BOISIONIKAB CHE KIYOKTOI 9
9
Kowalaksei Saul koegu Kristianindet
1Ak ye kita konerechi Saul koboisie kamuiset ak barisiet agobo alamalyetab Kiptaiyat, kwo oldab tisiindet ne o, 2ak kosom inendet baronok che ibei koba Damasko agobo sunagogisiek, kole ngonyor alak tugul che bo Oranato, ngo murenik anan kobogorisiek, komuchi komut kobwa Jerusalem ko ratotin.
3Ak ye kita kowendi, ko karikta Damasko: koluu ngunoto lapkeiyet ne kibunu kipsengwet koluuchi inendet komoswek tugul: 4ak kiibutyi ng’ony, ak kogas kutit kolenji inendet, Saul, Saul, amu nee si iusa? 5Ak kile, I ng’o, Kiptaiyandani? Ak kile, A Jesu ne iuse: 6ago ng’eet, ui nganaset, si kemwaun kit ne kanyol iyai. 7Ak kitononso ko nam kut bik che kibendi koboto inendet, kogasei twegunet, ama keerei chi. 8Kong’eet anyun Saul; ak kingo kagoyatogis konyekyik, ko ma kogeerei kiy; komut anyun ichek inendet konamoti eut, agoi Damasko. 9Ak kitar betusiek somok ama keerei kiy, ama amisiei anan koeeiso.
Saul eng’ Damasko
10Ak kimi alamalyet age Damasko, ne kigiguure Anania; ak kilenji Kiptaiyat inendet eng’ ng’ang’utiet, Anania. Kowol kole, Ami yu, Kiptaiyandani. 11Kolenji Kiptaiyat, Ng’eet, ui oret ne kiguure Ne Litit, ak iteeb eng’ gotab Judas chito ne kiguure Saul, chitab Tarso: keero, saei; 12ak kagogeer inendet chito ne kiguure Anania, konyonei agoi go, ak kogonoor inendet eunekyik, si kogeerto. 13Ago kiwol Anania, kole, Kiptaiyandani, kiagas eng’ bik che chang’ agobo chichito, ole te yaitiet ne kigoyachi biguk che tililen eng’ Jerusalem: 14ak tinyei eng’ yuto kimnatet ne bunu tisiik che eechen si korat tugul che kuurei kaineng’ung’. 15Ago kilenji Kiptaiyat, Ui inye: amu kinnyu inendet ne aboisie ne kialewen, si koib kainennyu taitab Bororiosiek ak laitorinik, ak lagokab Israel: 16amu aborjini inendet ole te chang’indab tuguk che kanyol konyorune nyalilda agobo kainennyu.
17Kiwa anyun Anania, ak kiwa agoi go; ak ye kiigonoor inendet eunekyik, kolenji, Tupchennyu Saul, kagiyokwa Kiptaiyat, inendet Jesu, ne kichunjin eng’ oret ne kiibunu, kole igeerte, ak kinyiitun Tamirmiriet ne Tilil. 18Ak eng’ sainato, kobutyo eng’ konyekyik tuguk che u berik, ak kigeerto; ak king’eet anyun ak kigibatisan; 19ak kiamis ak kinyor kimnatet. Ak kitebi betusiek alak koboto alamalyet che kimi Damasko. 20Ak ne matianit koamda agobo Jesu eng’ sunagogisiek kole, Inendet ko Weritab Jehovah. 21Ak kikwong’io tugul che kigas inendet, ak kole, Tos ma chichi ne kotar bik eng’ Jerusalem, icheget che cham koguurei kainani? Ak kogonyo oli agobo ng’olyondonito, si kobiit komut ichek ko ratotin koba taitab tisiik che eechen.
