ZABUR 41
41
Do'e nunas teselahang
1Umaq pemimpin kor. Zabur Daud.
2Bahagie dengan saq merhatiang dengan saq lemah;
ALLAH gen nulung ie sewaktu kebucuq.
3 ALLAH gen ngelindungin dait meliharaq ie,
ALLAH gen miaq ie bahagie léq gumi,
dait nénten nyerahang ie ojok musuhne.
4 ALLAH gen nulung ie léq waktu sakit,
dait nyelahang ie.
5Lamun kaji, kaji matur, “Kaji sampun bedose tipaq Deside, ya ALLAH,
periakang kaji dait selahang kaji.”
6Musuh tiang ngeraosang saq jahat mengenai tiang,
ie pade melét adéq tiang maté dait telupaqang.
7Dengan-dengan saq jangoq tiang
ndéq tulus ihlas.
Ie pade ngumpulang kabar saq lengé mengenai tiang,
terus nyiarang ojok mbé-mbé.
8Selapuq saq meriq léq tiang bepéséq-péséq;
ie pade ngeraosang saq paling lengé mengenai tiang.
9Ie pade bebase, “Penyakitne parah gati,
ie ndéqne mungkin ures malik.”
10 #
Mat. 26:23; Mrk. 14:18; Luk. 22:21; Yah. 13:18 Malahan sahabat karib saq paling tiang percaye,
dengan saq bareng bekelor kance tiang,
sampun menghine tiang.
11Periakang kaji ya ALLAH, selahang kaji,
adéq kaji bau bales kejahatan musuh-musuh kaji.
12Lamun kaji nénten tekalahang siq musuh kaji,
kaji nenaoq bahwe Deside suke léq kaji.
13Deside nulung kaji lantaran ketulusan kaji,
dait miaq kaji idup bareng Deside selaéq-laéqne.
14 #
Zbr. 106:48
Pade puji ALLAH, Tuhan Israel!
Puji Ie léman selaéq-laéqne jangke selaéq-laéqne.
Adéq telaksane maraq nike. Amin!
Currently Selected:
ZABUR 41: LAISAS
Highlight
Share
Copy
Want to have your highlights saved across all your devices? Sign up or sign in
