AMOS 4
4
1Pẹ̌daringihẹ̌ko, ei manga wawinen Samaria seng něngkatawa kere manga sapi maral᷊ikěpụ su Basan! I kamene němpěnědạ taumata kụ lome, němpěměhạ taumata kasiang, kụ měnẹ̌nuntụ tadeạu manga kawing i kamene hanesẹ̌be měnẹ̌nadia inumang makakětị si kamene! 2Iạ e kai Mawu Kasěllahenge, kụ susi ringangu Iạ e kai seng nẹ̌diandi u i kamene sarung iwawa sol᷊ong kal᷊ahěmpukang; i kamene ringangu kěbị e kụ mẹ̌sul᷊ungu kinạ su pekeng. 3I kamene sarung suhudang sol᷊ong Hermon#4:3: Hermon: Tumuhụ naskang Ibrani: Harmon. kụ irěmmẹ sol᷊ong likude, sěngkatau-sěngkatau e lumiu lohang u meselẹ̌ karěduhange. Iạ e kai Mawu kụ seng něhengetang.”
Israel madiri rumaringihẹ̌
4 Mawu Kasěllahenge něhengetang, ”Ei umatu Israel! Dakọ e sol᷊ong tampạu pẹ̌kakal᷊iomanengang su Betel, kụ pěmpẹ̌baradosa sene! Kakoạ e sol᷊ong Gilgal, kụ pěmpẹ̌barạdosa pẹ̌batụ kapulung kamene! Tamaị e pěmpěnarakangu sasěmba apang kamal᷊ukadẹ̌, kụ pẹ̌bawa pẹ̌sěntahạkapul᷊one wọu kal᷊awọu ěbạu e apang těllu ěllo! 5Tamaị e pěmpěnarakangu sasěmba borotẹ̌ koạ kere tatarimakasẹ i kamene si Siạ, dingangu tamaị e pěmpẹ̌taghunalangu mohong u i kamene seng nẹ̌bawa sasěmba tatimune! Nal᷊ahẹu kai mang ěndaị ene makạl᷊ahimpulu kẹ̌koateng i kamene!
6Seng Iạ e napakahombangu karal᷊unusẹ̌ su patikụ soang kamene, kai arawe i kamene tawe nẹ̌sul᷊e su anu-Ku. 7Iạ e měngẹ̌nguhungu rasehangu tahiti piạ e sasuangu apạe měgẹ̌gausẹ̌ akẹ. Iạ e maparasehu tahiti su soa sěmbaụ kụ tawe makoạbe sol᷊ong soa wal᷊ine. Sasuang sěmbaụ dasehangu tahiti, arawe sasuang bal᷊ine ute kawe kinamaraěng. 8Su soa lai pira-pira e, tumanạ e seng němpělomeng kararou, mědẹ̌deạ akẹ su soa wal᷊ine, arawe akẹ sene e tawe makasukụ. Maningbeng kerene, i kamene tawe lai mẹ̌sul᷊e su anu-Ku.
9Iạ e mapatiụ u anging matětị dingangu maparěntang binatang daridị apakinạ sasuang dingangu kal᷊awọu waelu anggoru. Manga kalung ara, ringangu kalung zaitun i kamene seng nasueng kinạ e su kal᷊imbotong. Kaiso maning kerene, i kamene selain tawe nẹ̌bal᷊ị sol᷊ong anu-Ku
10Iạ e maparěntan sahindạ si kamene kerẹewe Takụ niparěnta su Misirẹ̌. Taumatang kamene mangangudạ e Takụ nipakapate su pẹ̌seketang, dingangu kal᷊awọu kawal᷊ong kamene e pinakipul᷊aho. Iạ e měloho pẹ̌darasengang i kamene ringangu manga kasuang dal᷊urune mawuhụ makasěnggarẹ̌ lohang u irung. Maningbe kerene, kai i kamene mal᷊aing tawe lai mẹ̌sul᷊e su anu-Ku.
11 #
Pěnd. 19:24
Sěmbahageang bọʼi kamene Takụ ipakawinasa kere Iạ mapakawinasan Sodom dingangu Gomora. Apaʼm bědang biahẹ̌ su tal᷊oarang kamene ute kai kere kanutung kụ nial᷊ạ bọu putung. Manilaing kerene kai i kamene tawe lai nẹ̌sul᷊e kapia su anu-Ku. 12Ual᷊ingu ene, ei umatʼu Israel, Iạ sarung měhukung i kamene, kụ pẹ̌dariahị e tumatěngo hukumang kụ sarung Takụ ipakahino si kamene!”
13Bul᷊ude ringangu anging, kai Mawu e měndariadine;
karaki-Ne nilahẹʼE su taumata.
I Sie nẹ̌koạ ěllo ringangu hěbi,
su wowong manga wongkone rẹ̌dal᷊engangʼE.
Mawu Ruata Limembong Kawasa,
kụ kai ene arengʼE.
Currently Selected:
AMOS 4: SXN
Highlight
Share
Copy
Want to have your highlights saved across all your devices? Sign up or sign in
