Yhn 19

1Kutani Pilato ateka Yesu amubisa hi swisepu. 2Kutani a masotxha maluka hari ya mitwa, mayibehela anhlokweni yake, mamuyambexa ni xiyambalu xa libungu. 3Matrhindrekela ku yene maku: Xawani, Hosi ya va-Yuda! Afa mamuba tinhama hi timpama.

4Pilato atlhela ahuma, aku ku va-Yuda: Vonani, nimuhumexa handle mahlweni kwenu, n'witativa leswaku anikumi nandru ku yene. 5Yesu ahuma na ayambali hari ya mitwa anhlokweni, ni xiyambalu xa libungu. Kutani Pilato aku ku vone: Hi lweyi, mhunu! 6Loko vaprista lava vakulu ni malandra vamuvona, vabandlukana, vaku: Muvambe! Muvambe! Pilato aku ku vone: Mutekani n'wine ha vuswenu, n'wiya muvamba; hikusa mine anikumi nandru ku yene. 7A va-Yuda vamuyangula, vaku: Hine hini nawu, kutani hi nawu lowo afanela kufa, hikusa atiyentxi N'wana wa Xikwembu Nkulukumba. 8Loko Pilato ayingeli leswo, atxhava ngopfu. 9Atlhela anhingena ndlwini ya vufumi, aku ku Yesu: Upfa kwini? Kambe Yesu angamuyangulanga ntxhumu. 10Pilato aku ku yene: Xana awunibyeli ntxhumu? Xana awuswitivi leswaku nini ntamu wa kukuntrhunxa, ni ntamu wa kukuvamba xana? 11Yesu ayangula, aku: Afa ungativana ntamu ahenhla kwanga, loko afa unganyikiwanga wupfa Tilweni. Hikolahu, lweyi anganinyiketa ku wene, ani nandru lowu wuhundrisaka. 12Hikola ka swone, Pilato afa adjula ndlela ya kumuntrhunxa ha yone. Kambe a va-Yuda vabandlukana, vaku: Loko untrhunxa mhunu lweyi, awu nakulobye wa Khezari. Mun'wana-ni-mun'wana lweyi atiyentxaka mufumi, alwa na Khezari.

13Loko Pilato ayingela maritu lawa, ahumexa Yesu a handle, ayatrhama#19:13 Man'wana matralwa mani leswaku: Aya mutrhamisisa: swikongoma Yesu. xitrhan'wini xa kuyavanyisa, ambangwini lowu valiki i ribye, hi Xiheberu i Gabata#19:13 Gabata: ritu dra Xiaramu, ledri drikombisaka mbangu wa kutlakukanyana. 14Afa dri siku dra kutibekisela Paska, a nkama afa wudjula kuva wa ntlhanu na mun'we#19:14 A nkama wa ntlhanu na mun'we hi xi-Yuda wufana ni nkama wa dina (12h00) amahlayeleni yeru. Hi nkama lowo afa vasungula kudlaya, a Tempeleni, a tihamba leti afaka tibekiseliwi kuda ha tone a nkuvu wa Paska. Pilato ahangaku ku va-Yuda: Vonani, a Hosi yenu hi leyi! 15Vone kambe vabandlukana, vaku: Mususe! Mususe! Muvambe! Pilato aku ku vone: Xana nita vamba Hosi yenu? A vaprista lava vakulu vayangula, vaku: Ahina Hosi loko ange Khezari ntsena. 16Kutani Pilato avanyiketa Yesu, akuva avambiwa. Kutani vone vateka Yesu

Kuvambiwa ka Yesu

(Mt 27:32-44; Mrk 15:21-32; Lk 23:26-43)

17Kutani Yesu ahuma na abyatrhi xihambanu xakwe, aya mbangwini lowu afaka vaku i Pala hi Xiheberu Golgota. 18Vamuvamba kolahu, na ali ni van'wana vabiri, a mun'we hi tlhelo drin'we, a mun'wana hi tlhelo drin'wana, kutani Yesu ava makari.

19Pilato afa atrali ni papela, adrinameka henhla ka xihambanu. Leswi afaka switraliwile hi leswi: YESU WA NAZARETE HOSI YA VA-YUDA. 20A va-Yuda lava vakutala vahlaya papela ledro, hikusa a mbangu lowu Yesu angavambiwa ku wone, afa wu kusuhi ni muti; na swone, apapela afa dritraliwi hi Xiheberu, ni Xi-Roma ni Xigirika. 21Hileswo-ke a vaprista lava vakulu vaku ku Pilato: Ungatrali leswaku: Hosi ya va-Yuda, kambe trala uku: Hi yene lweyi atiki: Ni Hosi ya va-Yuda. 22Pilato ayangula, aku: Leswi niswitraliki, niswitralile!

