YOHANES 11
11
Kapapatengi Lazarus
1 #
Luk. 10:38-39
Pia singkatau arenge i Lazarus natana su Betania dingang u manga wawinenge i Maria l᷊au i Marta. 2#Yoh. 12:3I Maria e'e tau kowawine ko l᷊inau mbua naniwohi l᷊anisi sul᷊aeru Mawu, dang nangumu e dingang u uta e. Pia singkatempo i Lazarus nasaki. 3Manga wawinenge nuhabari si Yesus, “Mawu mahuaneng i kami ko ikukindaghi u Mawu e'e masaki.”
4Suapang I Yesus nakaringihi habari e'e, i sie nangul᷊i, “Saki i'i ta maka pate. Ii mariadi tadeau Mawu Ruata ipakawantughi, dang tadeau ual᷊ingu e'e l᷊au Ahusu u Mawu Ruata ipakawantughi.”
5I Yesus nukumindaghi i Marta, i Maria l᷊au i Lazarus. 6Kateho suapang I Yesus nakarea habari i Lazarus masaki, I Sie nutaturi natana l᷊ai dua l᷊ou su tampa katanakeng-E. 7Bou e'e I Sie wuhue nangul᷊i su manga Tumatuhu-E, “Maite i kite tamai musul᷊e sarang Yudea.”
8I sire nusumimbahi, “Tuang Guru mang wuhu-wuhu i sire tau Yahudi mo mamal᷊o watu si Tuang dang i'i Tuang mo sau musul᷊e tamai?”
9Angkung I Yesus, “Wal᷊ingewe l᷊iwueng u l᷊ou sil᷊ou mapul᷊o dua sukaorase? Taumata ko rumal᷊eng l᷊ou, ta masangko, watu'u i sie makawua kasasua dunia i'i. 10Arawe taumata ko l᷊umal᷊eng huwi i sie masangko, watu u takoae kasasua si sie.” 11Kere e angkung I Yesus. Bou e'e I Sie nangul᷊i l᷊ai, “Ghawengi kite i Lazarus katikie, kateho Ia mang matamai mamuko si sie.”
12Manga Tumatuhu I Yesus nangul᷊i, “Mawu boko i Lazarus katikie, i sie sarung maul᷊e.”
13Pandung I Yesus i Lazarus seng nate. Kateho sutika i sire pandung I Yesus i Lazarus mangkate kitang katikie kere e. 14Ual᷊ingu e'e I Yesus nangul᷊i tingari si sire, “I Lazarus ko seng nate. 15Arawe Ia l᷊ai mang mal᷊uasi Ia tarie e pai se'e watu'u seng kapiange si kumu, tadeau i kumu mangimang. Maite i kite tamai sarang ko i Lazarus.”
16I Tomas ko nisigho “Si Ana hindua” nangul᷊i sumanga ghawenge tumatuhu I Yesus, “Maite i kite tamai tumuhu, walate maneng i kite mate dingang I Sie!”
Ko sau mupuwiahi dang ko munggile u puwawiahi
17Suapang I Yesus nurating u tampa e'e, i Lazarus seng pa u lá·Šou lá·Šiwuenge su lá·Šalá·Šung u kubulá·Ši. 18Betania masandighu Yerusalem, patehang manga tilung kilo raunge. 19Seng maulá·Ši tau Yahudi nusumongo mutiwo si Marta lá·Šau i Maria tadeau makahibori si sirerua ualá·Šingu nikapateng u mahuane ngi sirerua.
20Suapang i Marta nakaringihi I Yesus nasongo, i sie dingang turusi nusumuwang nangisomahi si Yesus, arawe i Maria mang su wal᷊e. 21Angkung i Marta si Yesus, “Mawu, kiko Mawu ene su si'i tempo e'e, tantu mahuaneku ta nate. 22Kateho maneng kere ia matitong su orasi i'i l᷊ai Mawu Ruata mang sarung munggil᷊e l᷊ai apang ko pundokang u Mawu si sie.”
23“Mahuanengu sarung sau muwiahi,” Angkung I Yesus si Marta.
24I Marta nusumimbahi, “Ia matitong i Lazarus hindo sau muwiahi su tempo ngu taumata nate i puwangung su L᷊ou Kiamati.”
25I Yesus nangul᷊i si Marta, “Ko Ia mupuwangung dingang mupuwiahi u taumata nate. Taumata ko mangimang si Sia sarung muwiahi, maning i sie seng nate. 26Dang taumata ko wiahi ko mangimang si Sia i sie ta sarung mate sarang kal᷊iwuenge. I kau mangimang su hal᷊i e'e?”
27“Mawu,” sasimbahi i Marta, “ia mangimang Mawu Ahusu u Mawu Ruata, Ratu Mananal᷊amati ko sarung sumongo sudunia i'i.”
I Yesus nusumangi
28Suapang i Marta nangul᷊i kere e, i sie natamai nukui si Maria, ana u singkataunge dingang namurung si sie, “Tuang Guru ene su si'i, i Sie nukina si kau.” 29Nakaringihi e'e, i Maria dingang u nuwangung bou e'e tamai su sombang I Yesus. 30Su tempo e'e I Yesus borong ta nusumu su kampong. I Sie borong su tampa i Marta nusombang i sie. 31Apang tau Yahudi ko kapuhibore si Maria su wal᷊e, nakawua si Maria nuwangung, dang masaha-sahawu nusumuwang; inau i sire tamai nutumuhu si sie, watu'u su naung i sire i sie tamai mukahuang su kubul᷊i.
32Su tempo i Maria nurating u tampa I Yesus dang nakawua si Sie, i Maria turusi nusuba su saruang-E dang nangul᷊i, “Mawu, kiko su tempo e'e Mawu ene su si'i, nal᷊ahe mahuaneku ta nate.”
