Litanga 40

1Kunangwa inyima wevindu yivi, munwehidzi womwami wa Egepeti kandi mudeki wewe va hyola ku mwami wavo mwami wa Egepeti. 2Na Farao ya vihirirwa na vanyampara veve vaviri, ku munene wa avanwehidzi, noku munene wa avadeki. 3Na ya va vika kulindwa mu inyumba yonunena wa valindi mu inyumba yavahambe, ha Yosefa ya bofwa. 4Na munene wavalindi ya va vika ku Yosefa, naye ya va linda: navo va menya mu buhambe inyinga i duki. 5Navo vombi va lota maloto, sa mulala liloto lilye, mbudiku bulala, sa mulala kuli livuula lyeliloto lilye, munwehidzi nomudeki womwami wa Egepeti, ava bofwa mu inyumba yavahambe. 6Na Yosefa yingira mugamba ha va li, na a lola, henza, va vereranga. 7Naye ya teva avanyampara va Farao ava li mu lilindwa mu inyumba ya munene wewe, na a vola, Kigira ki mu vereranga lero? 8Navo va mu volera Ku loti maloto, na si ha veye nomundu u nyala kukuvuulira. Na Yosefa ya va volera, ligirunkanya si li veye lya Nyasaye? Mwadza, mu mbolere.

9Na munwehidzi munene ya volera Yosefa liloto lilye, na a mu volera Mu liloto lyange, henza, muzabibu gwa li imbiri wange; 10na mu muzabibu zana tsya li mu tsisiya tsivaka: nagwo gwa li kuli gu sibukanga, na vimuli vyagwo vya lang'ama; na buvya bwama mazabibu amengu: 11na kikombe kya Farao kya li mu mukono gwange, na nda vugula mazabibu, nokukamira mu kikombe kya Farao, nokuha Farao kikombe mu mukono gwigwe. 12Na Yosefa ya mu volera, Livuula lyalyo ni yili: tsisya tsivaka tsi veye madiku gavaka; 13na inyima wa madiku gavaka Farao a la ginga mutwe gugwo nokwiranya ive ha bugono bubwo: na ive u la haana kikombe kya Farao mu mukono gwigwe, kuli matsyambiri lwa ive wa li munwehidzi wewe. 14Navutswa u nzidzulitse, lwa u konywa bulahi, nku goonya, u mbere tsimbabasi, u ntale imbiri wa Farao nokuntwulidza mu inyumba yiyi 15kigira ligali ndibwa, nokutwulidzwa mu kivala kya Vahebraina: na hano kandi si nda kola kindu kali kilala kya va nyala kumbikira mu inyumba ya hasi.

16Kandi mudeki munene lwa ya lola livuula zana li veye lilahi, ya volera Yosefa, Inze kandi nda li mu liloto lyange, na henza, tsideru tsivaka tsyemikati milavu tsya li ku mutwe gwange: 17na ku luderu lwegulu ha li netsing'ano tsyosi tsya videkeywi vya Farao; na manyonyi ga lia videkeywi zana ku luderu lwa li ku mutwe gwange. 18Na Yosefa ya mu tivulira, na a vola, Livuula lyago ni yili: tsideru tsi veye madiku gavaka; 19na inyima wa madiku gavaka Farao a la ginga mutwe gugwo gu twule ku ive, nokukusunga ku musala; na manyonyi ga la lia inyama yombiri gugwo. 20Kunangwa lidiku lyakavaka, lya li lelivulwa lya Farao, na a dekera avatumekiri veve vosi: naye ya ginga mutwe gwomunene wa vanwehidzi na gwomunene wa vadeki hagati ha avatumekiri veve. 21Na yiranya munene wa vanwehidzi ku bugono bwibwe; naye ya haana kikombe mu mukono gwa Farao: navutswa munene wa vadeki ya mu sunga: kuli wa Yosefa ya va vuulira. 22Navutswa munene wa avanwehidzi ya vula kwidzulitsa Yosefa, navutswa ya mwivirira.

Currently Selected:

Litanga 40: MBE

Highlight

Copy