Abam 23:24; Yes 19:3. Kandi ni bababgira, ngo Ni mubaze abahamagara imizimu, mubaze n’abamenyi bajwigira bongorera: mbeg’ ikibereye abantu ntibāri bakwiye kubaza Imana yabo? Mbeg’ ivy’ abariho vyobazwa abapfuye? 20Dusubire ku vyagezwe no kuri vya Bishinga intahe! Ni batāvuga ibihwanye na vyo bazoba mu bgirantibuce. 21Bazoca mu gihugu bamerewe nabi cane bashonje: maze ni bafatwa n’inzara bazoshangashirwa, bavume umwami wabo n’ Imana yabo; bazorarama barābe hejuru: 22#Yes 5:30; Nah 1:8.bazokwitegereza no kw isi, basange har’ ivyago n’umwiza n’umubabaro ubīriraniyeko: maze bazohindirwa mu mwiza w’umuzitanya.

Currently Selected:

Yesaya 8: RUN1967

Highlight

Copy