Luke 9

Jesus Soma Asomafo Duebien no

(Matthew 10.5-15; Mark 6.7-13)

1Na ɔfrɛɛ duebien no boaa ano, na ɔmaa hɔn ahoɔdzen nye tum wɔ mbɔnsam nyina na ayarsa do. 2Na ɔsomaa hɔn dɛ wɔnkɛka Nyankopɔn ahenman no ho asɛm, na wɔmma ayarfo nya ayarsa. 3#Luk 10.4-11 Na ɔsee hɔn dɛ, Mma hom mmfa biribiara nntu kwan, mma hom mmfa poma anaa kotoku anaa edziban anaa sika, na mma hom mmfa ntar ebien so. 4Na fie biara a hom bɛhɛn mu no, hom ntsena hɔ ara, na hom eefi hɔ akɔ. 5#Ndwu 13.51 Na hɔn a wɔrenngye hom no, hom fi kurow mu hɔ rokɔ a, hom mporoporow hom ananadze huntuma ngye dase ntsia hɔn. 6Na wosii mu koduaduaa nkurow no nyina mu kaa asɛmpa no, na wɔsaa yarba wɔ mbea nyina.

Herod N’adwen Haw no

(Matthew 14.1-12; Mark 6.14-29)

7 # Mat 16.14; Mar 8.28; Luk 9.19 Na ɔmansinhen Herod tsee dza ɔyɛe nyina, na ne tsirmu yɛɛ no basabasa, osiandɛ binom kaa dɛ John efi ewufo mu asoɛr; 8na binom so kaa dɛ Elija eyi noho; na binom so dɛ tsetse nkɔnhyɛfo no mu baako asoɛr bio. 9Na Herod see dɛ, Metwa John ne tsir; na woana nye nyia metse no ho nsɛm dɛm yi? Na ɔpɛɛ dɛ nkyɛ obohu no.

Jesus Ma Mpemenum Edziban

(Matthew 14.13-21; Mark 6.30-44; John 6.1-14)

10Na asomafo no sanee bae no, wɔbɛkaa dza wɔakɛyɛ nyina kyerɛɛ no. Na ɔfaa hɔn kɔr nkyɛn beebi, wɔ kurow a wɔfrɛ no Bɛtsaeda no mu. 11Na nyimpadodow no hunii no, wɔkɛkaa no do; na ɔgyee hɔn na ɔkaa Nyankopɔn ahenman no ho asɛm kyerɛɛ hɔn, na ɔsaa hɔn a wohia ayarsa no yarba. 12Na wi rokɔtɔ no, duebien no bae bɛsee no dɛ, Gya nyimpadodow yi kwan ma wɔnkɔ nkurow nye nkuraase a woetwa ehyia yi mu nkɛtsena hɔ, ama woeenya edziban: na mbrɛ yɛwɔ yi dze, sar do a. 13Na ɔsee hɔn dɛ, Homara hom mma hɔn biribi ma wondzi. Na wobuaa dɛ, Yennyi biribiara dɛ paanoo enum, na esunam ebien, gyedɛ yɛkɔ kɔtɔ edziban ma nkorɔfo yi nyina. 14Na wɔbɛyɛ mbarimba mpemenum. Na ɔsee n’esuafo no dɛ, Hom mma wɔntsenatsena famu ekuw mu, eduonum, eduonum. 15Na wɔyɛɛ dɛm na wɔmaa hɔn nyina tsenaa famu. 16Na ɔfaa paanoo enum no, nye esunam ebien no, na ɔhwɛɛ sor no, ohyiraa do, na obubui dze maa n’esuafo no dɛ wɔnkyɛ mma nyimpadodow no. 17Na hɔn nyina dzidzii na wɔmee; na wɔtasee mporoporoba a ɔboor do no nkɛntsɛn duebien.

Peter Da ne Gyedzi Wɔ Jesus mu Edzi

(Matthew 16.13-19; Mark 8.27-29)

18Na aber bi a noara nko wɔ hɔ rosɔr na n’esuafo no ka no ho no, obisaa hɔn dɛ, Nyimpadodow se dɛ woana nye me? 19#Mat 14.1, 2; Mar 6.14-15; Luk 9.7-8 Na wobuae see dɛ, John Onumanyi no a, na binom se Elija a; binom so se dɛ tsetse nkɔnhyɛfo no bi na ɔasoɛr bio. 20#Joh 6.68, 69 Na obisaa hɔn dɛ, Na hom dze, hom se dɛ woana nye me? Na Peter buae see dɛ, Nyankopɔn ne Kraest no a.

