Yhn 11

Kupfuka ka Lazaro akufeni.

1Afa kuni mhunu lweyi afaka avabya, anga Lazaro wa Betaniya, amutini wa Maria na Marta vamakwavu#11:1 Lavisa 10:38-39. Lazaro i matralela ya kugomisa ya ritu dra ku Eliazari (drihlayaka leswaku: Xikwembu Nkulukumba awapfuna, loku dritlhamuxeliwa). Betaniya, lavisa Mrk 11:1. 2#Lavisa 12:3. Maria, hi lweyi angasama atota Hosi hi mafura lawa ya kunun'hwela, ava amusula minenge hi misisi yake. 3A vamakwavu lavo va vavasati, varumela ritu ku Yesu, vaku ku yene: Hosi, lweyi umurandraka awavabya. 4Loko Yesu ayingeli leswo, aku: A vuvabyi lebyi abyiyisi kufeni, kambe byihumeleli akukomba kutwala ka Xikwembu Nkulukumba, ni leswaku N'wana wa Xikwembu Nkulukumba atwalisiwa ha byone.

5Yesu afa arandra Marta, ni makwavu Maria na Lazaro. 6Loko ayingeli leswaku Lazaro awavabya, atrhama masiku mabiri kola afaka ali kone. 7Kutani antrhaku ka swone aku ku vadondrisiwa wakwe: Ahiyeni a Yudeya. 8A vadondrisiwa vaku ku yene: Mudondrisi, ahi khale, a va-Yuda vadjuliki kukukhandla hi maribye. Xana wahadjula kutlhela uya kone? 9Yesu ayangula, aku: Xana a siku adrina minkama ya khume na mibiri xana? Loko mhunu afamba ni nhlikanhi, angakhunguvanyeki ha ntxhumu, hikusa avona kuvaninga. 10Kambe, loko mhunu afamba ni vusiku, awakhunguvanyisiwa, hikusa akuvaninga akukone ku yene.

11Loko ahlayi swoleswo, ayengeta aku ku vone: Lazaro a murandriwa weru, eyetlela, kambe nitaya niyamupfuxa. 12A vadondrisiwa vaku ku yene: Hosi, loko ayetlelile, atahanya. 13Yesu afa akhanela hi kufa ka Lazaro, kasi vone afa vayanakanya leswaku akhanela hi kuyetlela vurongo byinene. 14Kutani Yesu avabyela livaleni, aku: Lazaro afile. 15Kutani, nitrhavile hinkonta yenu, leswi afaka ningekone, leswaku n'witapfumela; kambe ahiyeni ku yene! 16Tomasi lweyi ahlayiwaka Didimosi, aku kuvadondrisiwa kulobye: Ahi fambeni na hine, leswaku hiyafa ni Mudondrisi weru.

Yesu i kupfuka ni vutomi

17Kuti loko Yesu atlhasa Betaniya, akuma leswaku Lazaro afa ena mune wa masiku na alahliwile. 18A muti wa Betaniya afa wu kusuhi na Yerusalema; afa swidjula kudringana mimpfhuka ya makilometro mararu (3 Km). 19A va-Yuda lavanyingi afa vati ku Marta na Maria akutata vatxhavelela hikola ka kufa ka makwavu.

20Loko Marta ayingela leswaku Yesu awata, ayi mutlhangaveta. Maria yene afa atrhami ndlwini. 21Kutani Marta aku ku Yesu: Hosi, loko afa uvi kone, ana makweru angafanga. 22Kambe naswitiva ni swoswi leswaku hinkwaswu leswi ungaswikombelaka ku Xikwembu Nkulukumba, Yene atakunyika. 23Yesu aku ku yene: A makwenu atatlhela apfuka. 24#Lavisa Dn 12:2. Marta aku ku yene: Naswitiva leswaku atapfuka hi siku dra vugamu, akupfukeni ka vafi. 25Yesu aku ku yene: Hi mine kupfuka kufeni ni vutomi. Lweyi apfumelaka ku mine, nambi angafa, atahanya. 26Kutani mun'wana-ni-mun'wana lweyi ahanyaka, ava apfumela ku mine, angaka angafi hi la kungahelikiki. Xana waswipfumela leswo xana? 27Aku ku yene: Im'na Hosi. Napfumela leswaku hi wene Mesiya, N'wana wa Xikwembu Nkulukumba, lweyi afaka afanela kuta amisaveni.

