Matayo 23
23
1Yesoni gumifi jara ufitiini hasae waan jed'e, 2Jara Seera beekhufi Farisayooni waan Seera Musa himti. 3Tanaafi waan worri tolcha jed'u ch'ufa tolchu maltani, ammo waan worri tolchu intolchiina, waan worri waan nama barsiisu ufii inguunneefi. 4Seera jajaba mid'aasani qach'eera namati hid'ani, ammo ufii baa ulfo suni qubaleeni tuqu imfed'ani. 5#Mat 6.1; Hen 15.38; Qab-Ser 6.8 Waan ch'ufa aka nami worra argu tolchani. Qud'aami worri addafi harkati hid'atu waan gugurda, handaari woya worraleeni waan d'ed'eera. 6Fulla jilati fulla dadansa fed'ani, maneeni Waaqa iti kad'atani keesale barch'uma dadansa fed'ani. 7Aka nami fulla gabayati nagaya worra fuud'u fed'ani, nama Rabbi worraani jed'u fed'ani. 8Ammo Rabbi nami isaniini jechu himmalle, wonti akanatiifi isaniini ch'ufti oboleyaani, barsiiftu toko ch'alla qabdani. 9Ammalle nama lafa tana keesa jiru tokoleeni Aabbo injed'ina; wonti akanatiifi isani Abba toko ch'alla qabdani, ka gubba jiru. 10Yokhaani Moticha nami isaniini jechu himmalle; wonti akanatiifi motichi keesani Kristo ch'alla. 11#Mat 20.26-27; Mar 9.35; 10.43-44; Luk 22.26 Nami isani ch'ufa ira gudda ha hojattu teesani tahu. 12#Luk 14.11; 18.14 Nama ufi guddisu indiqeesani, ammo nama ufi diqeesu inguddisani.
Yesoni kiyyiba worraa hima
(Mariko 12.40; Luka 11.39-42,44,52; 20.47)
13Gaargala keesani jara Seera beekhufi Farisayo! Kiyyibdoole! Isani Finna gubba nama duraa ch'uftani, ammo ufile inseentani, yokhaani worra seennu fed'ule d'owartani. [ 14Gaargala keesani, isani jara Seera beekhufi Farisayo! Kiyyibdoole! Isani nad'eeni d'iirsi iraa due dabsitani, waan worra hattani, kad'acha teesani kiyyibafi d'eersetani. Maro waan kanatifi nama ch'ufa ira gaargaltani.]
15Gaargala keesani, jara Seera beekhufi Farisayo! Kiyyibdoole! Galaana taakitani, lafa fago yaatani, aka nama toko aada teesani barsiiftani; yo inni barate, maro lama haga keesanile ira ibidaa male!
16Gaargala keesani, balloota nama dura yaatu! Yo nami Mana Waaqatiini kakhate womaniti jettani barsiiftani; ammo yo inni worqi Mana Waaqa keesa jirtuuni kakhate akasi woi jettani barsiiftani. 17Isaani daalle ila inqamne! Worqi mo Mana Waaqaati ira jira, ka worqi qulqulleesu? 18Ammalle yo nami waan sorio irati qalanini kakhate, womaniti jettani barsiiftani, ammo yo inni sorio waan sorio irati qalani gubba teetuni kakhate woi jettani. 19Isani guddo balla! Sorio mo waan sorio irati qalani ka sorio qulqulleesuti ira jaba? 20Tanaafi yo nami waan sorio irati qalanini kakhate, inni waan sorio irati qalaniifi waan gubba jiru ch'ufaani kakhata; 21akasuma yo nami Mana Waaqatiini kakhate, isaafi Waaqa achi tauleeni kakhata; 22#Isa 66.1; Mat 5.34 ammalle yo nami gubbaani kakhate inni barch'uma Waaqatiifi nama ira tauleeni kakhata.
23 #
Law 27.30
Gaargala keesani, jara Seera beekhufi Farisayo. Kiyyibdoole! Qooda kud'anneeso ka gurbi urgotiifi waan d'ibi ka sagaleeni urgesanile Waaqa baaftani, ammo barsiisa isa jajabdu ta Seera diddani, ta aka nagayafi nasufi d'ugaa. Waan kana guutu maltani, ato seera d'ibile indinne. 24Balloota, nama dura yaatu! Tiite aanani keesaa fud'attani, ammo gaala liqimsitani!
25Gaargala keesani, jara Seera beekhufi Farisayo! Kiyyibdoole! Qorifi mudunu ala d'it'ani, ammo keesa isii hannafi ufi jaalachaani guutani. 26Farisayo balloota! Waan mudunu keesa jira d'iqi, duuba alileeni inqulqullaa.
27 #
Huji 23.3 Gaargala keesani, jara Seera beekhufi Farisayo! Kiyyibdoole! Isani aka awaala gubbaa adeesani jirtani, ka alaani guddo mid'aagu, ammo keesi lafefi waan shame qaba. 28Akasuma alaani isani dansaa fakaattani, ammo garaani keesani d'arafi daba qaba.
Yesoni d'aanicha worraa hima
(Luka 11.47-51)
29Gaargala keesani, jara Seera beekhufi Farisayo! Kiyyibdoole! Awaala mimid'aaga raagaa tolchitani, waan worra d'ugatiini qaabatani gubbaa jaartani, 30waan jettani, Yo nu sila bara ababoota teenna lafa jiraanne, nu aka worraa raagoota inijeemnu jettani. 31Isani, Nu ilmaani worra raagoota fit'e jettani ufi d'ugeesitani. 32Dura yaa me, waan ababooti teesani qara tolchite hobaasa. 33#Mat 3.7; 12.34; Luk 3.7Isani bofafi ilmaani bofaati! Murisa hegeri dandeetani duraa imbaatani. 34Tanaafi waan anini isaniti himu: Anini raagootafi worra qalbi qabuufi qaaloota isani erga; ka gari fitt'ani, ka gari mukhati fanniftani, ka gari Maneeni Waaqa iti kad'atani keesati lichooni d'aantani, dira ch'ufa keesaa haatani. 35#Uum 4.8; 2 Od-dur 24.20,21 D'iigi worra woma iyakini ch'ufti mata keesani gubba jira, d'iiga Habiliti haga d'iiga Zekaria ilma Barakia, ka isani Mana Waaqatiifi waan sorio irati baasani jiddu lamanti ijeeftani. 36Anini isaniti hima, wonti kunini ch'ufti mata d'aloota kana gubba buuti.
Jaalala Yeso gara Yerusalemu
(Luka 13.34-35)
37Ee Yerusalemu, Yerusalemu, atini raagoota fitt'e ergattu Waaqi siti erge d'akhaani d'oossite. Maro hagami anini nama kanke ch'ufa, aka lukuuni ilmoole ufi koola jalati guuratu sila guuru fed'e, ammo atini indidde. 38Amma worri kanke ona taha. 39#Far 118.26Waan anini isaniti himu, Arraa achi iti deebitani na ingartani, haga isani, Waaqi nama maqa Aabbootiini d'ufu ha eebisu jettaniti.
Yesoni muumme Mana Waaqa hima
(Mariko 13.1-2; Luka 21.5-6)
Currently Selected:
Matayo 23: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