33Suapang I Yesus nakawua si Maria kasangie, dang apang tau Yahudi ko namai dingang i Maria e'e l᷊ai kasangie, naung I Yesus nasusa, dang tuhungang I Sie kere'e kasusange. 34Inau i Sie nukina si sire, “Su apa tampa e i sie nul᷊uwing i kumu?”
“Maite putuhung, Mawu,” sasimbahi sire.
35Bou e'e I Yesus nusumangi. 36Kuteu apang tau Yahudi e'e nangul᷊i, “Putuhungte, wal᷊inge gampang kakindaghi-E si Lazarus!”
37Kateho pia ko bou tal᷊oara i sire nangul᷊i, “I Sie mukoa taumata wuta makawua, nakurawe I Sie tanakapaeri si Lazarus tadeau i sie tawe mate?”
Lazarus sau nipuwiahi
38I Yesus kere lá·Šai kasusange, bou e'e nakoa sarang kubulá·Ši. Kubulá·Ši e'e ko simbau lá·Šiang ko nihumpingang u watu ko lá·Šabo.
39I Yesus nangul᷊i, “Enso ko watu e'e,” i Marta wawine ngu taumata ko nate e, nusumimbahi, “Kateho Mawu, i sie seng pau l᷊ou su kubul᷊i. Nal᷊ahe seng nundaruru.”
40I Yesus nangul᷊i si Marta, “Wal᷊ingewe Ia seng mbuae nangul᷊i si kau: Boko i kau mangimang, i kau sarung makawua kirapa kal᷊aboe kawasa ngu Mawu Ruata!” 41Kuteu i sire nangenso u watu e'e. Wuhue I Yesus nul᷊umingara sarang l᷊angi dang nangul᷊i, “Tarima kase, si Yamang, watu I Kau seng nundaringihi si Sia. 42Ia matitong I Kau sintinia mundaringihi si Sia, kateho Ia nangul᷊i i'i, guna nguapang taumata ko ene si'i, tadeau i sire mangimang himoneu I Kau ko nundoi u Ia.” 43Suapang mbuae nangul᷊i kere'e, I Yesus nangul᷊i mauha, “Lazarus, suwangte!” 44Kuteu tau nate e'e nusumuwang. L᷊ima l᷊au laere mborong mapapikungu sapu, dang pahese matataka u tatimbukung. I Yesus nuhabari su manga taumata se'e, “Buka ko sapu e tadeau i sie makaral᷊eng mapia.”
Komolá·Šang ko mundoka si Yesus
(Mat. 26:1-5; Mrk. 14:1-2; Luk. 22:1-2)
45Maul᷊i bou tal᷊oara tau Yahudi ko nusumongo nu tiwo si Maria, nangimang si Yesus su tempo ngi sire nakawua hal᷊i ko nariadi e'e. 46Arawe pirangkatau bou tal᷊oara i sire natamai nakoa sarang tau Farisi dang nuhabari apang ko seng nikoa I Yesus. 47Ual᷊ingu e'e apang tau Farisi dingang u manga tumbonang u imam nukomol᷊i nudidato dingang u Pangadilangu Agama. I sire nangul᷊i “Apa hino ngu koateng i kite? Taumata i'i seng nukoa ko makal᷊aherang maul᷊i! 48Boko i kite mamala-Ngi Sie turusi kiri i apang taumata sarung mangimang si Sie. Dang panginsuenge mangangawasa ngu Roma sarung sumongo dang mundusa Wal᷊e-Ngu Mawu dang kaul᷊iu kawanuangi kite!”
49Singkatau bo i sire ko arenge i Kayafas, imam ko l᷊abo su taung e'e nangul᷊i, “I kumu wughangu manga apa. 50Apa i kumu ta nakapikiri ko waughu kaul᷊iu kawanua, mapiang singkatau mate sul᷊ungu kaul᷊iu kawanua mawinasa?” 51I Kayafas nangul᷊i e'e suhinonge, wal᷊inge bou sipirange si sane. Kateho i sire kere singkatau imam ko l᷊abo su taung e'e, i sie muhabaru himoneu I Yesus sarung mate guna ngu tau Yahudi. 52Dang wal᷊inge kitang guna ngu tau Yahudi, kateho tadeau l᷊ai pangomol᷊ang dang mupakasimbau u manga ana u Mawu Ruata ko nahungkaesi.
53Nanita bou si lá·Šao e'e manga mangangawasangu Yahudi nughaghighili guna ngu mamate si Yesus. 54Ualá·Šingu e'e I Yesus ta nutiangkaadaghi su tingo ngu hape su komolá·Šang u taumata ngu Yahudi. I Sie nanintangu Yudea, wuhue natamai nakoa sarang soa ko i sigho Efraim masandighu tana ko lá·Šinggi. Pai se'e I Sie natana dingang u manga Tumatuhu-E.
55Su tempo e'e masandighu L᷊ou Paskah ngu tau Yahudi. Maul᷊i taumata bou apang kampong seng nakoa sarang Yerusalem tadeau muparal᷊eng u tundungu pamursingu watangeng su horo u sal᷊iwang e'e. 56I sire mundea si Yesus, dang su tempo nukomol᷊i su Wal᷊e-Ngu Mawu, i sire nukina simbau dingangu kowal᷊inge, “Kirapa su sipirangu? Pari I Sie ta sumongo su sal᷊iwang i'i.” 57I sire nangul᷊i e'e watu u manga tumbonang u imam dang manga tau Farisi seng nupasuwang u parenta tadeau taumata ko matitong su apa tampa I Yesus, mambeng mupakatitong tadeau I Sie ikasame.
Currently Selected:
YOHANES 11: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
