HOSEA 4

Mawu e mạnoke Israelẹ̌

1 Mawu e piạ pěrkarane ringangu tumanạu wanua ini. Ei Israel, daringihẹ̌ko apan niweranʼE, ”Su wanua ini tawẹ satiane ringangu tawẹ apa kakěndagẹ̌, dingangu tumanạ e tawe mangakung Iạ kawe Ruata. 2I sire němpẹ̌salu, kaiso i sire tawe mapakasěhụ u ene;#4:2: němpẹ̌salu ... mapakasěhụ u ene arau: měngane taumata kụ mẹ̌pakẹ u arengu Mawu. i sire němpẹ̌konti, němate, nẹ̌tako ringangu nawuang. Karal᷊akisẹ̌ e nahuntinamba, ringangu pěmamate e mạdiadi mẹ̌gẹ̌gaghintol᷊e. 3Ual᷊ingu ene wanua ini sarung makoạ mamara, kụ kal᷊awọu apạewem biahẹ̌ ene e sarungbe mate. Kal᷊awọu haghiʼm binatang su kinoaěng, su ral᷊unge ringangu su l᷊audẹ̌ e sarung mawinasa.”

Mawu e mẹ̌noke manga imang

4 Mawu e něhengetang, ”Ei manga imang, kumbahangbe piạ u mapẹ̌sal᷊a arau mẹ̌pědu manga umatẹ̌-Ku, u kai i kamene Takụ ipẹ̌sal᷊a! 5Ěllo hěbi i kamene mẹ̌kẹ̌koạ pẹ̌sasal᷊a, kerene lai manga nabi. Ual᷊ingu ene Iạ sarung mapakawinasang Israel, i ninangu. 6I kamene, manga imang, tawe mẹ̌pandung si Siạ, tangu manga umatẹ̌-Ku e mal᷊ain tawe mẹ̌pandung si Siạ hakịu i sire nasilakạ. I kamene tawe měnarimạ u manga těntiro-Ku kụ Iạ e mal᷊aing sarung tawe měnarimạ i kamene, ringangu manga anạ i kamene tawe Takụ iaku manga imang-Ku.

7Mangkeng kakạl᷊awọe i kamene, mangkeng kạpahuntinambane rosang kamene lai si Siạ ei manga imang! Ual᷊ingu ene kakakoạu e sarung Takụ bal᷊uiang: I kamene sarung tawe lai adateng, katewe hinakaneng. 8I kamene něngkakalạ ual᷊ingu rosang umatẹ̌-Ku, ual᷊ingu ene i kamene lụěnningu tadeạu i sire tatapẹ̌ mẹ̌dosa. 9Tangu i kamene sarung masunsara kere kawanua! Iạ e sarung měhukung i kamene ipẹ̌dindangu kal᷊awọu kakanoạ i kamene. 10I kamene sarung mahungkaěng bọu kal᷊awọu sasěmba, kaiso i kamene těbe nahutung. I kamene sarung maněmba manga mahang duatang katawang ěntana, arawe měmamanuanu e mang těbe tawe matatamba, batụu i kamene seng naněntangu Iạ mědeạu maněmba manga ruata wal᷊ine.”

Mawu měhukungu pananěmba mahang duata

11 Mawu e něhengetang, ”Ei umatẹ̌-Ku, baewe anggorẹ̌ těbe arau anggorẹ̌ buhu seng nakapal᷊usẹ̌ katoghasu mẹ̌tiněnna mahurupẹ̌. 12I kamene nẹ̌gausẹ̌ laahạ e wọu kalu sěmpědi! Těking sěmbua e maul᷊ị si kamene apa hinong ilẹ̌ěnning i kamene tadeạu masingkạ! I kamene mẹ̌sul᷊ungu sěngkatau marehokang tahapẹ̌sundal᷊ẹ̌; i kamene naněntangu Iạ dingangu něnarakangu watangenge su manga mahang duata wal᷊ine. 13Su apan tampạ u pěněmbaěng mahang duata su manga wowom běntihe ringangu wul᷊ude, i kamene měnarakangu sasěmba, ringangu měnutung buwụ su al᷊ungu manga kakaluang gaghuwạ maghahundung paị sene ual᷊ingu tampạ ene mal᷊ěmpị.

Kai kawe apa aị e? Manga mal᷊ahualang kamene e něngkakoạ tahapẹ̌sundal᷊ẹ̌ dingangu anạ i kamene mirarating bawine e nawuang! 14Arawe Iạ e tawe měhukungu kakanoạ i sire ene, watụ u i kamene hala e mal᷊aing něngkakoạ sol᷊ong anung manga tahapẹ̌sundal᷊ẹ̌ kụ měmpělẹ̌hal᷊ẹ̌ su manga pangkunang#4:14: Tahapẹ̌sundal᷊e ... su manga pangkunang: Manga wawine ini měmpělẹ̌halẹ̌ su manga pangkunangu tau Kanaan, tampạ u ruatang katatendang kụ sẹ̌sěmbaěng. Tumuhụ pěngangiaking i sire, manga rahami ringangu binatang i sire sarung mẹ̌gěllịu asěkine mal᷊awọ kereu i sire mẹ̌sěngkapẹ̌tikị dingangu manga tahapẹ̌sundal᷊ẹ̌ ene. mase sěngkaral᷊eng dingang i sire, i kamene měmpaněmbang sasěmba su manga mahang duata. Mamben těngadẹ̌ bawera ini: ’Bansa kụ tawẹ katatahuěnnane su Ruata e sarung manawo.’

15Ei kamene tau Israel, i kamene tawẹ satiane si Siạ! Arawe Iạ e mělẹ̌harapẹ̌ Yehuda e tawe mẹ̌koạ pẹ̌sasal᷊a kụ mẹ̌sul᷊ung! Kumbahang mẹ̌tahamawu su Gilgal arau su Betel.#5:15: Betel: Su ral᷊ungu werang Ibrani, areng ini e mangal᷊ene ”Wal᷊eng Mawu”. Su ral᷊ungu teksẹ̌ u Ibrani, ayetẹ̌ ini mẹ̌pẹ̌pakẹ u areng ”Bet-Awen” baugu ipaněbọ Betel. Kumbahang měmpẹ̌salu paị sene su arengu Mawu kụ biahẹ̌. 16Ei kamene tau Israel, těmbọ i kamene makakětị! Kereapa wue Iạ makaahạ si kamene kere domba sarang bimbaengu rěmpugẹ̌?”

17Umatu Israel seng kinawitaugangu mahang duata. Ual᷊ingu ene walạekere i sire. 18Sarangke niwukangu pěnganginung anggorẹ̌ mal᷊awọ, i sire němpẹ̌sundal᷊ẹ̌ nẹ̌batụ kapulu. I sire mạěndokangbe mapulu hinakaneng sul᷊ungu makaěbạ daralo. 19Ual᷊ingu ene i sire sarung mapuạ kere nitiụ u anging. I sire sarung měngkamea ual᷊ingu sasěmba isẹ̌sěmban sire su manga mahan duata.

Currently Selected:

HOSEA 4: SXN

Highlight

Copy