YOHANES 12

I Yesus nil᷊anisang su Betania

(Mat. 26:6-13; Mrk. 14:3-9)

1Nungu l᷊ou su horo u L᷊ou ngu Paskah, I Yesus nakoa sarang Betania. Su tampa i Lazarus natana ko seng nipuwangung-E bou papate. 2Pai se'e I Yesus nihaghesang i sire, dang i Marta nusiliwiri. I Lazarus dingang u manga sake nukumangiang dingang I Yesus. 3#Luk. 7:37-38Bou e'e i Maria namai dingang u l᷊anisi narwastu patehang manga stenga literi ko mal᷊ighari kahingang. I sie naniwohi u l᷊anisi e'e su l᷊aeri Yesus, wuhue nimue dingang u utae. Kaul᷊iu wal᷊e e'e nawungi ngu l᷊anisi e'e. 4Arawe Yudas Iskariot, singkatau bou tumatuhu I Yesus – ko samuringe nusingking si sie – nangul᷊i, 5“Hakiwe l᷊anisi e'e ta niwal᷊u dingang u harigange til᷊u hasu doi sal᷊aka,#12:5: doi sal᷊aka: Putuhung 6:7. dang doinge nionggo su tau ko susa?” 6I Yudas nangul᷊i kere e wal᷊inge ual᷊ingu i sie mutinaung tau ko susa, kateho ual᷊ingu i sie tahatako. Masau i sie mangal᷊a doi bou kasi u doi u taumata maul᷊i ko karareso si sie.

7Kateho I Yesus nangul᷊i, “Balate tau kowawine e'e! I sie nukaoa i'i guna ngu l᷊ou pul᷊al᷊uwingang-Ku. 8#Ul. 15:11Tau susa sintinia mang dingang i kumu, arawe Ia ta.”

Komol᷊ang u taumata ko mundoka si Lazarus

9Maul᷊i tau Yahudi nakaringihi uare I Yesus seng pai su Betania, inau sire natamai nakoa sarang e'e. I sire natamai wal᷊inge kitang ual᷊ingu Yesus, kateho l᷊ai ual᷊ingi sire mo makawua si Lazarus ko seng nipuwangung-E bou papate. 10E'e sabapie manga tumbonang u imam mo l᷊ai mamate si Lazarus; 11Watu i sie sarang nakakoa maul᷊i tau Yahudi nanintang i sire dang nangimang si Yesus.

I Yesus nusumu su Yerusalem dingang u kal᷊auntung

(Mat. 21:1-11; Mrk. 11:1-11; Luk. 19:28-40)

12Ndai mal᷊ou taumata maul᷊i ko seng nasongo mamantughi l᷊ou ngu Paskah nakaringihi uare I Yesus seng simai kapundol᷊onge Yerusalem. 13#Mzm. 118:26Kuteu i sire nangal᷊a manga raung patuku wuhue natamai manginsomahi si sie, dingang kapahul᷊iaghe, “Dal᷊o su Mawu Ruata! Al᷊amate I Sie, ko nusumongo su l᷊al᷊ung u areng u Mawu. Al᷊amate Ratu ngu tau Israel!”

14I Yesus nakarea keledai paranggang simbau, dang nisakenange. Kuteu naganapi apang ko mawawohe sural᷊ung u Buki Susi:

15 # Za. 9:9 “Kumbahang mataku, mahuangu sion!

Putuhungte Ratu ngu seng nusumongo,

sake-sake sukel᷊edai paranggang simbau!”

16Su tempo e'e manga tumatuhu I Yesus borong ta nakahingang kaul᷊iu e'e. Kateho suapang I Yesus nipakawantughi sural᷊ungu kapapateng-E, wuhue we i sire nakatinaung himoneu ko nikoa u manga taumata si Sie mang seng kawawohe su ral᷊ung u Buki Susi bou hal᷊i I Sie.