Jesus Ka no Wu nye Wusoɛr ho asɛm

(Matthew 16.20-28; Mark 8.30—9.1)

21Na ɔbraa hɔn hyɛɛ hɔn dɛ mma wɔnnka iyi nnkyerɛ obiara, 22na ɔsee dɛ, Ɔsɛ nyimpa Ba no dɛ obohu amandze pii, na mpanyimfo nye asɔfompanyin nye kyerɛwfo no apow no, na woeku no, na da a otsia ebiasa no oenyan. 23#Mat 10.38; Luk 14.27 Na ɔkaa kyerɛɛ hɔn nyina dɛ, Sɛ obi pɛ dɛ odzi m’ekyir a, ma ɔmpow noho, na ɔmma ne mbeamudua do daa na ɔnka mo do. 24#Mat 10.39; Luk 17.33; Joh 12.25 Na obiara a ɔpɛ dɛ ɔkora ne nkwa no, ɔbɔhwer no, na obiara a ɔbɔhwer no nkwa wɔ emi ntsi, ɔno na obenya no bio. 25Na sɛ nyimpa nya wiadze nyina, na sɛ ɔyew noho, anaaso ɔhwer ne kra a, ebɛn mfaso na obenya? 26Osiandɛ obiara a n’enyi bɔto emi nye me nsɛm ho no, ɔno na nyimpa Ba no n’enyi bɔto no ho, ber a ɔdze nankasa nye n’Egya nye abɔfo krɔnkrɔn enyimnyam no bɛba no. 27Na meka kyerɛ hom nokwar mu dɛ, Hɔn a wogyina ha yi, binom wɔ hɔ a wɔronnsɔ owu nnhwɛ ansaana woehu Nyankopɔn n’ahenman no.

Jesus N’enyimnyam Hyerɛn

(Matthew 17.1-8; Mark 9.2-8)

28Na ɔbaa dɛ nsɛm yi ekyir bɛyɛ ndaawɔtwe no, ɔfaa Peter, John nye James, na ɔkɔr kokwaa bi do kɔsɔree. 29Na ɔrosɔr no, n’enyim su sakyeree, na ne ntar yɛɛ fitaa hyɛnhyɛnn. 30Na hwɛ, mbarimba beenu nye no kasae: wɔyɛ Moses nye Elija. 31Hɔn na woyii hɔnho wɔ enyimnyam mu, na wɔkaa wu a orukowu wɔ Jerusalɛm no ho asɛm. 32Nna nda afa Peter nye hɔn a wɔka no ho no kɛsenara, na wonyanee no, wohun n’enyimnyam nye mbarimba beenu a wogyina ne nkyɛn no. 33Na ɔbaa dɛ worisi mu efi ne nkyɛn no, Peter see Jesus dɛ, Ewuradze, oye ma hɛn dɛ yɛtsena ha, na ma yɛmbɔ asese ebiasa, wodze kor, Moses dze kor, Elija dze kor; a nna onnyim dza ɔreka. 34Na ɔreka dɛm no, mununkum bɛkataa hɔn do; na wɔrehɛn mununkum no mu no, wosuroi. 35Na ndze fi mununkum no mu baa dɛ, Oyi nye me Ba, nyia masan mu meyi no: hom ntsie no. 36Na ndze no twaa mu no, nna aka Jesus nko wɔ hɔ. Na womuamuaa do, na nda no mu no wɔannka ndzɛmba a wohunii no ho asɛm biara annkyerɛ obiara.

Jesus Sa Banyimba a Ɔwɔ Sunsum fi Yarba

(Matthew 17.14-18; Mark 9.14-27)

37Na ɔbaa dɛ n’adzekyee a wofi kokwaa no do baa famu no, nyimpadodow pii behyiaa no. 38Hɔ no ara, obi fi nyimpadodow no mu tseaa mu dɛ, Kyerɛkyerɛfo, meserɛ wo, hwɛ me ba yi: na me ba kor ara nye no; 39na sunsum bi kyer no, na ɔka mu awerɛfir mu, na ɔtsetsew no ma n’ano twa ehur, na ɔposa no araa ma ɔyɛ dzen ana oegyaa no. 40Na meserɛɛ w’esuafo no dɛ wontu no, naaso woenntum. 41Na Jesus buae see dɛ, Ao ɔsantsen a hom nnyi gyedzi na hom akyea, menye hom ntsena na minsie hom ho abotar nkodu dabɛn? Fa wo ba no bra ha. 42Na ɔreba no, sunsum fi no twaa no hwee famu, na ɔtsetseew no, na Jesus bɔɔ sunsum fi no ham, na ɔsaa abofra no yarba, na ɔdze no maa n’egya. 43Na hɔn nyina ho boow hɔn, wɔ Nyankopɔn no tumdzi kɛse no ntsi.

