Lk 3

Kudondrisa ka Yohana Mubabatisi

(Mt 3:1-12; Mrk 1:1-8; Yhn 1:19-28)

1Hi lembe dra vukhume na ntlhanu dra mfumu wa mufumi-nkulu Tiberiosi Khezari, loko Ponciu Pilato afuma Yudeya, na Heroda afuma Galileya, Filipi makwavu afuma Ituriya ni tiko dra Trakonita, na Lusaniya afuma Abilene.#3:1 Tiberiwu asivi Augusto hi siku dra khume ni ntlhanu ni mune ku Mhawuri (Agosto) ku lembe dra khume ni mune (14) ntraku ka kuta ka Kriste. Hileswo-ke, a lembe dra khume ni ntlhanu drisukela ku khume ni ntlhanu na mararu (28) kuya ku siku dra khume ni ntlhanu wa masiku na mararu ku lembe dra makume mabiri ni ntlhanu wa malembe ni mune (29). 2Anasi na Kayafasi afa vali vaprista lava vakulu. Ankameni wolowo a ritu dra Xikwembu Nkulukumba dritlhasa ku Yohana, a n'wana Zakariya.#3:2 A murangeli wa Vaprista afa ali Yosefa Kayafasi, lweyi atiriki vuprista byake kusukela ku lembe dra khume ni ntlhanu na malembe mararu kuyatlhasa ku makume mararu ya malembe ni ntlhanu na mararu (18-36) ntraku ka kuta ka Kriste. A vini ntiro wa ku voneka swinene ku ntlawa wa lava afaka valwa na Yesu. Lavisa ku Mt 26:3; Yhn 11:49; 18:14. Anasi, mukon'wana wakwe, avi murangeli wa vanyikeli wa timhamba kusukela ku lembe dra ntlhanu na drin'we kuyatlhasa ku lembe dra khume ni ntlhanu (6-15) ava kuhlengeleni hikola ka ntwalu lowu afaka ali na wone ku va-Yuda. 3Yohana afamba-fambi mimbangwini hinkwayu leyi minga matlhelweni ya nambu wa Yordana, abyela vhanu aku: Ndrulukani ku leswi swimfani n'wiyamukela a Babatiso akuva Xikwembu Nkulukumba an'widrivalela swihono. 4Leswi swihumeleli akuva kuhetiseka leswi switraliwiki abukwini dra muprofeta Ezaya, angaku:

A ritu dra lweyi abandlukana ahuleni drili:

Bekisani a gudju dra Hosi,

na n'wihamba tindlela takwe tilulama.

5A minkhinsi hinkwayu mita seteliwa;

a tinhava hinkwatu ni switrunga switahirimuxiwa.

A tindlela leti ta kuhereka titalulamisiwa,

ni tindlela leti ta kunonon'hwa titalulamisiwa.

6 # Lavisa Ezy 4:3-5 swanga hi tolokiwo dra Xigirika xa Ntlhanu wa makume na mabiri, a Septuaginta. A vhanu hinkwavu vatavona huluxo dra Xikwembu Nkulukumba.

7Loko a xitrhungu xiya ku Yohana akuva xiyababatisiwa, aku ku xone: Lixaka dra swipswhahla! Hi mani lweyi an'wibyeliki a kutrutruma mahlundru lawa mataka? 8Bekani mihandru leyi mifambelanaka ni kundruluka kwenu, n'wingahlayi leswaku: Hina Abrahamu anga tatana weru! Hikusa nan'wibyela leswaku Xikwembu Nkulukumba angaswikota kundruluta a maribye lawa mava vana va Abrahamu. 9Mfuri ni swoswi akawula dribekiwi mitrwini ya minsinya hinkwayu. A nsinya wun'wana ni wun'wana lowu wungahumexikiki a mihandru leminene, wutatremiwa wutxukumetiwa andrilweni.

10A xitrhungu afa xivutisa Yohana Mubabatisi, xiku: Xana hitayentxa yini ke? Yohana ayanguli aku: 11Lweyi angani swiyambalu swibiri, ahanane lweyi angeke naswu, ni lweyi angani swakuda, ayentxisi xiswoleswo.

12A vahlengisi#3:12 Vahlengisi: kuhlayiwa lava afaka vafamba vayamukela a mali ya nhlengo, leyi yihlayiwaka tinemba. na vone vatela kubabatisiwa, vaku ku yene: Mudondrisi, xana hingayentxa yini? 13Yohana aku ku vone: N'wingahlengiseni kutlula leswi n'wirumikiwiki swone. 14Nakone kuve ni masotxha lawa mamuvutisiki maku: Xana hine hitayentxa yini? Yohana ayanguli aku: N'wingayiveleni mhunu hi kutirisa a ntamu kumbe kurwexa nandru hi madrimi, kambe trhavelani leswi n'wiswikumaka.