17Apang taumata ko ene su tempo I Yesus nukui si Lazarus pasuwang bou kubul᷊i dingang nupuwangung i sie bou papate, turusi nangonggo u kasaksiang u hal᷊i e'e. 18E'e sabapie taumata maul᷊i e'e natamai sarang koa I Yesus watu u i sire nakaringihi himoneu ko Sie nukoa ko makal᷊aherang e'e. 19Kuteu manga taumata ngu Farisi nangul᷊i simbau dingang u kowal᷊inge, “I kite seng ta manga apa! Tuhungete, kaul᷊iu dunia tamai tu muhu si Sie!”

Taumata ngu Yunani pirang katau mundea si Yesus

20Su tal᷊oara u manga taumata ko natamai mukal᷊iomaneng Sarang Yerusalem su tempo ngu sal᷊iwang e'e, pia l᷊ai pirang katau taumata ngu Yunani. 21I sire nusumongo sarang koa i Filipus dang nangul᷊i, “Anu, kere botonge i kami mo musombang I Yesus.” (Filipus asal᷊e bou Betsaida su Galilea.)

22Kute i Filipus natamai nupakatitong u hal᷊i e'e si Andreas, dang bou e'e i sire rua numbawa habari e'e sarang koai I Yesus. 23I Yesus nangul᷊i si sire, “Seng temponge Ahusu Taumata ipakawantughi. 24Mang tingari didato-Ku i'i: boko gandung simbau ta i suang su tana dang mate, i sie mang matatana simbau. Arawe boko gandung e'e mate, wuhue i sie muwua maul᷊i. 25#Mat. 10:39, 16:25; Mrk. 8:35; Luk. 9:24, 17:33Taumata ko kumindaghi u puwawiahe e sarung kailangengu puwawiahe. Arawe taumata ko mubunsing u puwawiahi e sudunia i'i, sarung mupal᷊ihara e'e guna ngu puwawiahi kahingang dingang u kakal. 26Taumata ko mo mutal᷊ung si Sia mambeng tumuhu si Sia: tadeau mutatal᷊ung-Ku mang dingang-Ku suapang tampa-Ku. Taumata ko mutatal᷊ung si Sia sarung i adateng Yamang-Ku.”

I Yesus nuhabari papateng-E

27“Naung-Ku maghawang, apa kohinongu Daku iul᷊i su orasi i'i? Apa Ia mambeng mangul᷊i, ‘Yamang, pakal᷊iu ko Ia bou tempo i'i’? Tateho ual᷊ingu sinsara ko Daku ral᷊engang i'i Ia sumongo. 28Yamang, pakawantughi ko areng-U!” Kute singkararingihi pia tingihi bou l᷊angi nangul᷊i, “Ia seng mupakawantughi si Sie, dang Ia sarung sau mupakawantughi si Sie.”

29Taumata ko maul᷊i ko ene se'e, nakaringihi tingihi e'e. I sire nangul᷊i, “E'e ko rul᷊u!” Arawe singga l᷊ai nangul᷊i, “Wal᷊inge! E'e ko tingihu Mal᷊aikati kapudidatonge si Sie!”

30Bou e'e Yesus nangul᷊i si sire, “Tingihi e'e nikaringihi, wal᷊inge guna ngu Ia kateho ko guna ngi kumu. 31Ii seng temponge dunia i hukung; manga mangangawasangu dunia seng nipakawata. 32Arawe Ia i'i, boko Ia seng ipakarange suwawo u dunia, Ia sarung mangomol᷊i kaul᷊i u taumata sarang koa-Ku.” 33I sie nangul᷊i kere e tadeau mupakal᷊ahe u kirapa kakakoae I Sie sarung mate.

34 # Mzm. 110:4; Yes. 9:6; Yeh. 37:25; Dan. 7:14 Taumata maul᷊ie'e nangul᷊i si Sie, “Tumuhu Buki u Torati i kami, Ratu Mananal᷊amati sarung muwiahi sarang kal᷊iwuenge. Kirapa i kau makaridato ngu uare Ahusu Taumata mambeng ipakarange su dunia? I sai Ahusu Taumata e'e?”

