Yhn 21

Kutivonekisa ka Yesu ativeni

1Antrhaku ka leswo Yesu atlhela ativonekisa ku vadondrisiwa vakwe kusuhi ni tiva#21:1 Ku tindrimi timbeni, kutraliwi lwandle matrhan'wini ya tiva. Hi leswaku a mahlayeleni ya xi-Yuda i ritu drin'we drikombisaka tiva ni lwandle. dra Tiberiyasi. Ativonekisa hi ndlela leyi: 2Simoni Petrosi, na Tomasi lweyi valiki i Didimusi, na Nataniyele wa Kana wa le Galileya, ni vana va Zebedeya, ni vadondrisiwa van'wana vabiri va Yesu, afa vali kun'we. 3Simoni Petrosi aku ku vone: Niya ku kukuteni. Vaku ku yene: Na hine hifamba na wene. Kutani vasuka vaya nhingena abyatrhwini; kambe avaphasanga ntxhumu hi vusiku byolebyo.

4Loko byixa, Yesu ayima nkingeni wa tiva, kambe a vadondrisiwa avamutivanga leswaku i Yesu. 5Yesu ahangaku ku vone: Vana, n'wini swakuda xana? Vamuyangula, vaku: Im'hi. 6#Fananisa na Lk 5:4-7. Aku ku vone: Txukumetelani nkukutu hi tlhelo dra xinene dra byatrhu, n'witatikuma. Vahangatxukumetela, kutani vahluleka ni kuwukoka hikola ka kutala ka tinhlampfi. 7A mudondrisiwa lweyi Yesu afaka amurandra, aku ku Petrosi: Hi Hosi! Loko Simoni ayingeli leswaku I Hosi, ayambala xiyambalu xakwe xa le henhla, (hikusa afa angayambalanga ntxhumu), kutani atitxukumetela tiveni. 8Kambe a vadondrisiwa van'wana vata hi byatrhu, na vakoka nkukutu lowu afaka wutali hi tinhlampfi, hikusa afa vange kule ni nkinga; a mpfhuka wa kone afa wudjula kudringana madzana mabiri (200) ya minkono.

9Loko vahumi saveni, vata nkingeni, vavona makhala, ni nhlampfi leyi ntlhantekiwiki henhla ka wone, ni kati. 10Yesu aku ku vone: Pumbani tinhlampfi ku leti n'wahaka kuphasa swoswi, n'wibuyisa. 11Simoni Petrosi anhingena, akokela nkukutu asaveni, na wutali hi dzana ni ntlhanu wa makume na tiraru (153) ya tinhlampfi leti tikulu. Kambe, nambi leswi afaka titali ngopfu, a nkukutu awuhandrukanga. 12Yesu aku ku vone: Buyani n'watafihlula. Kambe akavanga na mun'we lweyi angatiya kumuvutisa leswaku: Umani? Hikusa afa vaswitivile leswaku I Hosi. 13Kutani Yesu ayateka kati avanyika; ayentxisa xiswoleswo ni hi nhlampfi. 14#Lavisa 20:19-26. Ledri hi dra vuraru ledri Yesu angativonekisa ha drone ku vadondrisiwa vakwe, antrhaku ka loko apfuki kufeni.

Petrosi anyikiwa ntiro wa vubyisi

15Kuti loko vafihlulile, Yesu aku ku Simoni Petrosi: Simoni, n'wana Yohana#21:15-17 Kuni matralwa lawa maliki Simoni n'wana Yona., xana wanirandra kutlula lava xana? Aku ku yene: Kunene Hosi! Waswitiva leswaku nakurandra, Yesu aku ku yene: Byisa swihambana swanga. 16Atlhela aku ku yene dra vubiri: Simoni, n'wana Yohana, xana wanirandra xana? Aku ku yene: Kunene Hosi! Waswitiva leswaku na kurandra. Yesu aku ku yene: Byisa tihamba tanga. 17#Fananisa ni Mnt 20:28; I Ptr 5:2. Atlhela aku ku yene dra vuraru: Simoni, n'wana Yohana, xana wanirandra xana? Petrosi avaviseka hi mhaka ya leswi amuvutisiki dra vuraru aku: Xana wanirandra xana? Kutani aku ku yene: Hosi, utiva hinkwaswu, waswitiva leswaku nakurandra. Yesu aku ku yene: Byisa tihamba tanga. 18Nihlayelamfuri nili ku wene: Loko wehe mumpswha, afa utitrimba bandi ha swaku, utifambela lomu ukurandraka. Kambe loko utava uduhwalile, utanalavuta mavoko yaku, kutani mun'wana atakutrimba akufambisa lomu ungakurandrikiki. 19Ahlaya leswo ku Petrosi akukombisa mafela lawa atakatwalisa Xikwembu Nkulukumba ha wone. Loko Yesu ahlayi leswo, aku ku yene: Nilandre!

20 # Lavisa 13:25. Petrosi kambe andruluka, kutani avona mudondrisiwa lweyi afaka arandriwa hi Yesu na ali kari avalandra. Hi lweyi afaka atiseketeli axifuveni xa Yesu, loko vali xilalelweni, lweyi angaku: Hosi, hi mani lweyi akuwongaka? 21Loko Petrosi a muvonile, aku ku Yesu: Hosi, kutavana yini ku lweyi xana? 22Yesu aku ku yene: Loko nirandra leswaku atrhama niko nibuya, swingava yini ku wene xana? Wene nilandre! 23A ritu drahangahuma a makari ka vamakwavu leswaku a mudondrisiwa lweyo angatifa. Kasi Yesu afa angamubyelanga leswaku angatifa; kambe afa ati: Loko nirandra leswaku atrhama niko nibuya, swingava yini ku wene xana?

24Hi yene mudondrisiwa lweyo, lweyi ahambaka vumboni bya leswi aswitraliki; kutani haswitiva leswaku a vumboni byake byitiyile.

25 # Fananisa na 20:30. Kambe swikone swin'vana, swakutala, leswi Yesu angaswitira, ni loko afa switraliwa ha xin'we-xin'we, anidumbi leswaku a misava mingaheta mabuku lawa mangatraliwaka.

Currently Selected:

Yhn 21: NTX2007

Highlight

Copy