Salmos 8
8
Papang alasnina dawak muih al risnipik
Coro sumalniyang kaupak, paswi yakisdinin dini. Devid salnimo.
1Dawan, yangna kingkina,
¡man ayangma kidika yaklauwi sau bitik yakat taihwi duwi!
¡Man alasmana kidik makau kisang tanit yakau bayakwi kiuna!#Sal 57:5,11; 108:5.
2Walabis binina balna ayangma nuhni yayamwa kidik
dawak ta suwa balna bik,#Mt 21:16.
kidika kau ūma nuhni as yamnaman
man waihmala balna yayamwa kidika yulni,
muih dutni balna dawak anyang balna kidika dahn yamnin yulni.
3Makau kisang yamnaman kidika talayang,
dawak waiku, yala balna man lawa ānaman kidika,
4yang kultayang:
¿Muih al kidika ais yah?
¿Muih kidika ais yah?
¿Ampadawak kidika balna yakat ismangkatwih,
dawak kulnam yakat kulta kalbautamanh?#Job 7:17-18; Sal 144:3; Hib 2:6-8.
5Kat man yamna man, sihm Papang as kapat,
ayangni nuhni dawak risnipik bik kalana man.
6Parasni bik kalna man, man di balna yamnaman minit yakat,
kapat bik di balna bitik minit yakat āna man:#1 Kor 15:27; Ef 1:22; Hib 2:8.
7sip balna dawak turuh almuk wark kalahyang balna minitna yakat,
di anyang balna minitna yakat, bik,
8dawak lawani duduwa balna bitik minitna yakat bik,
¡kaput bik kuma paskau waspadini satni bitik minitna yakat bik!
9Dawan, yangna kingkina,
¡man ayangma yaklauwi sau bitik yakat taihwi!
Currently Selected:
Salmos 8: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
