LUKA 10

Yesu yaruma abechi amakhumi kane nakataru nende babili

1Inyuma we yako Omwami yela abandi amakhumi kane nakataru nende babili#10:1 Babili Amahandiko kandi kali butswa nende amakhumi kane na kataru., nabaruma sibabili sibabili, bamwekholel'le mu sielitaala nende habundu hosi aha yenya okhutsia omwene. 2Nababool'la, “Lichesa nelikhongo, nebutswa abakholi bemilimo nibatu. Kho musaaye Omwene lichesa arume abakholi bemilimo mumukunda kukwe.#Mat. 9:37-38 3Tsie, murumanga singa ebimeme biamakondi mubibwe.#Mat. 10:16 4Murakhachinga omutata kwamapesa, omutata kwomusumi, kata ebilaro; murakhamala tsinyinga mukhusiesia omundu khunjila tawe.#Mat. 10:7-14; Mk. 6:8-11; Lk. 9:3-5 5Lwosi olwa namwinjilenje munyumba, murange okhuboola, ‘Omulembe kube munyumba muno.’ 6Omundu owayanza omulembe nalimwo, ne amasiesi kenywe akomulembe kasikale khuye, nebutswa naba naralimwo tawe ne kakalukhe khwinywe. 7Mumenye munyumba yimwo, nimulia nimunywa ebia bamuhelesia sichila omukholi wemilimo akwana okhuhebwa omurungo kukwe. Murayeyeng'ane mutsinyumba tawe.#1 Kor. 9:14; 1 Tim. 5:18 8Nimutsia mwitaala ma mwinjisibwe, mulie ebia bamuhelesia. 9Muhonie abalwaye abali mwitaala yimwo ma mubool'le abandu, ‘Obwami bwa Nyasaye bwol'le khwinywe.’ 10Nebutswa nimutsia mwitaala liosi liosi ma mubule okhwinjisibwa murule mwo mutsie khutsinjila tsialio muboole,#Ebikh. 13:51 11‘Kata olukukhi olurul'le mwitaala lienywe oluhandile mutsindubar'ro tsiefwe khumubungululiiye. Nebutswa mwitsul'le mbu Obwami bwa Nyasaye bwol'le khwinywe.’ 12Mubool'langa mbu litukhu lie siina kakhabe bulahilahi khubesibala sia Sodoma okhuyomba khubomwitaala yilio.#Okhuch. 19:24-28; Mat. 11:24; 10:15

Amataala akarasubilanga mu Yesu

(Mat. 11:20-24)

13“Olitsiboolelwa Korasini! Olitsibolelwa Betsisaida! Akamangalimwa kakholwa mwibe kalaba nikakhol'lwa Turo nende Sidoni, abandu bebwene iyo khane bekhala hasi khale nibebikhile amatasi, nibebakhile likokhe okhumanyia mbu barul'le mutsimbi tsiabwe.#Isaya 23:1-18; Esek. 26:1—28:26; Yoeli 3:4-8; Amosi 1:9-10; Sak. 9:2-4 14Nebutswa litukhu liesiina kakhabe khwo bulahilahi khuba Turo nende Sidoni okhuyomba inywe. 15Nawe Kaperinaumu, wenya okhwechingula okhwola mwikulu? Wakhahangulusibwe hasi okhwola Emakombe.”#Isaya 14:13-15 16Ma nabool'la abechi baabe, “Omuhulilanga inywe yambulilanga ise, ne omusulanga inywe yasulanga ise, ne ousulanga ise asulanga ye owaruma.”#Mat. 10:40; Mk. 9:37; Lk. 9:48; Yoh. 13:20

Okhukalukha khwa abechi amakhumi kane nakataru nende babili

17Abali amakhumi kane nakataru nende babili bakalukha nibetsuye nobusangali obwinji, nibaboola, “Omwami, kata ebisieno bikhuhuliyenje olwa khubilachilenje muliira lilio.” 18Yesu nabakalusia, “Ndol'le Setani nakwitsanga singa oluheni okhurula mwikulu. 19Hulile, muheye obunyali obwokhusena tsinzokha nende amakatia, nende okhuleka obunyali bwosi obwomusuku, sibulaho esindu siosi esiakhamusalisie.#Etsisa. 91:13 20Nebutswa murasangala sichila emioyo chiesifwabwi chimuhuliyenje tawe, nikarali musangale sichila amera kenywe kahandikwa mwikulu.”

