Popular Bible Verses from ZEKARIA 9

Share

Atĩrĩrĩ, wee mwarĩ wa Zayuni, kenũrũrũka mũno; uugĩrĩrie mũno, wee mwarĩ wa Jerusalemu; atĩrĩrĩ, mũthamaki waku nĩaroka harĩ wee, na nĩ mũthingu, na nĩwe ũkũhonokania, ningĩ nĩ mũhoreri, nake aroka ahaicĩte ndigiri, o aikarĩire njaũ ya ndigiri.

Niĩ na niĩ nĩnganina ngari cia ita ciehere kũu Efiraimu, o na mbarathi ndĩcinine kũu Jerusalemu, o naguo ũta wa mbaara nĩũkoinangwo; nake nĩakahunjanĩria ũhoro wa thayũ ndũrĩrĩ-inĩ, naguo wathani wake ũrutio o gĩturi-inĩ kĩa iria rĩmwe, o nginya gĩturi-inĩ kĩa iria rĩrĩa rĩngĩ, o na ũrutio Rũũĩ-inĩ rũa Farati, ũkinye o ituri cia thĩ.

Nake Jehova Ngai wao nĩakamahonokia mũthenya ũcio ta marĩ mbũri cia rũũru rũa andũ ake; nĩ ũndũ magatuĩka o ta tũhiga twa goro tũthecereirũo tanji-inĩ, tũkũhenahenia bũrũri-inĩ wake.