AMOS 3

1Pẹ̌daringihẹ̌ko titaʼm Mawu ini, ei tau Israel kụ seng niapasěbang bọu Misirẹ̌ kahiang Mawu! Mawu e něhengetang, 2”Bọu patikụ bansa su dunia, seng i kamene wansa mang sěmbaụ su kasingkạ-Ku ringangu Takụ kẹ̌kakěllaěng. Kụ kai ene e rosanu masaria, mase Iạ e mambeng nal᷊ahẹu měhukung i kamene.”

Munarang nabi

3Botonge ruang katau rumal᷊eng sěngkaral᷊eng kụ tawe mẹ̌dal᷊ahintau kal᷊imona?

4Makakoạ ngae singa humuang su kěhu, kereu i sie ren tawe nakạěbạ kinaěnge?

Mariadi ngae anạu singa humuang su ral᷊ungu liange kereu i sie ren tawe nakạsamẹ apa-apa?

5Mariadi ngae manụ u kinoaěng ikasamẹ kụ kurungang, kamagengu tawẹ mẹ̌tataingu sedẹ?

Sedẹ makaị ngae kamagengu wědang tawẹ apa nạsamẹ?

6Taumatan soane tawe mahungkende mạengu makaringihẹ̌ tingihu slompretẹ̌ tatialang paraěng ngae?

Mariadi ngae soa sěmbaụ kahinoěngu hombang, kereu Mawu tawe nẹ̌děndingọ ngae?

7 Mawu Limembong Karangetange tawẹ běke mẹ̌kẹ̌koạ apa-apa kụ tawe mělahẹu karakinʼE su manga nabi, manga ěllangʼE.

8Kereu singa humuang, i sai wue tawe matakụ?

Kereu Mawu Limembong Karangetange mẹ̌bisara, i sai wue mẹ̌těngkarěmasu watangenge kụ tawe měhabaru tita-Ne?

Kananawong Samaria

9Paul᷊ịko ini su taumata apang mạtanạ su istanang Misirẹ̌ e ringangu Asdod, ”Pẹ̌tampungko su manga wul᷊ude mạngělikụ Samaria, ringangu tatinganeko pẹ̌gaghonggạ masaria ore lai pěmaměhạ kụ nariadi paị sene.”

10 Mawu e něhengetang, ”Taumata ene mělẹ̌holo manga istanan sire ringangu manga apal᷊iwụ kụ kinaěbakeng bọu pěngangahěbụ dingangu katatingkaị. Sarangbe lai i sire mambeng běga marihutu mẹ̌těngkatul᷊idẹ̌. 11Ual᷊ingu ene wanuan sire sarung tal᷊iwungang u sědụ, těndạ i sire ghoghaheng, dingangu kěbị istanan sire hampaseng.

12Kere sěngkatau měndal᷊ukadẹ̌ kụ makahombang kapia tumbạeng laedu domba sěmparẹ̌ arau tul᷊ine sěmpotọ kụ seng nitěmboěngu singa, kerene lai tumbạeng mahal᷊i matěntang bọu tumanạu Samaria kụ orasẹ̌ ini e rụdal᷊oka mạdimạ mapia su katatikilang i sire masasikome.”

13 Mawu Kụ Limembong Kawasa ringangu Limembong Karangetange nẹ̌bera, ”Tatinganeko orasẹ̌ ini, ringangu paul᷊ikeko hěnton Yakub. 14#2Rat. 23:15 Su ěllone Iạ měhukungu tau Israel ual᷊ingu rosane, Iạ sarung mapakawinasang manga tampạu pananěmbaěng su Betel. Apan tampạ u pananěmbaěng sarung papědiang apam pondol᷊e sarang manawo su ěntana. 15Apaʼm bal᷊e kụ baugu musungu matěho ringangu manga wal᷊eʼm pěngangirol᷊oěng su musungu měhangu sarung Takụ ipakagholọ. Manga wal᷊e kụ nilẹ̌gahengu sunge ute ipakahaka; patikụ bal᷊e apang gaghaghuwạ e sarung magholang.

Currently Selected:

AMOS 3: SXN

Highlight

Copy