Luke 10

Jesus Soma Eduosuon no

1Na iyi ekyir no, Ewuradze yii eduosuon#10.1 Tsetse akyerɛwfo binom ka dɛ eduosuon ebien. afofor so, na ɔsomaa hɔn beenu beenu dzii n’enyim kan kɔr kurow anaa beebiara a nankasa robɔkɔ hɔ no mu. 2#Mat 9.37, 38 Na ɔsee hɔn dɛ, Otwadwuma no dɔɔ so ampa, na edwumayɛfo no dze, wosuar: dɛm ntsi hom nserɛ otwadwuma no wura ma ɔnsoma edwumayɛfo mbra no twadwuma no mu. 3#Mat 10.16 Hom nkɔ: hwɛ, mosoma hom dɛ nguambaa wɔ mpataku finimfin. 4#Mat 10.7-14; Mar 6.8-11; Luk 9.3-5 Mma hom mmfa sika kotoku, anaa bɔtɔ, anaa nsokota; na mma hom nnkyia obi wɔ kwan mu. 5Na ofi biara a hom bɛhɛn mu no, hom ndzi kan nse dɛ, Asomdwee mbra ofi yi do. 6Na sɛ asomdwee ba wɔ hɔ a, hom asomdwee bɛtsena no do, na sɛ ɔnntse dɛm a, ɔbɛsan aba hom hɔ bio. 7#1 Kor 9.14; 1 Tim 5.18 Na fie hɔ ara na hom ntsena, na hom ndzi na hom nnom dza wɔbɛma: osiandɛ odwumayɛfo n’apaadze sɛ no: mma hom mmfi fie kor mu nnkɔ fofor mu. 8Na kurow biara a hom kɔ mu, na wɔgye hom, hom ndzi dza wɔdze besi hom enyim; 9na hom nsa no mu ayarfo yarba, na hom nse hɔn dɛ, Nyankopɔn ahenman no abɛn hom. 10#Ndwu 13.51 Na kurow biara a hom kɔ mu na wɔnngye hom no, hom mfir nkɔ n’abɔntsen do, na hom nse dɛ, 11Hom kurow mu huntuma a ayeyɛ hɛn ho mpo yɛprapra gu hom do: na ɔyɛ dɛn ara a, hom nhu iyi dɛ Nyankopɔn ahenman no abɛn hom. 12#Gye 19.24-28; Mat 11.24; Mat 10.15 Na mese hom dɛ ɔbɛfanyim Sodom wɔ da no mu akyɛn dɛm kurow no.

Nkurow a Woennu Hɔnho

(Matthew 11.20-24)

13 # Isa 23.1-18; Eze 26.1—28.26; Joel 3.4-8; Amos 1.9, 10; Zek 9.2-4 Korazin ndue! Bɛtsaeda ndue! Osiandɛ sɛ tum ndwuma a wɔyɛe wɔ hom mu yi, wɔyɛɛ no wɔ Taere nye Sidon mu a, nkyɛ wɔtsenatsenaa eyitam nye nso mu nuu hɔnho ntsɛmara. 14Na ɔbɛfanyim Taere nye Sidon wɔ atsɛmbu no mu akyɛn hom. 15#Isa 14.13-15 Na ɔwo, Karpernaum, wɔbɛma wo do akɔ sor anaa? Hwɛ, wɔbɛbrɛ wo adze akɔ samanadze. 16#Mat 10.40; Mar 9.37; Luk 9.48; Joh 13.20 Nyia otsie hom no, otsie me so, na nyia ɔpow hom no, ɔpow me so, na nyia ɔpow me, ɔpow nyia ɔsomaa me no so.

Eduosuon no Hɔn Nsanee

17Na eduosuon no dze dɛw sanee bɛsee dɛ, Wo dzin ntsi esunsum fi mpo abrɛ hɔnho adze ama hɛn. 18Na ɔsee hɔn dɛ, Muhun Satan dɛ ofir sor rohwe ase dɛ enyinam. 19#Dwom 91.13Hwɛ, mama hom tum dɛ hom ntsiatsia nwɔ nye nyankoma nketsebowa do nye ɔtamfo ahoɔdzen nyina do: na biribiara runntum nnyɛ hom. 20Naaso mma hom nndzi dɛw wɔ iyi mu dɛ esunsum fi abrɛ hɔnho adze ama hom, na mbom hom ndzi dɛw dɛ wɔakyerɛw hom edzin wɔ sor.