Obusangali bwa Yesu

(Mat. 11:25-27; 13:16-17)

21Esaa yene iyo Yesu yetsula nobusangali mu Mwoyo Omutsienukhu ma naboola, “Papa, Omwami wo mwikulu nende esibala! Khukhupilanga embwo sichila wabisa amang'ana yaka khubachesi nende abalwenyukhu, ne nokabisula khubahingwa. Yee, Papa nimbwo wenya kekhole.”

22Ma naboola, “Papa wanje waimbelesia ebindu biosi. Abulaho omanyile Omwana, narali Papa, khandi abulaho omanyile Papa niwina narali Omwana nende yabo abo Omwana ayanzanga okhuribul'la.”#Yoh. 3:35; 10:15

23Ma Yesu nasukhana khubechi baabe nababool'la masilisi, “Nabeikhabi abalolanga ake inywe mulolanga! 24Mubool'langa tooto mbu abaroobi abenji nende abaami bekomba balole ake inywe mulolanga yaka, ne sibalola tawe, khandi bekomba okhuhulila akamuhul'langa yaka nebutswa sibahulila tawe.”

Olukano Lwo Musamaria Omulahi

25Omwibaali wa Malako mulala yasinjila nareeba Yesu khulwo okhumuteema naboola, “Omwibaali, khole sina kho nyoole obulamu oburahwa?”#Mat. 22:35-40; Mk. 12:28-34 26Yesu namukalusia, “Akahandikwa mu Mumalako kaboolanga mbwena? Osomanga mbwena?”

27Omundu uyo nakalusia, “ ‘Oyanze Omwami Nyasayewo nomwoyo kukwo kwosi, nende obulamu bubwo bwosi, netsingufu tsitsio tsiosi, ma nokhulalila khukhwo khwosi’, khandi ‘Oyanze owasio singa obwa weyanzanga omwene.’ ”#Abal. 19:18; Okhuka. 6:5

28Yesu namubool'la, “Ukalusisie habwene. Okhole mbwo ne nomenye.”#Abal. 18:5

29Nebutswa omwibaali wa Malako uyo yenya okhwekhola omulunji, nareeba Yesu, “Owasianje niwina?” 30Yesu namukalusia, “Omundu nalebe yali naselenjeranga okhurula Yerusalemu okhutsia Yeriko. Olwa yali khunjila yakwa mubanuuli nibamunabula tsingubo, nibamukhupa tsinguma, ma nibamulekha nakobelanga. 31Ne metsukhan'na omwesaalisi mulala yaselenjera khunjila iyo, ne olwa yalola omundu uyo yebera nabir'ra elubeka. 32Khandi Omulawi naye mbwo, olwa yola ho namulola, yabir'ra elubeka. 33Nebutswa Omusamaria mulala owali nali khuluchendo lwe yola khumundu uyo, ne olwa yamulola yamubelel'la. 34Yesunda ahembi khuye, natsukha amafura nende ewaini khutsinguma tsitsie ma natsiboha, ma namuniinia khusikhili#10:34 Khusikhili Nohomba Khusululi. yiye, namuhila munyumba yabacheni, namulwachisia mwo. #2 Aketsi. 28:15 35Omukamba okwalondakhwo nahinia etsidinari tsibili, nahelesia omwene nyumba yabacheni namubool'la, ‘Omulinde ne olwa ndakhakalukhe, ndakhakhurunge siosi esioliba norumikhiye khuye okhuyomba yitsi!’ ” 36Ma Yesu nareeba, “Mubandu bataru yaba nolihena owopaalanga yali owasie khumundu owali okhukwa mubanuuli uyo?” 37Omwibaali wa Amalako nakalusia, “Owamubeelel'la.” Yesu namubool'la “Nawe tsia okhole mbwo.”

Yesu yakonya Maritsa nende Mariamu

38Olwa Yesu nende abechibe bali khuluchendo yenjila mwitaala nalebe, ne omukhasi mulala owalangwa Maritsa yamwinjisia munyumba yiye.#Yoh. 11:1 39Yali nende omukhaana wabwe owalangwa Mariamu, owali niyekhaye habilenje bia Yesu nahulilanga amebaalo kaake. 40Nebutswa Maritsa yali nafulukhananga khumilimo eminji, ma niyetsa nabool'la Yesu, “Omwami, siokananga khwo mbu omwana wefwe undekhele kholanga emilimo chiosi sienyene tawe? Mubool'le yakhonye khwo.” 41Omwami namukalusia, “Maritsa, Maritsa, ohendel'langa khandi onyakhan'nanga ebindu ebinji, 42nebutswa nesindu silala sionyene esienyekhanga. Mariamu wel'le esindu esilahi, ne sisiakhahiinibwe khuye tawe.”

Currently Selected:

LUKA 10: EBAIBO

Highlight

Copy