WUKE NGU MANGA RASULI 1

1 # Luk. 1:1-4 Teofilus ko ikukindaghi,

Su l᷊al᷊ung u bukiku kahimotongange seng daku nipakal᷊ahe kaul᷊ie ko nikoa dingang u nitintiro-Ngi Yesus mangki I Sie nanita u hal᷊i-E, 2nurating sarang l᷊ou-Ngi Sie napua sarang sorga. Su horo u napua sarang sorga, dingang u kawasa Roh u Mawu Ruata I Sie nangonggo manga tatul᷊ara su manga rasul-E ko napile. 3Samuringe bo I Sie nate, su l᷊al᷊ung u paupul᷊o su l᷊ounge I Sie masau mangandaghu badange mal᷊ahe-l᷊ahe su manga rasuli e'e mupakal᷊aheu himoneu I Sie mang tingari-tingari ko wiahi. I sire nakawua si Sie, dang I Sie nudidato dingang i sire hal᷊i u kirapa Mawu Ruata mamarenta kere Ratu. 4#Luk. 24:49Dang su tempo I Sie nukomol᷊i dingang i sire,#1:4: Su tempo I Sie nukomol᷊i dingang i sire: su tempo i sire nukomol᷊i; arako su tempo I Sie nukumang singkahindo i sire. I Sie nunggile parenta i'i si sire, “Kumbahang rumal᷊eng manintangu Yerusalem. Pangampal᷊i su se'e sarang I Yamang munggile manga ko seng nidiandi-Nge, musul᷊ung ko seng mbuae Daku niul᷊i si kumu horo. 5#Mat. 3:11; Mrk. 1:8; Luk. 3:16; Yoh. 1:33Watu'u i Yohanes nanahani dingang u ake, arawe pira l᷊ou l᷊ai i kumu sarung i sahani dingang u Roh u Mawu Ruata.”

I Yesus napua sarang sorga

6Su tempo ngu manga rasuli e'e kapukomol᷊e dingang I Yesus, i sire nukina si Sie, “Mawu, apa su orasi i'i I Mawu mo musau mupararisiu Pamarentahangu bangsa Israel?”

7I Yesus nusumimbahi, “I Yamang-Ku sisane sarung manantu l᷊ou dingang u temponge. E'e tawahal᷊uasi i kumu matitong, watu'u e'e ko haki I Yamang. 8#Mat. 28:19; Mrk. 16:15; Luk. 24:47-48Arawe i kumu sarung makarea kawasa, boko Roh u Mawu Ruata seng matuntung si kumu. Dang i kumu sarung makoa manga saksi-Ku su Yerusalem, su kaul᷊iu Yudea, su Samaria, dang murating sarang pondol᷊u dunia.” 9#Mrk. 16:19; Luk. 24:50-51Suapang I Yesus mbuae nangul᷊i kere'e, I Sie napua sarang sorga su tingo ngu mata ngi sire dang winawa nuhumping si Sie bou tatuhungi sire.

10Tintal᷊a i sire mborong katuhunge sarang l᷊angi, su tempo I Yesus kapapuae, singkawua pia duangkatau dingang u pakeang ko mawira kararisi susindihang i sire. 11“Oe, manga tau Galilea,” angkung i sire rua e'e, “nakura i kumu mangkate kitang kararisi su se'e katuhunge sarang l᷊angi? I Yesus, ko nikawua ngi kumu napua sarang sorga e'e su tingo ngi kumu, sarung sau musul᷊e l᷊ai kere ko nikawua ngi kumu kanini.”

