ZAKHARIA 3
3
Papasilo mạanung Imang Mawantugẹ̌
1 #
Esr. 5:2; Pěl. 12:10 Su ral᷊ungu papasilo lai wal᷊inẹ e, Mawu e napasilo si siạ Imang Mawantugẹ̌ e i Yosua kạdarisị e su těngong malạekatʼu Mawu e. Su sěmběkan Yosua e rụdarisị Setang#3:1: Setang: Diadikang nahěmpal᷊iu. Arengu měnẹ̌nodẹ u i sie nakoạ kere sědụ u taumata. kụ seng sadia waugu měnoke. 2#Yud. 9 Malạekatu Mawu#3:2: Tungkangu nạung sěmbua: Malạekatu Mawu; Ibrani: Mawu. e nẹ̌bera su Setang, ”Mal᷊owọko Mawu e měhukung i kau ei Setang! Mal᷊owọko Mawu e kuměndagu Yerusalem měhukung i kau. Tau ini e al᷊ingkai kanutung kụ niwol᷊eng bọu rěllị u putung.”
3I Yosua rimarisị sene kụ něluheng pakeange makoto-kotorẹ̌. 4Tangú nẹ̌berạ e malạekatẹ̌ ene su manga tumatimbange su sorga, ”Demẹko pakeang kotorẹ̌ nạung niluhen tau ini e.” Dingangu si Yosua e i sie nẹ̌bera, ”Dosanu e seng takụ nirěmmẹ, i kau e sarung takụ onggotangu pakeang buhu.”
5I sie mal᷊aing nẹ̌parenta manga tumatimbange mědeạu pěnakẹ u#3:5: Piram baụ tungkangu nạung: I sie nẹ̌parenta manga tumatimbange mědeạu pěnakẹ u; Ibrani: Iạ mẹ̌berau, ”Oroko i sire pěnakẹ.” paporong burěsi su těmbọ i Yosua. I sire tụtuhụ dingangu wọu ene i sire e napěluheng pakeange wuhu ene si sie ringangu tẹ̌titikangu malạekatu Mawu.
6Bọu ene malạekatẹ̌ ene něhabaru waweraʼm Mawu si Yosua, 7”Kamagengu i kau tụtuhụbe manga toratẹ̌-Ku e ringangu mẹ̌kẹ̌koạbe manga hal᷊ẹ̌ kụ Takụ nionggọ si kamene, tangú sarang karěngụ e i kau wotonge makoạ pangahạ e su ral᷊ungu Wal᷊e-Ku ringangu měngurusẹ̌ manga rělahe. Iạ e sarung dumaringihẹ̌ kal᷊awọu kakal᷊iomanengu, kerẹewe Iạ dụdaringihẹ̌ manga kakal᷊iomanengu malạekatẹ̌ kụ ene su rěduhẹ̌-Ku. 8#Yer. 23:5, 33:15; Za. 6:12 Daringihẹ̌ko ei Imang Mawantugẹ̌ i Yosua, kerene lai i kamene manga imang kụ nakoạ manga ringange, i kamene kěbị e tatialang tempo ramahi kụ mapia e. Su tempo ene Iạ e sarung dumolohu ěllang-Ku kụ isẹ̌sěbạ, ”Itumbal᷊ẹ̌.” 9Takụ ipěllọ su těngon Yosua batu sěmbaụ nẹ̌buku pitu kụ sarung Takụ ketakeng dingangu wohẹ. Su ral᷊ungu sěhěllo e Takụ děmekang dosa e wọu wanua ene. 10#Mi. 4:4 Kereu ěllo ene marěnta, apan taumata kụ měnotẹ̌ u lampunge mědeạu aparěnta kụ pẹ̌teěngu karal᷊enehẹ̌ dingangu kal᷊ahumpia sutal᷊oarang manga waelu anggorẹ̌ e ringangu manga kalung arang kamene.”
Currently Selected:
ZAKHARIA 3: SXN
Highlight
Share
Copy
Want to have your highlights saved across all your devices? Sign up or sign in
