Matayo 24
24
1Ato Yesoni Mana Waaqa keesaa bahu jiru, jari isaa isati d'ufe, aka ijaarsa Mana Waaqa isa agarsiisu. 2Inni waan jed'eeni, Waan kana ch'ufa agartani? Waan anini isaniti himu, d'akhaani tokoleeni woli irati inhafu, ch'ufa gargari jissani.
Yesoni gaargala d'ufu hima
(Mariko 13.3-13; Luka 21.7-19)
3Ato Yesoni gaara Ejersa jed'ani gubba tau, jari isaa koba isati d'ufe waan jed'eeni, Wonti kunini ch'ufti yoomi taati? Akheekhi d'ufiisa kanketitiifi guyya muumme maani? jed'ani gaafatani.
4Yesoni waan jed'e, Eegad'a, nami tokoleeni isani insobini. 5Wonti akanatiifi nama hedduti maqa kiyyaani d'ufe, Anini Kristo isaniini jed'e, nama heddu soba. 6Wolhad'iisa d'iotiifi ka fagole ch'ufa ind'ageetani, ammo insodaatiina, wonti kunini ch'ufti d'ufu malte, ammo muummeeni ind'iaanne. 7Lafti toko lafa d'ibi haati, hayyuuni toko hayyu d'ibi had'a. Fulla ch'ufa beelafi lafa chochoititi d'ufa; 8wonti kunini ch'ufti aka ch'iniinsu d'ala jirti.
9 #
Mat 10.22 Isani qabani gaargalchani duisa isaniti murani. Maro tiyyaafi gochi ch'ufti isani jibbiti. 10Nami hedduuni hojja suni d'ugefacha lakisa, woli gurguratani, woljibbani. 11Jennaani raagi d'ara hedduuni d'ufe nama heddu soba. 12Hameenni heddate jennaani jaalalti nama heddu qabanoofti. 13#Mat 10.22Ammo nami haga muumme obsu imbaha. 14Odu Dansa tana ta Finna lafa ch'ufa keesati odeesani, aka gosa ch'ufati d'ugeesani, eegi suni muummeeni d'ufti.
Waan jibbani ta nama rifachiisa
(Mariko 13.14-23; Luka 21.20-24)
15 #
Dan 9.27; 11.31; 12.11 Isani waan jibbani, ta nama rifachiisa, ta fulla qulqullo ejitu, ta raagi Danielini waan isii dubbate ya argitani (nami soomu ha hubatu) 16hojja suni worri Yudea keesa jiru ha gareeniti baqatu. 17#Luk 17.31 Nami mana gubba jiru mana seene woma imfud'atiini. 18Nami oobru keesa jiru mana d'aqe woya imfud'atiini. 19Gaargala nad'eeni hojja suni garaacha qabduufi ta ijoolle hoosiftu! 20Kad'ad'a, aka bara d'aamochatiifi guyya Sabato imbaqanne! 21#Dan 12.1; Mul 7.14 Gaargali guyya suni gaargala taka haga lafti uumamte haga arrale ind'ufiini taha. Wonti akasi iti deebite lafa ind'uftu. 22Ammo Waaqi ya guyya suni gabaabse; yo inni akasi intolchiini, nami tokoleeni sila imbahu. Maro worra inni fohateefi, Waaqi guyya ingabaabsa.
23Yo nami, Kuno, Kristoni arma jira jed'e, yokhaani, Achi jira jed'e, ind'ugefatiina. 24Wonti akanatiifi Kristo d'aratiifi raagi d'ara ind'ufa, akheekhafi waan mama heddu tolchani, aka worra Waaqi fohate sobani, yo sila dandaani. 25Me, anini waan kana ato guyyaani ingahiini ya isaniti hime.
26 #
Luk 17.23-24 Yokhaani, yo nami, Ilaala, inni lafa gamooji keesa jira jed'e, achi indeemina; yokhaani yo, Inni armati d'okhachu jira jed'ani, ind'ugefatiina. 27Akuma angaasuuni mirgaa bita angaatu, akasuma Ilmi Nama tassa d'ufa.
