Matayo 22
22
1Yesoni ammalle mammaasaani biyyati dubbate waan jed'e, 2Finni gubba hayyu ilma ufi dubra fuusise, 3tissele keessuma yaamtu erge, ammo keessumaani d'ufu didde fakaata. 4Tanaafi hayyuuni kaani tissele d'ibi erge waan jed'eeni, Amma mirgoolefi jiboota tiyya yayu qalani, wonti ch'ufti ya kurfoofte, keessumaani jila fuud'a, Koota jed'aani. 5Ammo keessumaani ch'ufti jalaa didde; toko oobru ufi d'aqe, tokoleeni daldala ufi d'aqe; 6ta gari tissele guurte d'aante fitt'e. 7Hayyuuni guddo dalane, askarti ufi erge, worra nama ijeese suni ch'ufa fit'e dira worrale gube. 8Jennaani tissele ufi gadi yaame waan jed'eeni, Jilti tiyya kurfo jirti, ammo worri anini yaame jilaa himmalle. 9Kara dira gula yaa, namuma gartani yaama. 10Tisseleeni kara gula yaate nama agarte ch'ufa dansaafi hamale yaamte, nami mana fuud'aa guute.
11Hayyuuni mana fuud'aa olseene keessuma ilaale; nama toko ka woya fuud'a ufira inqamne arge, 12waan jed'eeni, Isii, abbo, atini akami woya fuud'a male arma seente? Ammo namichi kaani waan jed'u d'abe. 13#Mat 8.12; 25.30; Luk 13.28 Duuba hayyuuni waan tisseleeni jed'e, Harkafi miila wolti hid'a, alati baasa, ha achiti bohe ilkaani qaru. 14Wonti akanatiifi nami yaamani heddu, ammo ka fohatani diqa.
Waan gaafi gibira baasani
(Mariko 12.13-17; Luka 20.20-26)
15Farisayooni yaate aka Yeso afaani fuutu wolmariatte. 16Jara worraatiifi jara Herode woliini Yesoti ergani waan jed'ani, Aabbo, nu imbeenna aka atini nama d'uga, atini waan Waaqi nama ira fed'u akuma d'uga barsiifta; waan nami jed'ule iyaaltu. 17Me, herega kanke nuti himi. Aki gibira hayyu Rumiti baasani fullaa mo fullaaniti? 18Yesoni ch'ubbu worra beennaani waan jed'e, Isani kiyyibdoole! Maanifu afaani na fuud'u feetani? 19Shilingi toko na agarsiisa jed'e. Worri shilingi toko agarsiise 20jennaani inni waan jed'e, Matafi maqa eennu irati t'aafani? 21Ka hayyu Kaisari jed'ani. Jennaani Yesoni waan jed'eeni, Yoosi hayyu waan isaa male baasa, Waaqale waan maleefi baasa. 22Waan kana d'ageennaani mamani, biraa yaani iti d'aabatani.
Waan gaafi kaisa hegeri
(Mariko 12.18-27; Luka 20.27-40)
23 #
Huji 23.8 Guyyuma suni Sadukayoni gari fulla Yeso d'ufte. (Sadukayoni worra, Duisa keesaa kaisi injiru jed'u.) 24#Qab-Ser 25.5 Duuba isiini waan jette, Aabbo, waan Musani barsiise, Yo nami ilmaani male due, oboleesi isaa niiti isaa fuud'e, oboleesa ufiti ilmaani d'alu male jed'e. 25Duuba oboleyaani torbaati ta woliini teetu jira, angafi dubra fuud'e ilme male due, Niiti taani oboleesi lameeso d'aale, 26innileeni akasuma ilma male due ka sadeesoleeni isi fuud'e akasuma due, duuba eege oboleyaani hafte taaleni ch'ufti akasuma raawate. 27Eege niitiini taleeni doote. 28Gaafa worra due kaasani isiini niiti eennu taati? Worri torbaanu yayu isii fuud'e.
29Yesoni waan worraani jed'e, Isani guddo wollaaltani, maro isani T'aafifi jabeenna Waaqa imbeenneefi. 30Worri due, yo kaasani, aka malaika Waaqa jira, d'iirafi nad'eeni wolimfuud'ani. 31Ammo, waan kaisa worra due, waan Waaqi isaniini jed'e insoomne? Inni waan jed'e, 32#Bah 3.6 Anini Waaqa Abrahamutiifi Waaqa Isaaqotiifi Waaqa Yakoboti. Akasi jechuuni, inni Waaqa worra jiruuti, ka worra duetiiniti. 33Gumiini waan kana d'ageennaani guddo waan barsiisa isaa mamte.
Seera ira gudda
(Mariko 12.28-34; Luka 10.25-28)
34Farisayooni aka Yesoni Sadukayo ch'allisiise d'ageennaani wolti d'ufte, 35#Luk 10.25-28 jennaani qaallichi Seera toko aka isa ilaalatu wo isa gaafate waan jed'e, 36Seeri Seera ch'ufa ira jaba kami kana? 37#Qab-Ser 6.5Yesoni waan jed'e, Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani. 38Seeri ch'ufa ira jaba ka qara kana. 39#Law 19.18Ka lameesotiini wolfakaata: Nama ch'ufa aka ufi jaalatu jaalad'u. 40Seera Musatiifi barsiisani raaga ch'ufti seera kana lamaani ch'allaani guutamti.
Gaafi waan Kristo
(Mariko 12.35-37; Luka 20.41-44)
41Farisayooni wolwoldeennaani, Yesoni waan jed'eeni, 42Waan Kristo maani hereddani? Inni ilma eennu? Inni ilma Daudi jed'aniini. 43Yesoni waan jed'e, Daudini, Lubbu Waaqa gula, maafi Aabbo isaani jed'e re? Wonti akanatiifi Daudini waan jed'e,
44 #
Far 110.1
Aabbooni waan Abba kiyyaani jed'e:
Mirga kiyya tai,
haga anini nyaapa kanke miila kanke jalati deebisuti.
45Yo Daudini Aabbo isaani jed'e, Kristoni akami ilma Daudi taha re? 46Nami tokoleeni deebisu dad'abe, haga guyya suniti asi, nami tokoleeni woma isa gaafachu sodaate.
Yesoni waan jara Seera beekhufi Farisayo hima
(Mariko 12.38-39; Luka 11.43,46; 20.45-46)
Currently Selected:
Matayo 22: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
