Mrk 11

Kunhingena ka Yesu a Yerusalema

(Mt 21:1-11; Lk 19:28-40; Yhn 12:12-19)

1Kuti loko vatrhindrekela a Yerusalema ni le Betefage, ni le Betaniya, anhaveni ya Minhlwari#11:1 Betefage: muti lowu wunga tlhelweni dra le wuxeni bya nhava ya Minhlwari hi mfambunyana wa makilometuru matrongonyana kuya a Yerusalema. Betaniya i muti wun'wana kusuhi na Betefage, kasi a Nhava ya Minhlwari i xitrunga xinga wuxeni bya Yerusalema., Yesu aruma a vadondrisiwa vakwe vabiri, 2aku ku vone: Yanani amutini lowu n'wikongomaniki na wone. Loko n'winhingeni ku wone n'witahatla n'wikuma a ximbongolwana lexi xikulekiwiki, lexi kungasiki khandriya mhunu a henhla ka xone. Xintrhunxani n'wixitisa kola. 3Kutaku loko a mhunu an'wivutisa, leswaku n'wiyentxela yini leswo, mubyelani n'wiku a Hosi yaxidjula, kambe Yene atahatla axitlhelisela kola.#11:3 Hi matolokela mambeni kuni swaku: A murangela awaxidjula, kumbe a n'winyi awaxidjula.

4Kutani vafamba vayakuma a ximbongolwana lexi xikulekiwiki anyangweni, a handle, vaxintrhunxa. 5A van'wana lava afaka vayimi kone, vaku ku vone: Xana n'wiyentxela yini kuntrhunxa a ximbongolwana? 6Vone-ke vavayangula hilaha Yesu ahlayiki ha kone, vahangavatrika.

7 # Fanisa na Zk 9:9. Kutani vatisa a ximbongolwana ku Yesu, vabeka a henhla ka xone a makapulana yavu, kutani Yene atrhama a henhla ka xone. 8Kutani a vhanu vanyingi vayandlala a makapulana yavu andleleni, van'wana vabehela tinkambu leti afaka vatitremi amasin'wini.#11:8 Swanga hi le ku 2 Vf 9:13 kuhlayiwaka a xiyandlalelo xa kukari xa le hansi, xa xihluwa. 9#Lavisa: Mps 118:25-26; Lavisa Mt 21:9; Yhn 12:13. Lava varangiki ni lava valandrelelaka afa vabandlukana vaku:

Hozana!

Akukhensiwe lweyi ataka hi vito dra Hosi!

10 # Fanisa ni Mps 118:25-26; Lavisa Mt 21:9; Yhn 12:13. Akukhensiwe a Mfumu lowu wutaka, wa tatana weru Davida!

Hozana lweyi anga henhla-henhla.

11Kutani Yesu atlhasa a Yerusalema, anhingena a Tempeleni; kuti loko aralarali hinkwaswu, leswi afaka me madambu amuka Betaniya kun'we ni lava va khume na vabiri.

Nkuwa wa kukala mihandru

(Mt 21:18-19)

12Byiku byaxa, loko vabuya hi le Betaniya, Yene atwa ndlala. 13Avoniki nkuwa na ahali kule lowu wungani makamba, ayalavisa leswaku kumbe wuni mihandru. Loko atlhasa ku wone angakumi ntxhumu loko mange makamba ntsena, hikusa afa wunge nkama wa makuwa. 14Kutani Yesu aku ku wone: Kungahavina mhunu lweyi atakada mihandru yaku hi la kungahelikiki! A vadondrisiwa vakwe vaswiyingela.

Yesu a Tempeleni

(Mt 21:12-17; Lk 19:45-48; Yhn 2:13-22)

15Kutani vayatlhasa Yerusalema. Loko Yene anhingeni a Ndlwini ya Hosi, asungula kuhlongola handle lava vaxavisaka ni lava vaxavaka. Abakanyisa matafula ya vabindrulisi va mali, ni switrhamu swa vaxavisi va matuva, 16afa angapfumeleli mhunu kutremakanya Tempele na arwali xibya. 17#Fananisa na Ezy 56:7; Yr 7:11. Kutani avadondrisa aku: A Matralweni kuhlayiwa leswaku: A yindlu yanga yitava Yindlu ya xikhongoto ku matiko hinkwawu! Kambe n'wine n'wiyihambi mhakwa ya vayivi!

18A varangeli va vaprista ni vatrali vaswiyingela, kutani vadjula leswi vangamudlayisaka xiswone. Kambe afa vamutxhava, hikuva a xitrhungu hinkwaxu afaka xihlolelwa hi dondro yake. 19Amadambyeni, (Yene ni vadondrisiwa vakwe) vahuma amutini.#11:19 Tolokiwo drin'wana drili: Loko kutlhasi vusiku, Yesu ni vadondrisiwa vakwe vahumi mutini.

Dondro ya nkuwa lowu wungeke na mihandru

(Mt 21:20-22)

20Amixweni, vatiki vahundra vavona a nkuwa wuwomile kusukela mitrwini. 21Petrosi adrimuka leswi swihumeleliki, aku ku Yene: Mudondrisi, lavisa! A nkuwa lowu ungawuruketela wuwomile! 22Yesu ayangula vadondrisiwa aku ku vone: Vanani ni kupfumela ku Xikwembu Nkulukumba! 23Nihlayelamfuri nan'wibyela nili: Loko n'wingaku ku nhava leyi, suka uyatitxukumeta likhulwini, na n'wingaganaganeki ambilwini, kambe n'wipfumela leswaku leswi n'wiswihlayaka switahumelela, switava tanu ku n'wine! 24Hileswo-ke, nan'wibyela nili: Hinkwaswu leswi n'wiswikombelaka hi kukhongota, pfumelani leswaku n'winyikiwile. 25Nakone loko n'wikhongota, drivalelani lweyi n'wingavakani mhaka na yene, akuva na Yene Tatana wenu lweyi anga Matilweni an'widrivalela a swidoho swenu. [ 26#Lavisa Mt 6:15. Kambe, loko n'wingadrivaleli, Tatana wenu lweyi anga Matilweni na Yene, angatin'widrivalela a swidoho swenu.]

Vakaneta ntamu wa Yesu

(Mt 21:23-27; Lk 20:1-8)

27Kutani vatlhela vanhingena a Yerusalema. Aku loko Yene atifamba-fambela a Tempeleni, a vaprista lava vakulu ni vadondrisi va Nawu, ni vakulu va tiko, vata ku yene, 28vaku: xana leswi uswitiraka, uswitira hi ntamu wini xana? Nakone hi mani lweyi angakunyika a mfanelo leyo xana? 29Yesu aku ku vone: Na mine, nitan'wivutisa ritu drin'we, kutani niyangulani, na mine nitan'wibyela a ntamu lowu nitiraka leswi ha wone. 30#Lavisa 1:4-5. Nibyelani: Yohana, afa ababatisa hi ntamu wa Xikwembu Nkulukumba, kumbe wa vhanu?

31Vone afa vakanetana, vaku: Loko hiku ku Xikwembu Nkulukumba ataku ha yini n'wingapfumelanga ku Yohana? 32Kambe loko hiku: Avhanwini vavini kuvatxhava vhanu, hikusa hinkwavu afa vapfumela leswaku Yohana afa e muprofeta kunene. 33Vahangayangula Yesu vaku: Ahiswitivi. Na Yene Yesu aku ku vone: Na mine ningatin'wibyela a ntamu lowu nitiraka leswi ha wone.

Currently Selected:

Mrk 11: NTX2007

Highlight

Copy