Jesus Ka no Wu ho Asɛm bio

(Matthew 17.22, 23; Mark 9.30-32)

Na ber a obiara no ho abow no wɔ ndzɛmba a Jesus yɛe nyina ho no, ɔsee n’esuafo no dɛ, 44Hom mma nsɛm yi nkɔ hom asomu: na nyimpa Ba no, woribeyi no ahyɛ nyimpa nsa. 45Na wɔanntse asɛm yi ase, na ohuntaa hɔn amma woeennhu, na wosuroo dɛ wobebisa no asɛm yi ho biribi.

Kɛseyɛ Mapa

46 # Luk 22.24 Na atsɛnyiyi baa hɔn mu dɛ hɔn mu woana na ɔyɛ kɛse. 47Na Jesus hun hɔn akoma mu adwen no, ɔfaa abofraba bi gyinaa ne nkyɛn, 48#Mat 10.40; Luk 10.16; Joh 13.20 na ɔsee hɔn dɛ, Obiara a ɔbɛgye abofraba yi wɔ me dzin mu no, ɔgye emi mara; na obiara a ɔgye me no, ɔgye nyia ɔsomaa me no: na nyia ɔyɛ ekumaba wɔ hom nyina mu no, ɔno na ɔyɛ kɛse.

Nyia Onntsia Hom no Wɔ Hom Afa

(Mark 9.38-40)

49Na John buae see dɛ, Hɛn wura, yehun obi dɛ ɔdze wo dzin rutu esunsum fi, na yesiiw no kwan, osiandɛ ɔnnka hɛn ho. 50Na Jesus see no dɛ, Mma hom nnsiw no kwan: na nyia onntsia hom no, ɔwɔ hom afa.

Samaria Ekuroba bi Anngye Jesus

51Na ɔbaa dɛ nda a wɔrebɛfa no akɔ sor reyɛ edu no, osii n’adwen pi dze n’enyi kyerɛɛ dɛ ɔrokɔ Jerusalɛm, 52na ɔsomaa abɔfo dzii n’enyim kan; na wɔkɔree no, wɔkɛhɛɛn Samariafo kurow bi mu dɛ worikesiesie hɔ ama no. 53Naaso wɔanngye no, osiandɛ nna n’enyi kyerɛ Jerusalɛm. 54#2 Ahe 1.9-16 Na n’esuafo James nye John hunii no, wɔsee dɛ, Ewuradze, ana epɛ dɛ yɛka ma ogya fi sor ba bɛhyew hɔn? 55Naaso Jesus daan noho twuuw hɔn enyim;#9.55-56 Akyerɛwfo binom dze sɔw do dɛ: hom nnyim sunsum ko a hom yɛ nedze, osiandɛ Nyimpa Ba no ammbɛsɛɛ nyimpa, mbom ɔbɛgyee hɔn nkwa. 56Na wɔkɔr ekuroba bi so mu.

Nkorɔfo bi a Wɔpɛɛ dɛ Wɔka Jesus do

(Matthew 8.19-22)

57Na wɔnam kwan mu rokɔ no, obi kaa kyerɛɛ no dɛ, Beebiara a ebɔkɔ no, mebɛka wo do. 58Na Jesus see no dɛ, Nsɔ wɔ etu, na wimu nnoma wɔ mberɛbuw, naaso nyimpa Ba no dze, onnyi beebi a ɔdze ne tsir to. 59Na Jesus see obi so dɛ, Ka mo do, na ɔsee no dɛ, Ma me kwan ma monkɔ minkesie m’egya ana. 60Na ɔsee no dɛ, Ma ewufo nsie hɔnara hɔn ewufo, na ɔwo dze, kɔ kɛka Nyankopɔn n’ahenman ho asɛm. 61#1 Ahe 19.20 Na obi so see no dɛ, Ewuradze, mebɛka wo do, na ma me kwan ma menkɛkra hɔn a wɔwɔ me fie ana. 62Na Jesus see no dɛ, Obi a ɔdze ne nsa kosuo funtumdadze no mu, na ɔhwɛ n’ekyir no, ɔmmfata Nyankopɔn ahenman no.

Currently Selected:

Luke 9: MFANBRPC

Highlight

Copy