ZEKARIA 9
9
1 #
Isa 17.1-3; Jer 49.23-27; Amos 1.3-5. #
Isa 23.1-18; Ezek 26.1—28.26; Joel 3.4-8; Amos 1.9,10; Mat 11.21,22; Luk 10.13,14. ŨYŨ NĨGUO ũhoro mũritũ wa ndũmĩrĩri ya Jehova ĩkoniĩ bũrũri wa Hadaraka, naguo ũgakorerera itũũra rĩa Dameski, nĩ gũkorũo riitho rĩa Jehova nĩrĩo rĩonaga mũndũ o mũndũ, o na rĩkabara mĩhĩrĩga yothe ya Isiraeli; 2o na ningĩ ũgakorerera itũũra rĩa Hamathu rĩrĩa rĩkuhanĩrĩirie na itũũra rĩu rĩa Dameski, o na ningĩ ũkorerere matũũra ma Turo na Zidoni o namo, o na harĩa andũ amo marĩ ogĩ mũno. 3Andũ a Turo nĩ gwaka meyakĩire kĩhingo kĩrũmu, na makehaĩra hĩba cia betha nyingĩ o ta rũkũngũ rũa thĩ, o na thahabu ĩrĩa njega ĩingĩhĩte o ta ndaka ya njĩra-inĩ. 4Atĩrĩrĩ, Jehova nĩakamatunya indo icio, naruo rũirigo rũarĩo rũa hinya arũgũithie iria-inĩ thĩinĩ, narĩo itũũra rĩo rĩene rĩninwo na mwaki. 5#Isa 14.29-31; Jer 47.1-7; Ezek 25.15-17; Joel 3.4-8; Amos 1.6-8; Zef 2.4-7.Andũ a Ashikeloni nĩmakeonera ũndũ ũcio, metigĩre, o na andũ a Gaza mawĩyonere na maikare ta magwatĩtwo nĩ ruo rũnene mũno, ningĩ andũ a Ekironi o taguo, nĩ ũndũ kĩĩrĩgĩrĩro kĩao gĩgakorũo kĩrĩ gĩa tũhũ. Andũ a Gaza nĩmakaagithio mũthamaki, narĩo Ashikeloni rĩage gũcoka gũtũũrũo nĩ andũ. 6Mwana wa mũhingũria nĩwe ũgatũũra Ashikeloni, naguo mwĩtĩo wa Afilisiti nĩngaũnina o kũũnina biũ. 7Ningĩ nĩngeheria thakame ĩmoime kanua, na njeherie maũndũ mao marĩa mekaga ma thahu ta arĩ nyama ĩkũhurio ĩrutwo magego-inĩ mao; nao andũ ao arĩa magatigara no matuĩke a Ngai witũ, na matuĩke ta mũhĩrĩga ũmwe wa kũu Juda, nao Aekironi matuĩke ta Ajebusi. 8Ningĩ nĩngaamba hema irigicĩrie nyũmba yakwa ta ndĩmĩrangĩire na mbũtũ cia ita, o nginya gũkaaga mũndũ ũngĩtuĩkania atonye kuo, o na kana acoke ahũndũke oime kuo; na gũtirĩ mũhinyanĩrĩria ũgacoka gũtuĩkania kuo o na rĩ; nĩ ũndũ rĩu nĩndĩĩyoneire na maitho makwa ũrĩa gwĩkĩtwo ũũru.
9 #
Mat 21.5; Joh 12.15. Atĩrĩrĩ, wee mwarĩ wa Zayuni, kenũrũrũka mũno; uugĩrĩrie mũno, wee mwarĩ wa Jerusalemu; atĩrĩrĩ, mũthamaki waku nĩaroka harĩ wee, na nĩ mũthingu, na nĩwe ũkũhonokania, ningĩ nĩ mũhoreri, nake aroka ahaicĩte ndigiri, o aikarĩire njaũ ya ndigiri. 10#Thab 72.8.Niĩ na niĩ nĩnganina ngari cia ita ciehere kũu Efiraimu, o na mbarathi ndĩcinine kũu Jerusalemu, o naguo ũta wa mbaara nĩũkoinangwo; nake nĩakahunjanĩria ũhoro wa thayũ ndũrĩrĩ-inĩ, naguo wathani wake ũrutio o gĩturi-inĩ kĩa iria rĩmwe, o nginya gĩturi-inĩ kĩa iria rĩrĩa rĩngĩ, o na ũrutio Rũũĩ-inĩ rũa Farati, ũkinye o ituri cia thĩ. 11#Thama 24.8.O naho ha ũhoro waku-rĩ, tondũ wa thakame ya kĩrĩkanĩro gĩaku, nĩndutithĩtie andũ aku arĩa ohe irima-inĩ rĩrĩa rĩtarĩ maĩ. 12Hũgũkĩrai kĩhingo kĩrĩa kĩrũmu, inyuĩ andũ ohe, mũhingĩrio kĩĩrĩgĩrĩro kĩanyu, amu ũmũthĩ nĩguo nguuga atĩ nĩngakũrĩha thĩna waku maita merĩ. 13Nĩ ũndũ nĩndĩĩhacĩire Juda ta arĩ ũta, o na Efiraimu ngamũgereka ta arĩ mĩguĩ ĩrĩ rũrigi-inĩ rũa ũta nao ariũ aku, wee Zayuni, ndũme maambarũrũke, mokĩrĩre ihĩĩ ciaku, wee Mũyunani, na ndũme ũtuĩke o ta rũhiũ rũa njora rũkũhiũrio nĩ mũndũ karau. 14Nake Jehova nĩakonwo arĩ igũrũ rĩao, nayo mĩguĩ yake ĩthiage ta rũheni; nake Mwathani Jehova ahuhithie karumbeta, athiage arĩ kĩhuhũkanio-inĩ kĩa rũhuho rũa mwena wa gũthini. 15Ningĩ Jehova Mũnene wa Ita nĩwe ũkamagitĩra; nao maninane biũ, na marangĩrĩrie mahiga ma kĩgũtha thĩ; nĩ kũnyua makanyua thakame yao, na macoke maronje ta arĩ ndibei manyuĩte, na maiyũrĩrĩrio ta mbakũri, o mbakũri iria irĩ mĩthia-inĩ ya kĩgongona. 16Nake Jehova Ngai wao nĩakamahonokia mũthenya ũcio ta marĩ mbũri cia rũũru rũa andũ ake; nĩ ũndũ magatuĩka o ta tũhiga twa goro tũthecereirũo tanji-inĩ, tũkũhenahenia bũrũri-inĩ wake. 17Kaĩ wega wao nĩ mũnene-ĩ! Na ningĩ kaĩ ũthaka wao nĩ mũnene-ĩ! Ngano nĩyo ĩkagaacĩria andũ a muumo, o nayo ndibei ya mũthondekano ĩgaacĩrie airĩtu.
Currently Selected:
ZEKARIA 9: OGKBIBLE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
