MATTHEO 21

(113)

1Kutani, loku baThsinekeli eYerusalema, baTlhasi eBethfage, enHabeni yaOliveto; hilowo nKama Yesu aHsumi abaDondisiwa baBhidji, 2aku kuBone,

“Fambani, niYa emuTaneni lo’wuLangusaniki naNini; kutani nitaHatla niKuma amBongolo le’yiBhohiliwiki, niHsole xikagnwe naYone: tiNtlhantlhani, nitiBhuyisa kuMini. 3Kutani, loku mHunu aHla nTxhumu kuNini, nitaHla ewsaku. AHosi yatiDjula; kutani ataHatla atiFambisa.”

4Lewsi wsaYentxiwa ewsaku wsiTatiseka e’wsiHlayiwiki hiNomo wamProfeta, ewsaku,

5“Hlayani kugnwAna‐Zione, niku, Labisa! aHosi yaku yaTa kuWene;

yiMiyehli, yiThsamili emBongoloweni, n’eHsoleni djamBongolo” (Zek 9:9).

6BaDondisiwa baFamba, baYentxa wsanga h’ewsi Yesu angabaBjela, 7baTisa amBongolo niHsole; baHayeka amaKapulani yabu kuTone; bamuThsamisa Kone. 8Kutani la’baNyingi babHanu baYandlala amaKapulani yabu enDleleni; baGnwani baThsema amaXwabi emiHsini, bamaYandlala enDleleni. 9Kutani la’bakuHsangela, nila’bamuLandelaku, baHuwela, baku,

“Hosanna (hiHanyisi); haLosa agnwAna‐Davide:

‘AaBongiwi lw’aTaku hiBitu djaHosi’ (Dav 118:23);

Hosanna (hiHanyisi), We’uk’egnwanya kuHikwawsu.”

10Kutani, loku aHingeni eYerusalema, amuTi hikwawu waTxhuka, baku,

“HiMani lwe’?”

11AbHanu baku,

“Lwe’ u mProfeta, Yesu, lw’aPfaku eNazaretha lo’wuk’eGalilea.”

(114)

12Kutani Yesu aHingena enDlwini yakaNkulunkulu, aHumexa Hikwabu la’baXabisaku, nila’baXabaku enDlwini, aTxhukumeta amaTafula yala’baNdjindjaku aMali, niwsiThsamu wsala’baXabisaku himaDjuba: 13aHla’ kuBone,

“WsiThsaliwi ewsaku, ‘YinDlu yanga yitaHlayiwa ewsaku yi yinDlu yakuKhongota’ (Is 56:7), kambi Nini niyiYentxili djiBa ‘Hsanga djabaWutli’ ” (Jer 7:11).

14BaTlhasa kuYene la’bakuFa maHlu, nila’bakuKhuta, enDlwini yakaNkulunkulu; kutani abaHanyisa. 15Kambi baPristi la’baKulu nibaThsali, loko baBonili awsiNkhensisu ewsi angawsiYentxa, nibaLisanyana la’baHuwelaku enDlwini, baku

“Hosanna; haLosa agnwAna‐Davide,”

baKwata, 16baHla kuYene, Yesu aku kuBone,

“Xana, wawsiYingela ewsi ba’wsiHlayaku na?”

Yesu aku kuBone,

“Ndena; aningaDondanga xana ewsaku, ‘EmiNognweni yala’baThsongwani nila’baYagnwaku uHetisili aliDumu’ ” (Dav 8:2).

17AbaSiya, aHuma emuTini, aYa eBethania, ayaYetlela kone.

(115)

18Niximixo, loku aNtlhantuka aYa emuTini, aYingela anDlala. 19Kutani, loku aBoni anKuwa muGnwe enDleleni, aTa kuWone, kaKumanga nTxhumu kuWone, loku wsingabi maNhlampfu mpse! aHla kuWone,

“AkungaHumi kuWene Mhandu nikagnwe, kuKo’ kuBa hakhale.”

AnKuwa wuHatla kuBuna. 20AbaDondisiwa, loku bawsiBoni, baNkhensa, baku,

“AnKuwa wuHatlisa kuyini akuBuna na?”

21 Yesu aYangula, aku kuBone,

“NdiHla kuNini, Amen; loku Ni nikuDumba, ningaGanaganeki, aninakuYentxa awsanKuwa ntwse, kambi, loku nitaHlaya exiThsungeni lexi ewsaku, ‘Sukisiwa, uTxhukumetiwa eliKhulwini,’ wsitaYentxiwa. 22Kutani Hikwawsu ewsi nitakuwsiKombela ekuKhongoteni, hikuKholwa, nitawsiTekelela.”

(116)

23Loku aTlhasi enDlwini yakaNkulunkulu, abaPristi la’baKulu nibaNtsinda bata kuYene nahaDondisa, baku,

“WaYentxa lewsi hinTamu waku yini? hiMani lw’akuNyikiki lowu nTamu na?”