35I Yesus nusimimbahi, “Kate singkodo temponge kasasua e'e ene sutal᷊oara i kumu. I nau; l᷊al᷊engte pariwe mborong pia kasasua, tadeau i kumu takarikingu kararundung. Taumata ko l᷊umal᷊eng su l᷊al᷊ungu kararundung ta makahingang minsang sarang apa ral᷊engange. 36Pangimangte su kasasua e'e, pariwe kasasua e'e mborong ene si kumu, tadeau i kumu makoa manga ana u kasasua.”

Manga taumata ngu Yahudi ta mangimang

Bo I Yesus nangul᷊i kere e, Sie nurumal᷊eng bou e'e dang mandiri mutingkaandaghi watangeng-E si sire. 37Maning seng maul᷊i ko makal᷊herang ko nikoa I Yesus su tingongi sire, i sire mang ta mangimang si Sie. 38#Yes. 53:1Kute naganapi apang ko niul᷊i nabi Yesaya,

“Mawu ko i sai mangimang su habari i kami?

Si sai kawasa ngu Mawu iandaghi?”

39E'e sabapie i sire ta mangimang, watu u i Yesaya seng mbua nangul᷊i l᷊ai,

“Mawu Ruata nangul᷊i,

40 # Yes. 6:10 ‘Ia mupakawutangu mata ngi sire,

mupakakitihi naung i sire;

tadeau mata ngi sire kumbahang makawua

sipirang i sire kumbahang makahingang.

Tadeau i sire kumbahang musul᷊e sarang koa-Ku,

wuhue Ia mupakaul᷊e ngi sire.’ ”

41I Yesaya nangul᷊i kere watu u i sie seng nakawua kawawantunghi Yesus, dang nuhabari hal᷊i I Sie.

42Maneng kere e, maul᷊i taumata, nangilembo l᷊ai su tal᷊oara i sire mangangawasangu Yahudi nangimang si Yesus. Kateho i sire ta wahani mangaku ngu e'e sutingo, watu u i sire mataku kumbahang sarang i sire tau Farisi ta mupakahumbang i sire sumu su wal᷊e pukakal᷊iomanengang. 43I sire lebe l᷊umiaghi i dalo ngu taumata bou ihariga ngu Mawu Ruata.

Wisara Yesus sarung mupunsal᷊a

44Bou e'e I Yesus nuwisara mauha, “Taumata ko mangimang si Sia, wal᷊inge I Sie mangimang si Sia, kateho si Sie ko nundoi u Ia. 45Dang taumata ko nakawua si Sia, e'e ko nakawua si Sie ko nundoi u Ia. 46Ia nusumongo su dunia i'i kere kasasua, tadeau kaul᷊iu apang taumata ko mangimang si Sia ta matana su l᷊al᷊ung u kararundung. 47Taumata ko mundaringihi tintiro-Ku, kateho tatuhukang – wal᷊inge Ia mupunsal᷊angi sie. Watu u Ia nusumongo wal᷊ingewe tadeau mupunsal᷊angu dunia i'i, kateho tadeau mupakasal᷊amati dunia. 48Taumata ko manolaku Ia dang tamundaringihi tingihi-Ku seng pia mupunsal᷊ange. Wisara ko seng Daku nihabari, ko e'e sarung mupunsal᷊a sie su L᷊ou Kiamati. 49Watu u Ia ta mudidato bou kao-Ku sisane; Yamang ko nundoi u Ia, ko I Sie nuparenta si Sia puhabaru apang ko hinong Daku i ul᷊i dingang ko Daku i habari. 50Dang Ia matitong humoneu parentang-E e'e ko mangonggo u puwawiahi kahingang dang kakal. Kuteu Ia muhabari kere ko nitintiro-Ngi Yamang si Sia.”

Currently Selected:

YOHANES 12: LAISXN

Highlight

Copy