HOSEA 3

Hosea ringangu kawinge kụ tawẹ satiane

1 Mawu e něhengetang si siạ, ”Dakọ e saụ, kụ sintike e sěngkatau wawine kụ puluange mawuang. Tal᷊ěntụen sie kerẹewe lai Iạ tụtal᷊entụ u tau Israel maningbe i sire něněntangu Iạ dingangu mạněmba manga ruata wal᷊ine ore lai puluang maněmbang kukisẹ̌ kismis su manga ruata wal᷊ine.”#3:1: Maněmbang kukisẹ̌ kismis su manga ruata wal᷊ine: Buang anggorẹ̌ kụ seng nipakamara i pakẹ baugu měgěllị u sasěmba su ruatang katatendang kụ tumuhụ kal᷊aiaking tangu makatamba lětạ u pěmaměnsạ u taumata kụ měnẹ̌němba.

2Tangú iạ e měmaehu roitẹ̌ sal᷊aka mapul᷊o l᷊ima su kal᷊ẹ̌pane ringangu gandung#3:2: gandung: Ipẹ̌tẹ̌timona sini tangu kai ghahị u gandung kụ něngalembong masanạ paele. 150 su kilone, mědeạu makaěbạ bawine ene. 3Iạ e nẹ̌bera si sie u i sie harusẹ̌ pahědo si siạ su ral᷊ungu tempo piạ kararěngụ e. Karěngụ u tempo ěndaị e i sie tawe wotonge mẹ̌sundal᷊ẹ̌ arau mawuang, dingangu iạ mal᷊ain sarung dumani si sie. 4Kerene kakakoạ e ringangu tau Israel; marěngụ kahěngang i sire hinong mẹ̌biahẹ̌ tawẹ datune arau pangahạ e, tawẹ gaghěllị e arau manga měnara apang karamatẹ̌, tawẹ apa manga tul᷊adane arau manga pẹ̌tatariang mạněbal᷊u rahasian tempo ramahi. 5Kaiso sarung marěnta tempone tau Israel mẹ̌sul᷊e kapia su anung Mawu Ruatan sire, ringangu sol᷊ong anun datun sire wọu hěnton Daud. Mase i sire sarung matakụ dingangu měngadatẹ̌ su Mawu, ore lai měnarimạ u kal᷊awọu al᷊amatʼE.

Currently Selected:

HOSEA 3: SXN

Highlight

Copy