Thangambere 12
12
Lwong’ ma Mungu Lwong’o ko Abram
1 #
Tic 7:2, 3; Ebr 11:8 Nie Yehova wacu ni Abram kumae, Wodhri woko kud i ng’om ma thu, man ku ba wat peri, man kud i ot pa wuru, icidh i ng’om m’abinyutho iri: 2man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa: 3#Gal 3:8man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi. 4Kum kumeno Abram ucidho calu Yehova yero ire; man Lot gicidho gikugi: man Abram rundi pare pier abiro wi abic kan eai kud i Haran. 5Man Abram ugamu Sarai ma dhaku pare, ku Lot ma wod umin, ku jukupiny migi ceke ma gicoko, ku dhanu ceke ma ginwang’u i Haran; e gitugo woth kara gicidh i ng’om Kanan; man giwok i ng’om Kanan. 6Man Abram ukadhu kud i ng’om cil kum ka mi Cekem, utundo kum bongu mi More. Man Jakanani ni i ng’om i nindo maeca. 7#Tic 7:5; Gal 3:16Man Yehova nyuthre ni Abram, ewacu de kumae, Abimio ng’om maeni ni nyikwei: e eguro pemblam keca ni Yehova, m’unyuthre ire. 8Man eai ku kuca ecidho kum got ma ni yo nyangu ni Beth-el, man eguro hema pare, m’ebedo ku Beth-el yo reto, man Ai yo nyangu: man eguro pemblam keca ni Yehova, man elwong’o nying’ Yehova. 9Man Abram utugo woth, m’ebecikucidho yor ariwa ma yo piny.
Abram i Misiri
10Man ndru ni i ng’ombe: man Abram uloro piny i Misiri nibedo kuca tundu; kum ndru bedo dit i ng’ombe. 11Man etimbre, kan ewok ceng’ni m’emondo ko i Misiri, nia ewacu ni Sarai ma cege kumae, Nen kawono, ang’eyo nia in i dhaku ma weng’i leng’ mir anena: 12man ebitimbre, kinde ma Jumisiri gibineni, nia gibiwacu kumae, Maeni dhaku pare: man gibinega, ento gibibodhi ma kwo. 13#Tha 20:2; 26:7Akwei, dong’ iwac nia in i nyamira; kara ebed ber ira ni kumi, man kara ng’eyong’ec para bed kwo ni kumi. 14Man etimbre, nia, kinde ma Abram uwok i Misiri, Jumisiri gineno dhakune nia wang’e leng’ dit. 15Man judongomawijo pa Farao ginene, man gipake ni Farao: e jugamu dhakune i ot pa Farao. 16Man etimo ber ni Abram ni kume: man ebedo ku rombe, ku koni dhiang’, ku kana ma thwoni, man jutic ma co, man bong’, man mege kana, ku ngamia. 17E Yehova goyo Farao man ot pare ku masendi ma dit kum Sarai, ma ci Abram. 18Man Farao lwong’o Abram, man ewacu kumae, Maeni ang’o m’itimo i bang’a? nedi ikwero wacu ira nia en e dhaku peri? 19nedi iwacu kumae, En e nyamira, ketho agame ni dhaku ira? ka kumeno kawono nen dhaku peri, game, man icidh i yo peri. 20Man Farao mio ng’ol ni dhanu pire: e gikele i yo, ku dhaku pare, ku gin ceke m’ebedo ko.
Currently Selected:
Thangambere 12: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.