22Ago kitesak Saul kogimit, ak kiigochi kokwong’io Yahudik che kimenyei Damasko, koborjin ichek komie kole, Nito ko Kristo. 23Ak ye kingogesgei betusiek che chang’, kotuiyo Yahudik koruoch kole kobar inendet: 24ago kinaak eng’ Saul chobenywa ne bo ung’ot. Ak kirib ormarichok bet ak kemoi, kole kobar: 25ago kiimut alamalyennyi kemoi, ak kochoorta kosiir irimet, komitei mesendet orit.
Saul eng’ Jerusalem ak eng’ Tarso
26Ak ye kingonyo Jerusalem kotiem kole koyomogei ak alamalyet: ago kiiywei ichek tugul inendet, ama iyan kole alamalyet inendet. 27Ago kiimut Barnaba inendet kwo ole mi che kiyoktoi, ak kotetyi anyun ole kigeerto inendet Kiptaiyat eng’ oret, ak kole kiga kong’alalji inendet, ak ko u ye kigoamda eng’ nyiganatet eng’ Damasko eng’ kainetab Jesu. 28Ak kimi koboto ichek eng’ Jerusalem, komandoi ak komong’u, 29koamdoi eng’ nyiganatet eng’ kainetab Kiptaiyat: ak kong’alal ak kobeligei koboto Yahudik che ki kutinywa ko Yunanik; ago kicheng’ei kotugul kole kobar inendet. 30Ak ye kingonai tupchosiek, komut inendet kochortagei kwo Kaisaria, ak koyokto kwo Tarso.
31Konyor anyun kamuung’et kaniset ne mi Judea komugul ak Galili ak Samaria, koteegak; ak ye kibendoti eng’ kaiyweisietab Kiptaiyat ak eng’ kagaigaet ne bo Tamirmiriet ne Tilil, kotesak.
Kosooboti Petero bik eng’ Luda
32Ak ye kiwendote Petero komoswek tugul, kochortagei ole kimi che tililen che kimenyei Luda. 33Ak kinyorji oloto chito age ne kigiguure Ainea, ne kiga korue itogunnyi kenyisiek sisiit; amu ki meat borto. 34Kolenji anyun Petero inendet, Ainea, isoobin Jesu Kristo: ng’eet, ak iite itogung’ung’. Kong’eet anyun ngunoto. 35Ak kigeer inendet tugul che kimenyei Luda ak Saron, ak koyan Kiptaiyat.
Dorkas
36Ak kimi age ne bo alamalyet Jopa ne kigiguure Tabita, ne ye kiweech kele Dorkas: kitinyei kobogoriondoni boisionik che chang’ che miach ak kagochinoik che kiigoitoi. 37Ak kimian eng’ betusiechoto, ak kime: ak kingo kagoun, konde got age ne mi barak. 38Ak amu ki negityin Luda ak Jopa, ko ye kingogas alamalyet kole, mi Petero oloto, koyokyi bik aeng’ inendet, kosom kole, Nyonjech, amegage. 39Kong’eet anyun Petero ak koba ak ichek. Ak kingo kagoit, komut inendet kwo got ne bo barak: ak kitonondos mosogik tugul korirtos eng’ ye negit inendet, ak koborji sumotik ak ngoroik che kinabei Dorkas, ye kita komi koboto ichek. 40Komaanda Petero tugul koba sang’, ak kogutuny, kosa; ak kingoweleljigei musto, kolenji, Ng’eet, Tabita. Ak kiyat konyekyik: ak kingogeer inendet Petero, kong’eet koteb ng’ony. 41Ak kogochi inendet eunnyi, ak konam inendet kong’eet; ak ye kingo kagoguur che tililen ak mosogik, konde inendet tainywa ko kagosob. 42Ak kinaak eng’ Jopa komugul: ak kiiyan che chang’ Kiptaiyat. 43Ak kitebi eng’ Jopa betusiek che chang’ koboto chito age ne kigiguure Simon ne teiteindetab muiywek.
Currently Selected:
BOISIONIKAB CHE KIYOKTOI 9: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
