ZABUR 43
43
Kangen léq ALLAH
(Lanjutan Zbr. 42)
1Icanin kaji keadilan, ya Allah,
béle hak kaji léman bangse saq durhake.
Bébasang kaji léman penjahat dait penipu.
2Deside Allah, pelindung kaji;
kembéq Deside bilin kaji?
Kembéq kaji harus tetep menderite
lantaran tetindes siq musuh-musuh kaji?
3Nyatayang kesetiean Deside
jari nerangin dait bimbing kaji,
adéq kaji tulak ojok Sion, gunung Deside saq suci
dait ojok Gedéng Deside.
4Make kaji gen lalo ojok méje taoq persembahan bagi Allah,
ngadep Allah sumber kebahagiean kaji.
Kaji gen benyanyi dait puniq kecapi,
jari memuji Deside, ya Allah, Allah kaji.
5Kembéq angen tiang sedih dait osah?
Tiang beharep léq Allah,
make tiang gen besyukur malik léq Ie,
tipaq Allah tiang dait penyelamet tiang.
Currently Selected:
ZABUR 43: LAISAS
Highlight
Share
Copy
Want to have your highlights saved across all your devices? Sign up or sign in
