KEJADIAN 12
12
Manetualain naloo Abram
1 #
Hat. 7:2-3; Ibr. 11:8 Manetualain nafa'da Abram nae, “La'oela o nusa-namom, o teidale-bobongim, ma o amam uman-na, fo muu leo nusak fo neukose Au atu'dun neu o. 2Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.
3 #
Gal. 3:8
Neukose, Au ba'e-pala hataholi fo, manafe o baba'e-papalak,
ma Au soo-supa hataholi fo, manasoo-supa o-a.
Ma hu kande o, de
neukose Au ba'e-pala basa leoina manai daebafak-ka lala'en-na.”
4-5Lelek Abram teun hituhulu lima, boema ana la'oela Haran, nandaa no Manetualain fen paleta. Abram neu leo dae Kanaan-na, sama-sama no saoinan Sarai, ma Lot, fo tolanoon-na anan-na, ma basa hata-heton lala'en-na, boema basa ata, fo ana hapus neme Haran.
Lelek, ala losa Kanaan boema, 6Abram la'ok okofefeo dae ndia, nalosa ana losa ai manituk esa nai More, fo mamana makaluku-makatele nai Sikhem. (Nai tepo-lelek ndia, hataholi Kanaan-nala bei leo mamanak ndia.) 7#Hat. 7:5; Gal. 3:16Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na. 8Basa ndia boema, ana la'ok nakandoo leo kona neu, fo leo nusa mapupukuk-kala, nai kota Betel-la boboan dulu, de ana ofu neme Betel ma kota Ai tala'da; Betel nai boboak muli, ma Ai nai boboak dulu. Boeo, ana taon-na mei tunu-hotuk esa nai ndia, fo ana sene-do'ok neu Manetualain. 9Basa boema, ana la'ok nakandoo seluk, neme mamanak esa leo mamanak esa neu, de ana la'ok nasale leo dae Kanaan-na, boboan kona neu.
Abram nai Masir
10Tehu, la'a-ndoes matuaina nai Kanaan, nalosa Abram la'ok dook-ka seluk, leo kona neu, fo leo nusa Masir-ra neu, fo ana leo neme ndia, losa basa la'a-ndoes ndia. 11Nai lelek, ana sanga lena dae too-a, fo ana masok leo nusa Masir-ra neu, boema nafa'da saoinan Sarai nae, “Au saoinang-ngonei, o mata makeek nanseli, 12de metema, hataholi Masir-rala lita o soona, neukose ala dodoo, lae au saoinang o, soona tao leo bee-o, ala taolisa au, ma ala po'ilotak o maso'da. 13#Kej. 20:2, 26:7Da'di, malole lenak ka'da au afa'da ae au fa'ding o, fo ela ala po'ilotak au aso'da, ma ala ta tao mangalalau au fa, hu kande o.” 14De tete'ek-ka, lelek Abram lena dae too-a, de ana losa nusa Masir-ra boema, hataholi Masir-rala lita Sarai mata makeek nanseli. 15Boema, uma manek-ka hataholi mana'a ngga'din de'u bee litan, de leu lafa'da manek-ka lae, inak ia, mata makeek nanseli; hu ndia de, loo Sarai leo manek-ka uma manen-na neu. 16Hu kande Sarai, de manek-ka ta tao mangalalau Abram fa, ma ana fen ata, bi'ilopo lalae esa, bi'ihiik, sapi, keledei ma onta.
17Tehu, hu kande manek-ka ho'in-na Sarai, de Manetualain fe he'di mangalauk-ka neu manek-ka, ma hataholi manai uma manen-na dalek. 18Boema, manek-ka naloo Abram, de natanen nae, “Hata fo o taon neu au ia so? Tao le'e de, o ta mafa'da mae, o saom ndia fa? 19Tao le'e de, o mafa'da mae, o fa'dim ndia, de o po'ilotak au ho'i-an, da'di neu au saong-nga? O saom-ma nde ia; de ho'i-man, fo la'o leona!” 20Manek-ka, fe paleta neu hataholi mana'a ngga'din de'ubee, fo ala usi heni Abram neme nusak ndia mai, sama-sama no saon-na, ma basa hata-heton lala'en-na.
Currently Selected:
KEJADIAN 12: twu
Highlight
Share
Copy
Want to have your highlights saved across all your devices? Sign up or sign in