23Loko masotxha mavambi Yesu, mateka swiyambalo swake maswiyentxa mune wa swiyenge, mayavelana ha swone; mateka ni nkhantxu lowu afaka wungena ntrhungu, afa wulukiwi kusukela ahenhla kuya tlhasa ahansi. 24Kutani vabyelana, vaku: Hingawuhandruleni, kambe ahiwuyentxeleni mpswhampswha, hitativa leswaku wutava wa mani. Hileswaku Tralwa drihetiseka, ledri dringaku:

Vayavelani swiyambalo swanga

vayentxi mpswhampswha hi nkhantxu wanga.

Hi swoleswi a masotxha mangayentxa swone. 25Kambe, kusuhi ni xihambanu xa Yesu afa kuyimi mamana wakwe ni makwavu wa mamana wakwe, anga Maria nkata Klopasi, na Maria wa Magadala. 26Yesu-ke loko avona mamana wakwe ni mudondrisiwa lweyi amurandraka ayimi kusuhi na yene, aku ku mamana wakwe: Wansati, vona a n'wanaku hi lweyi! 27Kutani aku ku mudondrisiwa: Vona, a mamana waku hi lweyi! Kusukela nkama wolowo, a mudondrisiwa lweyo amuyamukela, amururela kaya kwake.

Kufa ka Yesu

(Mt 27:45-56; Mrk 15:33-41; Lk 23:44-49)

28 # Lavisa Mps 69:21; Fanisa ni Mps 22:15-16. Yesu, hi kutiva leswaku hinkwaswu swihetisekile, ahlaya, akuva tralwa drihetiseka, aku: Nini tora. 29#Fanisa ni Mps 69:21. Afa kuni xibya xa kutala hi nhlowa. Vone vapeta xiponji xitala hi nhlowa, vaxitlhoma lihlangeni, vaxiyisa anon'wini wakwe. 30Loko Yesu anwi nhlowa lowo, aku: Swihetisekile. Kutani adjovota nhloko, anyiketa moya.

31A va-Yuda hi kutxhava leswaku a miri mingahlwela xihambanwini hi siku dra Savata (kasi a siku ledro afa dri siku dra kutibekisa, hikusa a siku dra Savata afa dri siku ledri drikulu) vakombela ku Pilato akuva a minenge#19:31 Mayelanu ni kukombisa ka minkama ka Yohana, a Paska dra lembe ledro afa drihantlana ni Savata. Hi leswi swiyentxiki akuva vavani xihantla xa kudlaya lava afaka va vambiwile. yavu mitrhoviwa, vatasusiwa. 32Hi loko-ke a masotxha mata, matrhova minenge ya lweyi wa kusungula wa lava afaka va vambiwi na Yesu, ni ya lweyi mun'wana. 33Kutani loko mata ku Yesu, mavona leswaku afi khale, n'wingatrhovi minenge yake. 34Nambi swilitanu, mun'wana wa musotxha amutlhava reve hi tlhari, kolahu kuhuma ngati ni mati.

35Lebyi i vumboni bya lweyi aswivoniki; byibekeliwaka leswaku na n'wine n'witakupfumela. A vumboni byake byitiyile, na yene awaswitiva leswaku ahlayelamfuri. 36#Lavisa Khm 12:46; Tnh 9:12; Mps 34:20. Hikusa swihumeleli akuva Tralwa drihetiseka, ledri dringaku: A rambu drakwe ni drin'we dringatrhoviwi. 37Nangweso adrin'wana Tralwa drili: Vatahlalela lweyi vamutlhaviki.

Kulahliwa ka Yesu

(Mt 27:57-61; Mrk 15:42-47; Lk 23:50-56)

38 # Lavisa Mt 27:57. Antrhaku ka leswo, Yosefa wa Arimateya, anga mudondrisiwa wa Yesu, kambe afaka atifihla hi kutxhava va-Yuda, aya kombela ku Pilato leswaku angasusa a ntrumbu wa Yesu. Pilato amupfumelela. Ahangafamba aya susa ntrumbu wa Yesu. 39Kambe na yene Nikodema (lweyi afaka ayi ku Yesu ni vusiku), ata na arwali miri ya mira ni mhangana leyi mipatranyetiwiki#19:39 Mira ni mhangana: miri ya kunun'hwela leyi mipfaka ku minsinya; amitxheliwa ku makapulana lawa afaka matrimbelela a mufi., leyi midjulaka kutlhasa ku dzana dra mimpimu. 40Kutani vateka ntrumbu wa Yesu, vawutrondriyela hi makapulana kun'we ni miri leya kunun'hwela, hi xihena lexi va-Yuda valahlaka vafi ha xone. 41Afa kuni nsimu ku mbangu lowo angavambiwa ku wone, kolahu nsin'wini afa kuni xira ledri drimpswha, (a xira ledri afaka yili mhakwa), afaka kungasilahliwa mhunu ku drone. 42Hi laha vangabeka Yesu, hikusa afa dri siku dra kutibekisela Savata, na kone a xira afa dri kusuhi.

Currently Selected:

Yhn 19: NTX2007

Highlight

Copy