Luke NHƐNMU
NHƐNMU
Luke Asɛmpa no da Jesus edzi dɛ Agyenkwa no a wɔdze no bɔɔ anohoba maa Israel na wiadze nyina so no. Luke kyerɛw dɛ Nyankopɔn no Sunsum na ɔfrɛɛ Jesus dɛ ɔmfa “nsɛmpa no mbrɛ ehiafo” (4.18), na dza ahyɛ dɛm Asɛmpa yi ma nye adwempa a ɔwɔ hɔ ma nyimpa na hɔn ehiadze ahorow. Enyigyesɛm so dzi akotsen wɔ Luke ne nsɛm no mu ne tsitsir nye n’ahyɛse no a ɔka Jesus ne mbae ho asɛm na afei ewiei no a ɔka Jesus no sor nkɔree ho asɛm no. Kristian gyedzi ne nyinii na ne ntserɛwee wɔ Jesus no sor nkɔree ekyir no ho asɛm so ɔkyerɛwfo kor yi ara dze to gua wɔ Asomafo Ndwuma no mu.
Afaafa ebien bi a ɔyɛ Tsir 1-2 na 9-19 no ka nsɛm bi a dɛm Asɛmpa yi mu nkotsee na wobohu. Nsɛm bi tse dɛ ndwom a abɔfo no towee, nguanhwɛfo no hɔn nsera wɔ ber a wɔwoo Jesus na abofra Jesus n’asɔrfi mu nkɔree. Afei so abɛbu a ogyina Samarianyi ɔyamuyiefo bi na ɔba dzesɛɛfo no do no so ka ho. Asɛmpa no mu beebiara, wosi mpaabɔ, dza mbasiafo yɛe dze boae wɔ Jesus no som edwuma no mu na Nyankopɔn ne fakyɛ wɔ bɔn ho no do tadua.
Dza Ɔwɔ Mu
Nyienyim 1.1-4
John Onumanyi no na Jesus hɔn awoo na hɔn mbofraber mu. 1.5—2.52
John Onumanyi no n’edwumayɛ 3. 1-20
Jesus n’enuma na nsɔhwɛ 3.21—4.13
Jesus ne baguamu edwumayɛ wɔ Galilii 4.14—9.50
Ofi Galilii kɔ Jerusalɛm 9.51—19.27
Dapɛn a odzi ewiei wɔ Galilii na no nkwaa do 19.28—23.56
Ewuradze no wusoɛr, no ho edzida na no sor nkɔree 24.1-53
Currently Selected:
Luke NHƐNMU: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.