MATTHEO 22

(118)

1 Yesu aTlela aYangula, aku kuBone hiwsiFananisu, aku,

2“AmBuso waTilu wuFananisiwa nimHunu lwe’yika Hosi, lw’angaYentxela agnwAnake amTimba: 3lw’angaHsuma awsiKalawa wsake wsiyaBitana la’baBitiwiki baTa emTimbeni: apfa bangaPfumeli akuTa.

4ATlela aHsuma awsiGnwani wsiKalawa, aku,

‘Hlayani kula’baBitiwiki ewsaku, NdiBekisili, axiFihlulo xanga: atiHabi tanga n’eta’uKuluka tiTlabjiwili, niHikwawsu wsiBekisiwili: Tanani emTimbeni.’

5Kambi bawsiDjelela, baFamba, amuGnwani enSignwini yake, amuGnwani enXabjwini wake: 6abaGnwani baKoma awsiKalawa wsake, bawsiXanisa, bawsiDlaya.

7Kambi aHosi yaHlundukili: yiHsuma aYimpi yake, yiDlava labo baDlavi, yiHisa nimuTi wabu. 8Kutani, aHli kuwsikalawa wsake, aku,

‘AmTimba wuBekisiwili, kambi la’baBitiwiki abaFanelanga. 9Hakoneke, Fambani emiTlanganweni yatinDlela, niLeleta Hikwabu laba nitakubaKuma, baTa emTimbeni.’

10Ewso wsiKalawa wsaFambili, wsaYi etinDleleni, wsaButhsa Hikwabu laba bangabaKuma, la’baFani, nila’baHombe: amTimba waTali hila’bakuDa.

11Kutani, loku aHosi yiHingenili akutaBona la’baTiki ekuDeni, aBoni lanu amHunu lw’angaYambalanga aKapulani djamTimba: 12aHli kuYene.

‘Nak’ohsi, uHingenisi kuyini la, na ungaYambalanga aKapulani djamTimba, na?’ AMiyelili. 13Kutani aHosi aku emaLandeni,

‘MuThsimbani, amiNenge nimaBoko, nimuTxukumetela emuNyameni lo’wuk’ehandli: kutakuBa kone akuDjila nikuKethsela kamEnyo. 14Hikusa la’baBitiwiki baNyingi, kambi la’baHlauliwiki kaHi babuTomi.’ ”

(119)

15Kutani baFariseo baFambi, baYentxa aHse ngu djakuBa bangamuXeyisa kuyini ekuKaneleni. 16BaHsumi kuYene abaDondisiwa babu, xikagnwe nibakaHerode, baku,

“MuDondisi, hawsiTiba ’ewsaku u muNene, uDondisa anDlela yakaNkulunkulu hiwsiNene, n’ewsaku auTxeli nKonta himHunu: hikusa auLangusi amaHlu yabHanu. 17Hakoneke, hiBjele, u yini xana? Xana wsiPfumeliwili hiNau akuHlenga Mali kuKesare kumbi xana ihi?”

18Kambi Yesu, n’awsiTiba abumFani b’jabu, ati kuBone,

19“NindiDjingela yini, Nini bamaNdende, na? NdiBonisani aMali yakuHlenga.”

BaBhuyisa kuyene aDuzento. 20Aku ku bone,

“Xana, hixakaMani lexi xiFanisu, n’ewsi wsiThsaliwiki eDuzentweni na?”

21Baku kuyene,

“Hiwsaka Kesare.”

Kutani aku kuBone,

“Hlengani kuKesare hawsakaKesare, niHlenga awsakaNkulunkulu kuNkulunkulu.”

22Loku bawsiYingelili, baMangala, bamuTsika, baFamba.

(120)

23Hidjodjo Siku kaTlhasi kuYene baSaduseo, labaHlayaku ewsaku aku kone akuPfuka kula’baFiki; bamuButisa, 24baku,

“Mudondisi, Mose aHlayili, ewsaku.

‘Loku amHunu aFa, enge nagnwAna, aMakwabu atamuHingenela kunKatake, aPfuxa atimPsalu kuMakwabu’ (Deut 25:5).

25Apfa ku kone kuHini awsiDamani, nTlanu na wsiBhidji: wakuSungula aTeka, aFa, kutani, loku enge natimPsalu, aSiyela aMakwabu anKatake; 26aYentxa wsolewso niwabuBhidji, niwabuHsahsu, kuKo’ kuTlhasa ni wanTlanu nabaBhidji. 27Enthsaku kwabu Hikwabu aFa awanSati. 28Hakoneke, ekuPfukeni, ataBa nKata‐Mani kula’banTlanu nabaBhidji na? ewsi Hikwabu bapfaku be naYe.”

29Kambi Yesu aYangula, aku kuBone,

“NiLahlekili, lewsi ningawsiTibi ’ewsiThsaliwiki, ninTamu wakaNkulunkulu. 30Hikusa, ekuPfukeni, abaTeki, abaTekiwi, kambi baYentxa wsanga hitinGelosi e’tik’eTilwini. 31Kambi, amHaka wakuPfuka kala’baFiki, xana kaniDondanga ’ewsiHlayiwiki kuNini hiNkulunkulu, aku,

32‘HiMini lw’aka Nkulunkulu wakaAbrahama, niNkulunkulu wakaIsaka, niNkulunkulu wakaYakobo’ (Eks 3:6) na?

ANkulunkulu kaHi Nkulunkulu wala’baFiki, kambi wala’bakuHanya.”

33Loku abHanu bawsiYingelili, baMangala hikuDondisa kwake.

(121)

34Kambi loku baFariseo bawsiYingeli ewsaku apfa aMiyelisi abaSaduseo, baBhuthsani mBangu muGnwe. 35Mugnwe kuBone, lw’aka muTibi waNau, amuButisa, amuDjinga, aku,

36“MuDondisi, hi wini aNau lo’wuKulu emiNawini na?”

37Aku kuYene,

“ ‘UtaHsanda aHosi Nkulunkulu waku himBilu yaku Hikwayu nihiHika djaku Hikwadju, nimiYanakanyu yaku Hikwayu’ (Deut 6:5). 38Hi wolowo aNau lo’wuKulu, lo’wakuSungula. 39Ni lo’wabuBhidji, lo’wuFanaku nawu, hilo’ lo’waku, ‘UtaHsanda lwe’uYakelaniki naye wsanga hikutiHsanda kwaku’ (Lev 19:18). 40Ku le’ miNau le’miBhidji awsaNau Hikwawu wsaHayekiwi, ni wsabaProfeta.”

(122)

41Loku baFariseo baButhsanili, Yesu abaButisa, 42aku,

“Xana ni’yini haKristo na? i gnwAna‐mani?”

Ba’u ku yene,

“wakaDavide.”

43A’u ku bone,

“Davide amuTxkulisa kuyini ewsaku i Hosi yake, naaKanela hiMoya, aku,

44‘Hosi muYimakhali aHli eHosini yanga, aku, Thsamisa Wene hi djaxiNene djanga, ndiKo’ ndiBeka abaLala baku baBa ehansi kamiNenge yaku’ (Ps 110:1) na?

45Ke, loku Davide amuTxula awsaku i Hosi yake, xana i gnwAna‐ke hayini?”

46AkuBanga namuGnwe lw’angawsiKotaku kumuYangula niDjiti djiGnwe: kuSuka kuledjo Siku, akaBanga namHunu lw’angaBa ninTamu wakuTlela amuButisa nTxhumu.

Currently Selected:

MATTHEO 22: SEHMAT

Highlight

Copy