ZABUR 42
42
KITAB KEDUE
ZABUR 42-72
Kangen léq ALLAH
1Umaq pemimpin kor. Nyanyian pengajahan kaum Korah.
2Maraq mayung saq melétang aiq kokoq,
maraq nike jiwen kaji kangen léq Deside, ya Allah.
3Tiang kangen léq Allah saq idup,
piran tiang kanggo dateng beribadah léq Gedéng-Ne?
4Kenjelo kekelem tiang nangis,
cume aiq mate jari keloran tiang.
Sejeloan musuh tiang beketuan,
“Léq mbé Allah side?”
5Angen tiang sedih lamun inget waktu saq laéq,
sewaktu tiang lampaq ojok Gedéng Allah.
Bareng kance dengan luwéq saq ngaraqang perayaan.
Tiang lampaq léq julun arak-arakan
siq surak-surakan dait lagu pujian.
6Kembéq angen tiang sedih dait osah?
Tiang beharep léq Allah.
Make tiang gen besyukur malik léq Ie.
Tipaq Allah tiang dait penyelamet tiang.
7-8Ya ALLAH léq gumi taoq kaji tetetéh niki angen kaji lebur anyong,
keranaq nike kaji inget léq Deside.
Jiwen kaji anyong dalem kesedihan,
kaji tetimpe siq kekacoan saq dateng maraq belabur;
maraq suare aiq semporonan léq Kokoq Yordan
léman Gunung Hermon dait Gunung Mizar.
9Semoge ALLAH nyatayang kasih-Ne léq kenjelo,
adéq léq kekelem tiang bau benyanyi,
dait bedo'e tipaq Allah sumber idup tiang.
10Tiang matur léq Allah, pembéle tiang,
“Kembéq Deside lupaqang kaji?
Kembéq kaji harus tetep menderite,
lantaran tetindes siq musuh-musuh kaji?”
11Angen kaji lebur anyong lantaran oloqan musuh.
Ie pade terus beketuan, “Léq mbé Allah side?”
12Kembéq angen tiang sedih dait osah?
Tiang beharep léq Allah.
Make tiang gen besyukur malik léq Ie,
tipaq Allah tiang dait penyelamet tiang.
Currently Selected:
ZABUR 42: LAISAS
Highlight
Share
Copy
Want to have your highlights saved across all your devices? Sign up or sign in
