Thangambere 13
13
Abram ku Lot Gipokri
1Man Abram uidho malu ku i Misiri, en, ku dhaku pare, ku gin ceke m’ebedo ko, man Lot de gikugi i ng’om ma yor ariwa ma piny. 2Man Abram ulony dit ku lim, ku mola ma tar, man mola ma kwar. 3Man ecidho i woth pare ugambre yor ariwa ma piny cil kum Beth-el, ba ka ma hema pare lar ubedo i ie, i kind Beth-el ku Ai, 4ba ka mi pemblam, m’elar etimo keca: e Abram ulwong’o nying’ Yehova keca. 5Man Lot bende, ma gicidho karacelo kud Abram, ubedo kud udul rombe, man udul lim, ku hema. 6E ng’om uromogi ngo, kara gibed karacelo: kum piny migi dit, ketho gicopo bedo karacelo ngo. 7Man piem ni i kind jukwac mi lim pa Abram ku jukwac mi lim pa Lot: man Jakanani ku Japerizi gibedo i ng’ombe i nindo maeca. 8Man Abram uwacu ni Lot kumae, Akwei, piem kud ubed i kindwa wakudi, man i kind jukwac para ku jukwac peri; kum wan umego. 9Ng’om dho ni i weng’i ngo? akwei, koiri giri kuda: tek ifoyo yor acam, abilund cidho yor acwic; kadi tek ifoyo yor acwic, abilund cidho yor acam. 10#Tha 2:10Man Lot uting’o wang’e malu, man eneno pambu mi Yor dan ceke, nia pi rome kun ku kun ceke, ma fodi Yehova kunyotho Sodom ku Gomora ngo, e calu podho pa Yehova, calu ng’om mi Misiri, kan icidho kum Zoar. 11Kum kumeno Lot ufoyo ire pambu ceke mi Yordan; man Lot ucidho yo nyangu: e gikoiri gigi mai: ku wadi man ku wadi. 12Abram ubedo i ng’om Kanan, man Lot ubedo i adhura mi pambu, man edaku hema pare cik i Sodom. 13Nwang’u dhanu mi Sodomne gi weg gondri man judubo ni Yehova dit apila.
14Man Yehova wacu ni Abram kumae, yo ng’ei ma Lot ukoc kude, Ting’ weng’i malu kawono, man inen kud i ka m’ini ie, yor ariwa ma malu ku yor ariwa ma piny man yo nyangu ku yo reto: 15#Tic 7:5kum ng’om ceke m’ineno, abimie iri, man ni nyikwei mi nja. 16Man abiketho nyikwei bedo calu utur m’i ng’om: kum kumeno tek ng’atu moko copo kwanu utur m’i ng’om, e nyikwei bende bikwandre. 17Ai malu, woth kud i ng’om i kaborne man i kalacne; kum abimie iri. 18Man Abram udaku hema pare, man ebino ebedo de ceng’ni bongu mi Mamre, ma ni i Hebron, man eguro pemblam keca ni Yehova.
Currently Selected:
Thangambere 13: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