15A vhanu hinkwavu afa vatrhama na valangusela, na vatipimisela timbilwini tavu leswaku, kumbe Yohana angava yene Kriste. 16Yohana avabyela hinkwavu aku: Mine nin'wibabatisa hi mati, kambe awata lweyi anitlulaka hi ntamu, lweyi ningafanelikiki kuntrhunxa a tingoti ta tintangu takwe. Hi yene atakan'wibabatisa hi Moya wa Kuxwenga ni hi ndrilo. 17A lihlelo dri le vokweni drakwe akuva ahehera mavele amatravukanisa ni mungu, atabekisa mavele anguleni, a mungu wone awuhisa ndrilweni lowu wa kukala wungatimeki.

18Afa kuli hi leswi ni hi swileleto swin'wana leswi Yohana Mubabatisi afaka ativisa a Ivangeli. 19Na swone afa akhwavela Heroda hi kuhanya na Herodiyasi, a nsati wa makwavu, ni hinkonta ya hinkwaswu leswi swimfani leswi aswiyentxiki. 20Kolahu Heroda ayengesela a vubihi byin'wana byikulu hi kupfalela Yohana abohelweni.

Kubabatisiwa ka Yesu

(Mt 3:13-17; Mrk 1:9-11)

21Kati loko Yohana ababatisa hinkwavu, Yesu na yene ababatisiwa; na ali kari akhongota, a tilo dripfuleka, 22ni Moya wa Kuxwenga wuxikela a henhla kwake, na wuni xivumbeko lexi xifanaka ni xa tuva, kutani kutwala a ritu ledri dripfaka atilweni driku: Wene u N'wananga lweyi arandriwaka; lweyi nitrhavisiwaka ha yene.

Vakokwana va Yesu hi ndlela ya longoloko

(Mt 1:1-17)

23Yesu, afa ani malembe lawa madjulaka kuva makume mararu (30) loko asungula a ntiro wakwe. Afa kuyanakanyeni ka vhanu ali n'wana Yosefa, n'wana Heli,#3:23 A longoloko wa vakokwana va Yesu lowu wukombisiwaka laha wutravukile ku lowu wunga ku Mt 1:17 mfuri a hi hinkwawu mavito lawa mabekiwiki la manga kone ku longoloko dra Testamente ledri dra khale. Akuva kukumiwa a masungulu ya swiloso ku Testamente ledri dra khale lavisa: 1 Mdr. 3:17; Ezr 3:2; (Ndrimana ya 27); II Sm 5:14; (Ndrimana ya 31); I Sm 16:1-13 (Tindrimana: 31—32); Rt 4:16-22; I Mdr 2:1—14; (Tindrimana: 31—33); Ms 29:35 (Ndrimana 33); Ms 21:3, 25:26; 1 Mdr 1:28-34 (Ndrimana ya 34) Ms 11:1-26; I Mdr 1:24-27 (Ndrimana 34-36); Ms 4:25—5:32; 1 Mdr 1:1-4 (Ndrimana 36-38). 24n'wana Matati, n'wana Levi, n'wana Maliki, n'wana Yana, n'wana Yosefa, 25n'wawa Matatiya, n'wana Amosi, n'wana Nahume, n'wana Esli, n'wana Nagayi, 26n'wana Maati, n'wawa Matatiya, n'wana Semeyi, wa Yoseki, wa Yoda 27wa Yowanan, wa Resa, wa Zorobabele, wa Salatiyele, wa Neri, 28wa Melki, wa Adi, wa Kosama, wa Elmadama, wa Heri, 29wa Yoxuwa, wa Eliyazari, wa Yorimi, wa Matati, wa Levi, 30wa Simiyoni, wa Yuda, wa Yosefa, wa Yonama, wa Eliyakimi, 31wa Meleya, wa Mena, wa Matata, wa Natani, wa Davida, 32wa Yese, wa Obede, wa Bowazi, wa Sala, wa Naasoni, 33wa Aminadabi, wa Admini, wa Arni, wa Esromo, wa Faresi, wa Yuda 34wa Yakobe, wa Isaki, wa Abrahamu, wa Tara, wa Nakori, 35wa Seruki, wa Ragawu, wa Faleke, wa Ebere, wa Sala, 36wa Kayinama, wa Arfaxade, wa Seme, wa Nowa, wa Lameke, 37wa Matusela, wa Henoki, wa Yerete, wa Maleleyeli, wa Kayinama, 38wa Enosi, wa Seti, wa Adamu, wa Xikwembu Nkulukumba.

Currently Selected:

Lk 3: NTX2007

Highlight

Copy