ZAKHARIA 4
4
Papasilo mạanung dal᷊aedu sol᷊o
1Malạekatẹ̌ e seng nẹ̌bisara ringangku e kụ seng diměnta kapia němangung si siạ kere němangung taumata kạtikị e. 2”Kai apa kinasilonu?” kakiwal᷊one.
”Dal᷊aedu sol᷊o sěmbua wọu wul᷊aeng,” sasimbangku. ”Su pondol᷊e rasị piạ tampạ u l᷊anane, ringangu su sěndihange mạngělikụ piạ sol᷊o pitu, kụ sěmbaụ-sěmbaụ e piạ tampạu sobune pitu. 3#Pěl. 11:4 Su sěmběkane kaihi ringangu koaneng bọu ral᷊aedẹ̌ sol᷊o ene e piạ kalun zaitun darua.”
4Bọu ene iạ nakiwal᷊o su malạekatẹ̌ ene, ”Kai apa nilahẹ u manga sạbarang ene, Tuang?”
5”Kai wěga i kau?” kakiwal᷊one si siạ.
”Tala Tuang,” sasimbangku.
10b #
Pěl. 5:6
Malạekatẹ̌ ene nẹ̌bera si siạ, ”Sol᷊o pitu ene ute kai matang Mawu pitu e mạnitị kasěllahu wowon dunia e.”#4:10b: Ayetẹ̌ 10b sarang ayetẹ̌ 14 nial᷊ing sarang bilange ini wọu pěngěnsuěengu pasalẹ̌ tadeạu lintuhu karariadi su ral᷊ungu bukẹ̌ ini e mambeng naunsui.
11 #
Pěl. 11:4
Bọu ene iạ e nakiwal᷊o kapia si sie, ”Apa mangal᷊eng bal᷊unangu kalun zaitun darua e su koaneng dingangu kaihi wọu ral᷊aedu sol᷊o ene? 12Apa lai mangal᷊eng lelangu zaitun darua su sěndihangu pipa wul᷊aeng darua kụ mạpaelehu lanan zaitun ene e?”
13Angkuěnge si siạ, ”Kai wěga i kau tangú?”
”Běga Tuang,” sasimbangku.
14I sie e mal᷊aing nẹ̌bera, ”Ene e kai ruang katau kụ seng nipilem Mawun dunia patikụ dingangu tiněbọ baugu pẹ̌tangkiang si Sie.”
Diandim Mawu su Zerubabel
6 #
Esr. 5:2
Malạekatẹ̌ ene něngoro si siạ pělẹ̌habarẹ̌ su Zerubabel tatanatang Mawu ini, ”Wal᷊inewe ringangu katoghasu militerẹ̌ dingangu wal᷊inewe lai ual᷊ingu katoghasu e hala i kau e makaual᷊i, kaiso kawe ual᷊ingu rohkẹ̌-Ku. 7Sasahaghe kasěllahu wul᷊ude mal᷊aing ilunggine wọu těngonu. I kau e sarung měmangung Bal᷊e-Ku kapia, ringangu su tempong i kau e měměllọu watu humotong su tampạ e, taumata e sarung makawera u, ’Kai apạ e kal᷊ěnggihe!’ ”
8Bọu ene riměntạ e kapia tatanata wal᷊ine wọu Mawu, 9AngkuěngʼE, ”Zerubabel seng něměllọ u wawěntam Bal᷊e-Ku, ringangu i sie sarung měngěnsue kasěllahu wal᷊e ene. Kereu ene mariadi, tangú umatẹ̌-Ku e sarung masingkạ u kai Iạ e sen něndolohʼi kau e Zakharia sarang anun sire. 10aPiạ tawẹ pandungange su hal᷊ẹ̌ ini. Arawe i sire e sarung makasilo Zerubabel měnurusẹ̌ u pěmamětị Bal᷊e-Ku, ringangu i sire e sarung mahul᷊uasẹ̌.”
Currently Selected:
ZAKHARIA 4: SXN
Highlight
Share
Copy
Want to have your highlights saved across all your devices? Sign up or sign in
