PĚNDARIADI 36

Pal᷊ahěntong Esau

(1Kar. 1:34-37)

1Ini rol᷊ẹ̌ u pal᷊ahěntong Esau kụ isẹ̌sěbạ lai si Edom. 2#Pěnd. 26:34 I Esau nẹ̌kawingu manga wawineng Kanaan, i sire těllu i Ada anạ i Elon tau Het; Oholibama, anạ i Ana ringangu pulung i Zibeon#36:2: Piram baụ tungkangu nạung: ”anạ i Zibeon”. tau Hewi; 3#Pěnd. 28:9 i Basmat anạ i Ismael dingangu tuaring Nebayot. 4I Ada němantelʼi Elifas, i Basmat němantelʼi Rehuel, 5dingangu Oholibama němantelʼi Yeus, Yaelam dingangʼi Korah. Kal᷊awọu manga rariọ niwantelẹ̌ su wanuang Kanaan.

6Bọu ene i Esau naněntang i Yakub kụ nakoạ sol᷊ong banua wal᷊ine namaringangu kal᷊awọu kawinge, anạ e, ringangu kěbịewe taumata ral᷊ohom bal᷊ene, ringangu kal᷊awọu binatange ringangkeweng kěbị darotonge kụ seng kinaual᷊ine su wanuang Kanaan. 7I Esau nẹ̌těngkagheang bọu anung Yakub ual᷊ingu arětạ i sire e kai tawẹ sihinge kal᷊awọe hakịu i rẹ̌dua e tawe nakakatanạ sěngkapẹ̌biahẹ̌ sene. Tapengu l᷊ai su wanua kẹ̌katanakeng i sire ene tawe makasukụ pẹ̌deakeng arau mapakaěngu binatang i sire e kahiang kakěpal᷊e ene. 8Tangú i Esau kụ lai isẹ̌sěbạ si Edom, nangindunụ nẹ̌banua su wawul᷊urangu Seir.

9Ini e kai pal᷊ahěntong Esau, i upungu tau Edom. 10-13Kawing i Esau isẹ̌sěbạ si Ada e namantelʼu rariọ esẹ, kụ nisěbạ si Elifas. Dingangu i Elifas e piạ anạ e esẹ limang katau kụ i Téman, i Omar, i Zefo, i Gaetam dingangu i Kenas. I Elifas piạ kapapuěnge kụ nisěbạ si Timna. I sie něhěnding u anạ e esẹ kụ nisěbạ e si Amalek.

Kawingʼi Esau isẹ̌sẹ̌bạ si Basmat, něhěndingu rariọ esẹ arenge i Rehuel, kụ i Rehuel piạ anạ e esẹ ěpạ u katau, i Nahat, i Zerah, i Syama ringangu i Miza.

14Kawingʼi Esau kụ isẹ̌sẹ̌bạ si Oholibama kụ kai anạ i Ana ringangu pulung i Zebeon,#36:14: Piram baụ tungkangu nạung: ”anạ i Zibeon”. namantelʼu anạ e esẹ těllung katau, kụ i Yeus, i Yaelam dingangu i Korah.

15Seng ini e manga kul᷊ano hiteng Esau: i Elifas, anạ i Esau i akang, kai i upung hiteng sire ini: I Téman, i Omar, i Zefo, i Kenas, 16i Korah, i Gaetam, dingangu i Amalek. I sire kěbị e kai hěnton Ada, kawingʼi Esau.

17I Rehuel, anạ i Esau, kai i upungu manga hiten: Nahat, i Zerah, i Syama ringangu i Miza. I sire kěbị e kai hiten Basmat, kawingʼi Esau.

18Kal᷊awọu hěnto apan tuhụ e ini ute kai hěnton Esau wọu kawinge isẹ̌sẹ̌bạ si Oholibama anạ i Ana, kụ i Yeus, i Yaelam, dingangu i Korah. 19Patikụ kawanua ene kai hěntong Esau.

Pal᷊ahěnton Seir

(1Kar. 1:38-42)

20-21Tumanạ u ěntanang Edom patutune nipahiạ suapạeweng kawanua hěnton Seir, tau Hori. Apạeweng kawanua ene ute kai kawanuang: Lotan, Syobal, Zibeon, Ana, Disyon, Ezer, dingangu Disyan.

22I Lotan e kai i upungu ghal᷊ipohong Hori ringangu i Heman. (I Lotan e kai piạ bawinene i Timna.)

23I Syobal e ute kai i upung u ghal᷊ipohong Alwan, Manahat, Ebal, Syefo ringangʼi Onam.

24I Zibeon piạ anạ e esẹ duang katau, i Aya rěduang Ana. (I Ana ini e kai nakaěbạ kal᷊awọu simbul᷊u akẹ matětị su wanua tạ taune, piạ i sie kapělẹ̌lukade kal᷊awọu kalideng amange.) 25-26I Ana ute kai i amangʼi Disyon, dingangu i Disyon e kai i upungu ghal᷊ipohong Hemdan, Esyban, Yitran dingangu i Keran. I Ana e mal᷊aing piạ anạ e wawine sěngkatau, arenge i Oholibama.

27I Ezer i upung u ghal᷊ipohong: Bilhan, Zaawan dingangu i Akan.

28I Disyan i upungu ghal᷊ipohong Us dingangu i Aran.

29-30Seng ini e manga ghal᷊ipohong Hori su wanuang Edom: Lotan, Syobal, Zibeon, Ana, Disyon, Ezer dingangu i Disyan.

Mararatung Edom

(1Kar. 1:43-54)

31-39Kal᷊imonang datu nẹ̌parenta su Israel, mararatu apan tuhụ e ini e měpẹ̌parenta su ěntanang Edom měbẹ̌bawěllasẹ̌:

I Bela anạ i Beor bọu Dinhaba.

I Yobab anạ i Zera bọu Bozra.

I Husyam bọu wanuang Téman.

I Hadad anạ i Bedad bọu Awit (seng i sie e nakawatạ tau Midian su ral᷊ungu pẹ̌sasekẹ su ěntanang Moab).

I Samla wọu Masreka.

I Saul bọu Rehobot su wiwihu sal᷊ụ.

I Baal-Hanan anạ i Akhbor.

I Hadar wọu Pahu (kawinge arenge i Mehetabeal anạ i Matred dingangu pulung i Mezahab).

40-43I Esau e kai i upungu kal᷊awọu pal᷊ahěntong Edom ini e: i Timna, i Alwa, i Yetet, i Oholibama, i Ela, i Pinon, i Kenas, i Téman, i Mibzar, i Magdiel, dingangu i Iram. Apạeweng hite tangu mạngonggọu arenge su wanua kẹ̌katanakenge.

Currently Selected:

PĚNDARIADI 36: SXN

Highlight

Copy