Ghaghanti ngi Yudas

12Bou e'e manga rasuli e'e nusul᷊e sau sarang Yerusalem bou Wuluru Zaitun. Pari manga singkilo raunge wul᷊uri e'e bou Yerusalem. 13#Mat. 10:2-4; Mrk. 3:16-19; Luk. 6:14-16Su Yerusalem i sire nakoa sarang wal᷊e ko nipanumpangeng i sire, bou e'e tarai nawi sarang kamari su wawoe. Manga rasuli e'e, ko i Petrus l᷊au i Yohanes, i Yakobus l᷊au i Andreas, i Filipus l᷊au i Tomas, Bartolomeus l᷊au i Matius, i Yakobus anai Alfeus, i Simon Patriot, l᷊au i Yudas anai Yakobus; 14Kaul᷊ie dingang u singkanaung sintinia mukomol᷊i mukal᷊iomaneng. I sire nukal᷊iomaneng dingang u manga kowawine su l᷊al᷊unge l᷊ai i Maria mamang I Yesus, dang dingang u manga anau simbau I Yesus.

15Pia su silou, su tempoi sire nukomol᷊i – pari pia manga mahasu duampul᷊o su kataunge ko ene – i Petrus nurumarisi nudidato. I sie nangul᷊i, 16“Manga anau simbau! Manga ko kawawohe su l᷊al᷊ung u Buki Susi, e'e mambeng mariadi. Horo bo i Daud, Roh u Mawu Ruata seng nupakatitong u hal᷊i i Yudas, pangaha manga taumata ko maname si Yesus e'e. 17I Yudas e'e ko singkatau bo i kite, dang i sie l᷊ai seng nipile tadeau puhal᷊i singkahal᷊i dingang i kite.”

18 # Mat. 27:3-8 (I Yudas i'i seng nakarea tana pul᷊uwingange bou l᷊uang u pusasingkinge ko dal᷊ai. I sie nanawo dang nate dingang u tiange naburesi sarang tatahou tiange nasuwang kaul᷊ie. 19Kaul᷊iu taumata ko natana su Yerusalem matitong hal᷊i e'e. E'e sabapie su l᷊al᷊ung u wahasang i sire, i sire nusigho tana e'e Akeldama, mangal᷊enge ‘Tana Raha’.)

20 # Mzm. 69:26, 109:8 “Watu'u su l᷊al᷊ung u buki Mazmur pia mawawohe kiri'i,

‘Balatekere tampa katanakenge makoa ko marumasi;

Kumbahang sarang pia singkatau matana su l᷊al᷊unge.’

Pia mawawohe l᷊ai kiri i,

‘Balatekere pangkate pakirol᷊ose su taumata ko wal᷊inge.’

21-22 # Mat. 3:16; Mrk. 1:9, 16:19; Luk. 3:21, 24:51 Watu'u e'e, mambeng pia singkatau tumuhu dingang i kite makoa saksingu Mawu Yesus ko seng sau nuwiahi bou papate. Taumata e'e mambeng singkatau bou tal᷊oara u manga taumata ko sintinia nuhundingang i kite su tempo i kite katuhue Mawu Yesus maning saranga, mangki bo i Yohanes nanita nanahani#1:21-22: mangki bo i Yohanes nanita nanahani: arako mangki i Yohanes nanahani si Sie. sarang su tempo I Yesus napua sarang sorga bou tal᷊oara i kite.”

23Kute manga taumata ko ene su se'e nangusuli duangkatau, i Yusuf ko nisigho l᷊ai si Barsabas (i sie l᷊ai nisigho si Yustus), dingang i Matias. 24-25Bou e'e i sire nukal᷊iomaneng. I sire nangul᷊i, “Mawu, I Kau matitong naungu kaul᷊iu taumata. I Yudas seng nanawo bou pangkate kere rasuli dang seng nate. Inau tiboko si kami, i sai bo i sire rua i'i ko ipile-Ngu Mawu ko pangonggol᷊angu hal᷊i e'e pungganti si Yudas.” 26Bou e'e areng darua e'e niundi, dang undiang e'e nanawo si Matias. Inau i sie nihengke nakoa rasuli tadeau patuhu dingang i sire mapul᷊onsau rasuli kowal᷊inge.

Currently Selected:

WUKE NGU MANGA RASULI 1: LAISXN

Highlight

Copy