Yesu adrila hikola ka Lazaro

28Loko Marta ahlayi leswo, afamba aya vitana Maria makwavu, hi xihundla, aku: A Mudondrisi akola, awakuvitana. 29Loko Maria ayingeli leswo asekeleka, aya ku Yesu. 30Yesu afa angasangana nhingena mutini, kambe afa ahali kola Marta angamutlhangaveta kone. 31A va-Yuda lava afaka vahali ndlwini na Maria vali kari vamutxhavelela, loko vamuvona asekeleka ahuma hi kuhangwesa, vamulandra hi kuyanakanya leswaku aya xireni akuya drila kone. 32Loko Maria atlhasa laha Yesu afaka ali kone ni loko amuvona, akhinsama minengeni yake, aku ku yene: Hosi, loko afa uvi kone, ana makweru anga fanga. 33Loko Yesu amuvona na ali kari a ba nkosi adrila, ni loko avona va-Yuda lava vamuheketaka, na vone vaba nkosi vadrila, atlhaveka moyeni ni kutwa kuvaviseka kukulu. 34Kutani aku: N'wimulahli kwini xana? Vaku ku yene: Hosi, tana utatakuvona. 35Yesu adrila. 36Kutani ava-Yuda vaku: Lavisani leswi afaka amurandrisa xiswone! 37#Lavisa 9:6. A van'wana ku vone van'unun'uta vaku: Yene lweyi angapfula mahlu ya lava va kufa mahlu, hayini angakotanga kuyentxa leswaku a mhunu lweyi angafi xana?

Yesu apfuxa Lazaro kufeni

38Yesu atlhela atlhaveka moyeni, atrhindrekela kusuhi ni xira. A xira afa yi mhakwa, kambe a mhakwa leyo afa yi pfaliwi hi ribye. 39Yesu aku: Susani ribye! Marta makwa mufi aku ku yene: Hosi, kutani awanun'hwa, hikusa ledri i siku dra vumune na afile. 40Yesu aku ku yene: Xana anikubyelanga leswaku loko upfumela, utavona kutwala ka Xikwembu Nkulukumba xana? 41Kolahu vahanga susa ribye, kutani Yesu atlakuxa mahlu yake, aku: Tatana, nakukhensa, hikusa uniyingelile. 42Mine niswitivile leswaku hinkwawu masiku waniyingela. Kambe nihlayi leswo hikola ka xitrhungu lexi xiyimiki kola, akuva xitapfumela leswaku hi wene unirumiki. 43Kuti loko ahlayi swoleswo, ahuwelela hi ritu ledri drikulu, aku: Lazaro, humela handle! 44#Fananisa na 20:6-7. Kutani a mufi ahuma, na atrondriyeliwi minenge ni mavoko hi makapulana, a vuso byake afa byifukumetiwi hi nturu. Yesu aku ku vone: Muntrhunxani akuva akota kufamba.

Makungu ya kudlaya Yesu

(Mt 26:1-5; Mrk 14:1-2; Lk 22:1-2)

45Lava vanyingi amakari ka va-Yuda lava afaka vati ku Maria, loko vavona leswi Yesu aswiyentxiki, vapfumela ku yene. 46Kambe van'wana ku vone vaya ku vafarisi, vaya vabyela leswi Yesu aswiyentxiki. 47Kutani varangeli va vaprista ni vafarisi varamba huvu, vaku: Hitayentxa yini xana, leswi a mhunu lweyi atiraka mahlolana lawa ya kutala? 48Loko hi mutrikisa xiswoleswi, hinkwavu vatapfumela ku yene, kutani va-Roma vatatahohlota a mbangu lowu ni tiko dreru. 49A mun'wana wavu, Kayafasi, lweyi afaka ali muprista lwenkulu wa lembe ledro, aku ku vone: N'wine an'witivi ntxhumu. 50Xana an'wipimisi leswaku n'wingapfuneka loko mhunu mun'we afela tiko, kutlula loko a tiko hinkwadru drisuva xana? 51Kambe Kayafasi angahlayanga leswo ha vuswake; kambe, hi leswi afaka ali muprista lwenkulu wa lembe droledro, eprofeta#11:51 Hi mayanakanyela ya vukhongoti bya xi-Yuda ya nkama lowo, a muprista lwenkulu afa ani nyiko ya vuprofeta. leswaku Yesu atafanela kufela tiko dra va-Yuda. 52Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

53Kutani kusukela siku ledro, va-Yuda vatrimbi makungu ya kudlaya Yesu. 54Hikolahu Yesu afa angahafamba-fambi livaleni makari ka va-Yuda. Kambe asuka kolahu, aya tikweni ledri dringa kusuhi ni mananga, amutini lowu valiki i Efrayimi, aya trhama kone kun'we ni vadondrisiwa vakwe.

55Afa nkhuvu wa Paska dra va-Yuda wu kusuhi; kutani lava vanyingi vapfa tikweni hinkwadru vantlhantukela Yerusalema vaya tibasisa na Paska dringasangana tlhasa. 56Afa vadjula Yesu, vavutisana na vali Ndlwini ya Hosi, vaku: Xana n'wiyanakanya yini? Angaka angati nkhubyini xana? 57Kambe a vaprista lava vakulu ni vafarisi afa valeleti leswaku, loko mhunu ativa laha Yesu angakone, a avativise, leswaku vatakota kumukhoma.

Currently Selected:

Yhn 11: NTX2007

Highlight

Copy