Vikolwa 6

1Mu madiku yaga lwa vegidzwi va dasika, Avayuda va vola Lugreki va monya Vahebraina kigira avakunzakali vavo si va lindwa ku butumiki bwavo bwa kazozo. 2Ava li likumi na vaviri va langa kiduma kya vegidzwi, ni va vola Si bu li bulahi kwinye ku leke likuva lya Nyasaye ku tumekire mu miima gyetsimeza. 3Avamitu, henzi avandu vatanu na vaviri ku mwinye va mu manya va veye valahi, avizula Roho nobugeeri, ava ku nyala kuvika mu muyinzi yigu. 4Navutswa kwinye ku la hongera mu lisaala nomu butumekiri bwelikuva. 5Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia; 6ni va va vika imbiri wa vatumwa, navo lwa va mala kusaala Nyasaye va vika mikono gyavo kuvo.

7Likuva lya Nyasaye lya landa; navegidzwi va dasika ligali mu Yerusalemi; nekiduma kinene kyavasalisi kya londa lisuuvira yili.

8Stefano ya li ni yizula netsimbabasi netsingulu, ya kola vyokugenya nevilolekidzu vinene mu vandu. 9Navutswa avalala velivugana lya Valiberitino, na Vama kurene, na Vaisikanderi, navo va twula Kilikia na Asia, va twula ni va hangalidzana na Stefano. 10Navutswa si va nyala kuguuta ubugeeri na Roho wa a vola naye. 11Ku, va leta avandu galaha ava vola, Kwa li ku hulira uyu na a vola amakuva gokunyega Musa na Nyasaye. 12Ni va gema avandu, na vakulundu, navang'odi, ni va mu nyola ni va mu gumira, ni va mu hila imbiri wekyina. 13Kandi va singeridza avaloli vobubehi ava vola, Mundu uyu si a leka kuvola linyega ku hatakatifu hano, noku lilaga: 14kigira kwa li ku mu hulira na a vola, Yesu uyu wa Nazareti a lononnya hano, kandi a la girunkannya miima gya Musa ya ku ha. 15Navo vosi vikala mu kyina va mwumika, ni va mu lola mmoni mwimwe mu fwanana mmoni mwengelosi.

Currently Selected:

Vikolwa 6: MBE

Highlight

Copy