MATAYO 24

Yeso yamolomkigira Lidivizwa lie Litembeli

(Mar. 13:1-2; Luk. 21:5-6)

1Yeso yatura mu Litembeli, kandi lwa yaali nazizaa, aviigi veve vaza kuye, mvamumanyia zinyumba zie Litembeli. 2Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Ikivi ni lidambizwa

(Mar. 13:3-13; Luk. 21:7-19)

3Lwa Yeso yaali niyikaye mu Kiguru cha Mizeituni, aviigi veve vaza kuye machiriri nivamuteeva, “Kovolere, ivindu yivi vilakakoleke ing'inga ki? Ni kelolekizu ki ikilimanyia iliiza liilio, kandi ekeheri chi lirova?”

4Yeso yavativulira, “Mugerihi! Mutaleka umundu woosi kali mulala amugaade. 5Kigira avanyingi valaza ni vatumikira ilieta liange ni vavoola, ‘Inzi niyie Mesia!’ Navo valagotiza avandu vanyingi. 6Mulahulira amahi nulusuma lwa amahi, navuzwa mutahenda mioyo mba kigira ivindu yivi vilaza, navuzwa ekeheri chene kikiri kuduuka. 7Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale. 8Ivindu yivi viosi viveeye vuzwa kuli litanga lie lilumwa lia uyu oveeye ni inda.

9“Maku ing'inga yeyo mulakagumirwi, mudambizwi kandi mwitwi. Zihiiri ziosi zilakamusuli kigira ilieta liange. 10Vandu avanyingi valikigitara no koleka ilisuuvira liavo. Valazamana aveene naveene nu kuduunyirana 11Avaporofeti vovovehi avanyingi valaza na valagotiza avandu vanyingi. 12Kigira vuchamu vulamedeka, kandi uvuyanzi vwa vanyingi vulageha. 13Navuzwa uyu ulakikuziri kuduuka ku keheri, alahonywa. 14Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Vusaliri vonene

(Mat. 13:14-23; Luk. 21:20-24)

15“ Lwa mulilora “Kindu kidamanu ligali keleetaa lidiviza” lia mu muporofeti Danieli yavoola nasingiyi Havundu Hatakatifu, hene yaho osomanga amanye. 16Avandu vaveeye mu Vuyuda virukiri mu vigulu. 17Oyo oveeye ku kcsegese chi inyumba atiika kandi kuvugura ikindu munyumba yeeye kandi mba. 18Na uyu oveeye mu mulimi atiirana yengo kuvugura inguvu yeeye mba. 19O, kilaamo keveeye ku yavo avaveeye ni inda, kandi ku yavo avanyunyia mu madiku yago! 20Musaale Nyasaye ndi iliiruka lienyu litakave ing'inga yu vukindu, anoho ku ilidiku lie Lisabato! 21Kigira ing'inga yene yeyo ikivi kenene kilakaveho likikiri kololeka ku kutura litanga lie lirova kuduuka lero. Silakaveho ing'inga yindi kandi mba. 22Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

23“Maku niiva umundu namuvolera, ‘Henza, Mesia nguyu aveeye hano!’ Anoho, ‘Nguyio aveeye hala!’ Mutamusuuvira mba. 24Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika. 25Henza! Inzi mali kumuvolera ing'inga nikikiri kuduuka.

26“Anoho nivamuvoolera, ‘Heenzi, aveeye mwigendanyama!’ Mutazia yo mba. Anoho, ‘Eleenzi, yiivisi munyumba ivuliri!’ Mutasuuvira mba, 27kigira kuli oloheni long'ereng'anaa kutura ivugwi kuduuka imadioli, kandi ni ndio iliiza liu Umwana wa Adamu lilakave.

28“Havundu hi miviri mikuzu jiveeye niho ahi zindizu zievungizaa.

Iliiza liu Umwana wa Adamu

(Mar. 13:24-27; Luk. 21:25-28)

29“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi. 30Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene. 31Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Amigizu kigira musaala gwu mukuyu

(Mar. 13:28-31; Luk. 21:29-33)

32“Kalunu mwigi lugano yilu kutura ku mukuyu. Hene yaho lwu ulusia lwagwo lutanga kugwa lodoto ni lusivuka amatu, mumanya ndi ing'inga yi kivasu eveeye ahimbi. 33Ni ndio kandi, ing'inga ya muloraa vindu yivi viosi ni viekoleka, mumanye Umwana wa Adamu aveeye ahimbi ligali. 34Agiligali muvooleraa, likula yili si lilavita ivindu yivi viosi ni vikikiri kokolwa mba. 35Ligulu ni lirova vilavita, navuzwa amakuva gange sigalivita mba.”

Sihaveeyeho nu umanyi ing'inga

(Mar. 13:32-37; Luk. 17:26-30,34-36)

36“Navuzwa lidiku yilio ni ing'inga yeyo sihaveeyeho nu mundu umanyi kali zingelosi vu mwigulu, kali Umwana, navuzwa Baba yenyine. 37Kuli gaali mu madiku ga Nuhu kandi liduka liu Umwana wa Adamu lilava kandi kuli ndio. 38Kigira kuli gaali mu madiku yago, amazi manene nigakiri kuuza, avandu valia kandi ni vanwa, avasaza na vakali vaahilana kuduuka lidiku lia Nuhu yingira mu liato; 39kali sivamanya ichaali ni chekoleka mba, kuduuka lwa amazi gaaza ni gavahila vosi. Galakave ndio kandi ku lidiku liu Umwana wa Adamu alakaaze. 40Ing'inga yeyo, avandu vaviri valakave nivayinziraa mu mulimi; mulala alakavugulwi, nu wundi alakatigale. 41Avakali vaviri valakave ni vasiezaa ku lugina; mulala alakavugulwi na wundi alakatigale.

42“Kigira yaga, lindi, kigira si mumanyi lidiku liu Mwami winyu aliiza mba. 43Navuzwa mwizurizi likuva yili Mwene inyumba alava niyamanya ing'inga yu mwivi yaazaa, ngano yakalindi, kandi siyakaleki inyumba yeeye ivunagwe mba. 44Kunangwa, munyi mwetegeke kandi kazozo, kigira Umwana wa Adamu alakaze ing'inga ya mutaganagana.”

Mutumikiri musuuvirifu nutali musuuvirifu

(Luk. 12:41-48)

45Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa? 46Aveeye nuvugasu mutumikiri wu Mwami weve aliiza ma alamunyoole nakora ndio! 47Agiligali muvooleraa, alaviika mutumikiri oyo asingiliri ivindu vivie viosi. 48Navuzwa naava mutumikiri mudamanu, alevoolera umwene mu mwoyo gwigwe, ‘Mwami wange akizia,’ 49ma atange kukuya avatumikiri vache, kandi kulia nu kunwa harara na vahambiki, 50mwami weve alakaze ku lidiku lia oyo ataganagana kandi ing'inga ya atamanyi. 51Alakamuhe amageri kandi alakamusiuvi ichova ma amuviiki mu kidieli kilala harara na vagadi. Halava ni lilira kandi lidiedieyiza amiinu.

Luganolwa avakaana avagimalikomi

Currently Selected:

MATAYO 24: LOGOOLI

Highlight

Copy