LUKA AKARANJIL'LA
AKARANJIL'LA
Esitapu sia Mang'ana Amalahi singa siahandikwa nende Luka sikhubool'langa mbu Yesu nomuhonia wa Isiraeli owali okhusubisibwa khubandu bosi. Khandi sikhubool'langa mbu Yesu yalangwa no Mwoyo wo Mwami okhukamba Amang'ana Amalahi khubatakha. Amang'ana Amalahi kene yaka kalimwo nende okhuhendel'la abandu abali neminyakhano chie tsimbila tsiosi. Esichelo siobusangali nesieikulu musitapu sia Luka, okhusila muno mumiliango echiokhuranga aha om'malaika alandinjia okhwibulwa khwa Yesu Kristo, khandi nende mukhumal'likha khwesitapu olwa Yesu yanichila natsia mwikulu. Amang'ana akokhukhula nende okhulanda khwobusubili Bwesikristo inyumawo khupulukha khwa Yesu, kaboolwa nende Omuhandichi mutelwa uyo musitapu sie Bikholwa bia Barumwa.
Amang'ana kolwembo olwa abamalaika nokhucheniha khwabayi khwitukhu eliokhwibulwa khwa Yesu, khandi obwa Yesu yatsia mu Hekalu singa omusiani omubuukha, nende tsingano etsia Omusamaria Omulahi, nende olukano olwomusiani owakora, kanyoolekhanga musitapu sia Luka sionyene. Esitapu sia Luka sitinyilisianga amang'ana kobusaayi, Omwoyo Omutsienukhu, oburumikhi bwabakhasi mumilimo chia Yesu, nende okhulekhelwa khwetsimbi na Nyasaye.
Akalimwo
Akaranjil'la 1:1-4
Okhwibulwa nende obwana bwa Yohana Omubaputisi nende obwa Yesu Kristo 1:5—2:52
Obutiyi bwa Yohana Omubaputisi 3:1-20
Okhubaputiswa nende okhutemwa khwa Yesu 3:21—4:13
Obutiyi bwa Yesu khumikanda mu Galilaya 4:14—9:50
Okhurula Galilaya okhwola Yerusalemu 9:51—19:27
Lihonga liokhumal'likha mu Yerusalemu nende mutsimbeka tsindi etsili ahembi n'nalio 19:28—23:56
Okhusimukukha, okhulolekha nende okhupulukha khwo Mwami okhutsia mwikulu 24:1-53
Currently Selected:
LUKA AKARANJIL'LA: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019