Salmos 9
9
Papang lani barangni yamwa yakat ayangni nuhni yamna
Coro sumalniyang kaupak, bara dawak paswi yakisdinin dini.
1Dawan,
yang ising bitik kau ayangma nuhni yamkih yawi,
dawak di yamni yamna man balna kidika bik yulkih yawi.
2Makau sak man kidika,
man yulma, alasna nuhni karak sarahkih yawi;
¡lawama bik, man ayangma usnit yak unbaukih yawi!
3Yang waihkila balna kidika, man tamat yakat kikiri;
dawak bukwi dadauwi.
4Man kuduh wihta as pāni barangni man:
man trunma yakat yalahna man, yang kau laki yamnam yulni.
5Kukulwas muihni balna yakat parasni dibilna man,
dutni yamyang balna kidika dis yamna man,
¡witingna sau akat di yayamna bitik kidika ban kaput atnin yak usta yakpamna man!
6Waihla kidika dauna,
dawi witing karak tawanni nunuhni balna bik didisna;
man lawa bahta dis yamnaman,
dawak witingna kulnin lani as bik watwas ki.
7Kaunah Dawan laih ban kaput atnin kingni ki;
witing trunni kidika ban sakki la yamnin yulni;
8sau lani yamna karang la barangni kau tawan balna bitik yakat,
la barangni kau lanina yamna karang.
9Dawan laih taihna muihni balna yak tanitna dakwi,
kulninna tikini duduwa mani, balna yakat.#Sal 37:39.
10Dawan,
muih man kau amangmalalawa balna kidika, man yak rahm kukulwi,
kat man lawa bik di ruhmta datas man, man kau ma wawalwa muihni balna yakat.
11Dawan yak unbautanauh, witing Sayan yakat king kawa kidika;
tawan balna yak isning paktanauh, witing di balna yamna kidika tanka.
12Papang#9.12 Papang: barangni yulnin kat āni minit yulwa kidika, yuldarang kat, muih iyang muihni balna yakat wah diawas laih dawas kidika. man ismang katwang kulninna bukna balna yakat
dawak witingna yulwi kakaida kidika bik damatkahwinih;
angdika muihni balna dutni yayamwa balna yak, panis diatah.
13Dawan, yang kau mikun palni yatalah,
talah amput kulnik bukwi yang kau dutni yatatalwa kidika yulni,
¡daunin dūrni kaupak yayaktah!
14Dawak kaput laih, Jerusalén dūrni kawa yak,
muih balna bitik yakat di yulki,
man ayangma nuhni dulaunin kidika risnipik duwi,
dawakat yang laih alasna yang,
kat man yalaihyakna man bahang.
15Kulwas muihni balna kidika, witingna alas di laihnin pāni ahawa yakat bubukwi,
witingna kalnina kidika kat awi laihwatwi,
witingna alas di laihna ilisnina, malnikau rapapangna sak yakat.
16Dawan yaklauwi dawak amangnilalana:
¡la yakat yamna ki!
Muih al dutni kidika silak yakat watna,
witing alas di laihnin dini āna sak yakat#9.16 Hibru kau ulna kidika Selah tanit yakau tangpakna (talah 3:2 yakat) Higayón tanka kidika lāih awaski. Adika yulni Salmo ulna uk yakat kalahwi, kaunah adika wirlana akat laih yakpamna. bukna.
17Dutni yamyang balna dawak kasak kulwas muihni balna, kidika,
dawak Papang kau dinitna kalahwa balna kidika laih
witingna daunin kingni sauni yakat duwi didisna karang;
18kat muih miniknakunni kidika, sipawas karang ma bani, dinitkahna lani yakat bang atnin,
kaput bik, tahawi talnin kidika ban kaput dis atnin laih awaski.
19Lawah, Dawan;
muih al nuhni kaldakawa kidika kulnin lani kalawinih,
¡man kau amangmalalawas balna kidika muhma tani yakat lanina yamta!
20Dawan, man lawa diyamtangkat witingna yamadangni kaldakakawang;
¡witingna yakat di yamtang kat kaldakakawang witingna kidika muih al as kamanh ki!
Currently Selected:
Salmos 9: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