28 #
Luk 17.37
Fulla reefi jiruti allaatiini buuti.
Waan guyya muumme
(Mariko 13.24-27; Luka 21.25-28)
29 #
Isa 13.10; 34.4; Eze 32.7; Yoe 2.10,31; 3.15; Mul 6.12-13 Maro tokotu, eegi garagala guyya suni, aduuni indukanoofti, jii iti deebie inifsu, urjiini gubba gadi jiddi, jabeenni gubba inhargufama. 30#Dan 7.13; Zek 12.10-14; Mul 1.7 Duuba akheekhi Ilma Nama gubbati mullata; gochiti lafa tana ch'ufti imbooti, Ilma Nama ka dumansa keesa jabeennaafi guddinnaani gadi buu argani. 31Magalata gudda d'aani, inni malaika ufi moga lafa afraaniti erga, gumi inni fohate haga muumme tanaafi haga muumme suni woltiguurani.
Mammaasa oda
(Mariko 13.28-31; Luka 21.29-33)
32Mukhi oda ha woi isani barsiisu. Yo dameeni isaa dotaate latte baala baafte, aka lafti ch'aamsa imbeetani. 33Akasuma yo waan kana agartani aka inni d'io jiru, ka diquma isani hanqatu beekha. 34D'uguma, waan anini isaniini jed'u, Wonti kuni ch'ufti, ato nami amma jiru inhobaane taati. 35Lafafi gubbaani indabarti, ammo dubbini tiyya tokoleeni indabartu.
Yesoni, Kurfo eega jed'a
(Mariko 13.32-37; Luka 17.26-30,34-36)
36Nami hojafi guyya suni beekhu injiru, malaika gubbatiifi Ilmileeni imbeekhani, Abba ch'allati beekha. 37#Uum 6.5-8 D'ufiisi Ilma Nama aka gaafa Nuhu taha. 38Haga lollaani d'ufe Nuhuuni hobolo inseeniini nyaatani d'ugani wolfuud'ani. 39#Uum 7.6-24 Ammo haga bisaani fach'aani worra liqimsaniti worri woma inhubanne. Guyya Ilmi Nama d'ufule akasuma taati. 40Hojja suni nama lamati oobru keesa woliini hojachu jira: toko fuud'ani, kaani lakisani. 41Nad'eeni lama ta d'akha daakhu jirti: toko fuud'ani, taani lakisani. 42Eegad'a duuba, guyya Aabbooni keesani d'ufu imbeetani. 43#Luk 12.39-40Waan kana qaabad'a: Abbaani mana, yo sila hojja hattuuni d'uftu beekhe, mana ufi iraa d'owa. 44Maro waan kanatifi, hojja ch'ufa kurfo tahu maltani. Ilmi Nama hojja isani insehanne d'ufa.
Mammaasa hojattu d'ugaafi d'ara
(Luka 12.41-48)
45Hojattuuni d'ugatiifi qarooni tami? Inni ka abbaani isaa gudda hojattu ch'ufaa tolche, aka sagale hojja saatiini geetu kennuufi. 46Hojattuuni suni guddo gammada, yo abbaani isaa isa hojachu jiru worrati galu. 47D'uguma, waan anini isaniini jed'u, abbaani suni gudda waan qabu ch'ufa isa tolcha. 48Ammo yo inni hojattu hamtu taate, waan inni ufiini jed'u, Abbaani kiyya d'ufu ingeenne jed'e, 49hojattu ch'ufa d'aane, sagale nyaate, worra farso d'ugu woliini d'uga. 50Abbaani hojattu suni guyya inni insehannefi hojja inni imbeenne d'ufe, 51Abbaani kaani gargari isa ch'ich'ire jara kikiyyibani wolti dara. Achiti bohe ilkaani qara.
Mammaasa dubra fuud'a
Currently Selected:
Matayo 24: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