Jesus Dzi Dɛw

(Matthew 11.25-27; 13.16, 17)

21Na dɔn no ara mu odzii ehurusi wɔ Sunsum Krɔnkrɔn mu, na ɔsee dɛ, Miyi wo ayɛw, Egya, sor nye asaase Wura, dɛ edze ndzɛmba yi esuma enyansafo nye abadwembafo, na eyi akyerɛ nkɔkowaba: ampaara, Egya, na dɛm na ɔsɔɔ w’enyi. 22#Joh 3.35; Joh 10.15 Ndzɛmba nyina m’Egya dze ahyɛ me nsa; na obi nnyim mbrɛ Ɔba no tse, gyedɛ Egya no; na obi nnyim mbrɛ Egya no tse, gyedɛ Ɔba no na nyia Ɔba no pɛ dɛ oyi no kyerɛ no. 23Na ɔdaan noho kyerɛɛ n’esuafo no see hɔn nko dɛ, Nhyira aka enyiwa a ohu dza hom hu yi. 24Na mese hom dɛ, Nkɔnhyɛfo nye ahemfo pii pɛɛ dɛ nkyɛ wohu dza hom ruhu yi, naaso woennhu, na dɛ wɔtse dza hom retse yi, naaso wɔanntse.

Samarianyi Ɔyamuyiefo no

25 # Mat 22.35-40; Mar 12.28-34 Na hwɛ, mbrakyerɛfo bi soɛree sɔɔ no hwɛɛ dɛ, Kyerɛkyerɛfo, ebɛnadze na menyɛ ma meenya onnyiewiei nkwa ayɛ medze? 26Na Jesus bisaa no dɛ, Ebɛnadze na wɔakyerɛw no mbra no mu? Ekenkan dɛn? 27#Deut 6.5; Lev 19.18 Na obuae see dɛ, Dɔ Ewuradze wo Nyankopɔn wɔ w’akoma nyina mu, nye wo kra nyina mu, nye w’ahoɔdzen nyina mu, nye w’adwen nyina mu na, Dɔ wo nyɛnko dɛ wankasa woho. 28#Lev 18.5 Na ɔsee no dɛ, Ebua yie: yɛ yi na ibenya nkwa.

29Na ɔno dze, ɔpɛɛ dɛ obu noho bem no, obisaa Jesus dɛ, Nna me nyɛnko nye woana? 30Jesus buae see dɛ, Nna nyimpa bi fi Jerusalɛm risian akɔ Jeriko, na ɔkɔtɔɔ edwotwafo mu a wɔpaa no ho tam, na wopirapiraa no gyaa no hɔ kɔree, ma ɔatɔ akɔtɔmborɔnsa. 31Na ɔbaa dɛ ɔsɔfo bi bɛfaa kwan no do, na ohun no no, osii afa noho twaa mu. 32Dɛmara na Levinyi bi so odur hɔ no, ɔbae na obohunii na osii afa noho twaa mu. 33Na Samarianyi bi a ɔnam no kwan baa mbrɛ ɔwɔ no, na obohun no no, ne yamu hyehyee no, 34na ɔbaa ne nkyɛn bɛkyekyeer n’ekur dze ngo nye wenyin guguu mu, na ɔdze no sii nankasa n’abowa do dze no kɔr ahɔhodan mu kɔhwɛɛ no. 35Na adzekyee no oyii sika denare ebien dze maa ahɔhodan wura no, na ɔsee no dɛ, Hwɛ no yie, na biribiara a ebɔhwer aka ho no, sɛ mesan ba a, mebɛhyɛ wo ananmu. 36Afei hɔn baasa yi mu woana na ɔyɛɛ nyia ɔkɔtɔɔ edwotwafo mu no ne nyɛnko? 37Na ɔsee dɛ, Nyia ohun no mbɔbɔr no a. Na Jesus see no dɛ, Kɔ na wo so kɛyɛ dɛmara.

Jesus Kɔ Martha na Mary Nkyɛn

38 # Joh 11.1 Na ɔbaa dɛ wɔrokɔ no, wokodur ekuroba bi mu, na ɔbaa bi a ne dzin dze Martha faa no kɔr ne fie. 39Nna ɔwɔ onuabaa bi a wɔfrɛ no Mary, ɔno so na ɔtsenaa Jesus anan ho na otsiee ne nsɛm. 40Na Martha fonaa noho wɔ ɔsom pii ho, na ɔbaa no hɔ bɛsee no dɛ, Mo wura, ennhwɛ dɛ mo nua egyaa mo nko ma morosom? Dɛm ntsi se no dɛ ombosuo mo mu. 41Na Ewuradze buae see no dɛ, Martha, Martha, edwendwen na ehaw woho wɔ ndzɛmba pii ho; 42adze kor na ohia: na Mary dze, oeyi dza oye a wɔrenngye ne nsamu.

Currently Selected:

Luke 10: MFANBRPC

Highlight

Copy