24 Yesu aYangula, aku kuBone,

“NaMini nditaButisa kuNini aMhaka yiGnwe; kutani, loku nindiBjela Yone, naMini nditaniBjela ewsaku ndiwsiYentxa lewsi hinTamu waku yini. 25AkuBapatisa kakaYohane xana kaPfi kwini? Kumbi eTilwini xana? kumbi ebHanwini na?”

Bone baDjimukisana exikahsi kwabu, baku,

“Loku hiHlaya, hiku, ‘eTilwini,’ ataHla kuHini, ‘KaniPfumelanga hayini?’ 26Kambi, loku hiHla ‘ebHanwini,’ haTxaba abHanuhikusa Hikwabu baHlaya ewsaku Yohane u mProfeta.”

27BaYangula baku ku Yesu,

“AhiwsiTibi.”

Aku kuBone,

“NaMini, andiniBjeli anTamu lo’ niYentxaku haWone le’minTxhumu. 28Kambi ni’ yini?

Amhunu apfa e ni bAna baBhidji: aTi kuwamaTibula, aku, GnwAnanga, Famba, uyaTihsa namuhla enSignwini yanga yaVinya. 29AYangula, aku NdingaYi; kambi enthsaku aNduluka aYa. 30ATa kuwabuBhidji, aHlaya wsanga hiwsolewso. Yene aYangula aku, NdaFamba, Hosi: kambi akaYanga. 31U wini kulaba baBhidji lw’angaYentxa akuHsanda kaHsohswake xana?”

Baku,

“Hi l’wakuSungula.”

Yesu aku kuBone,

“NdiHlaya mfuhsi, ndiku kuNini, AbaHlengisi ni baWowsani baniHsangela akuHingena emFugnwini wakaNkulunkulu. 32Hikusa Yohane aTi kuNini hinDlela yabuHombe, kambe Nini aniPfumelanga kuYene: abaHlengisi kambi, nibaWowsani baPfumeli kuYene: naNini, loku niwsiBonili, aniNdulukanga h’enthsaku, ewsakuba niPfumela kuYene.”

(117)

33“Yingelani axignwani xifananisu:

Apfa e kone amHunu, agnwInyi wamuTi, lw’angaBjala anSimu yaVinya, awuBiyela hiPango, aKela Djindi djaVinya kuYone, aYaka abuNanu, aBoleka abaDjimi, aSuka aya kudjiGnwanyani Tiku. 34AnKama wamHandu loku wuThsinekelili, aHsuma atinCekwa take kubaDjimi, tiyaTeka amHandu yaYone. 35AbaDjimi baKoma atinCekwa take, baBha yiGnwe, baDlaya yiGnwe, baKandla yiGnwe himaBje. 36AYengeta aHsuma atiGnwanyani tinCekwa, le’tiNyingi kun’etakuHsangela; baYentxa wsolewso nikuTone. 37Kambi ekuHeleni aHsuma kuBone agnwAnake, aku, BataTxhaba agnwAnanga. 38Kambi abaDjimi, loko baBoni agnwAnake, baBulabulisana baku, ‘Lwe’ i muDi waQoba: Tanani hiyamuDlaya, hiTeka, amFuyo yake.’ 39BamuKoma, bamuHumexela ehandli kanSimu, bamuDlaya. 40Loko yiTlhasili aHosi yanSimu yitaku yini kulabo baDjimi na?”

41Baku kuYene,

“YitabaDlaya nikuDlaya labo bHanu la’baFani; anSimu yake yitaBoleka baGnwanyani baDjimi, la’batakumuNyikela amHandu himinKama yaYone.”

42 Yesu aku kuBone,

“AniDondanga xana emiThsalweni ewsaku,

‘DjiBje e’djingaYaliwa hibaYaki, djiYentxiwi djoledjo djiBa mHandi yaKumbi:

lewsi wsiPfa ku Hosi, wsi wsiNkhensiso emaHlwini yehsu’ (David 118:22, 23).

43Hilewso‐ke ndi’ ku nini, AmFumo wakaNkulunkulu,

Nini nitaTekeliwa Wone, baNyikiwa abHanu la’baHumexaku amHandu yaWone. 44Lwe’ aWaku egnwanya kuledji djiBje, ataFahliwa: kambi lwe’ djitakuWa egnwanya kwake, djitamuFahla nikuFahla.”

45AbaPristi a’baKulu nibaFariseo, loku bawsiYingelile awsiFananisu wsake, bawsiBone ewsaku uHsehsa kubone. 46Kambi loku baDjula kumuKoma, baTxhaba abHanu, hikusa baku u muProfeta.

Currently Selected:

MATTHEO 21: SEHMAT

Highlight

Copy