Salmos 7
7
Papang laih wihta barangni ki
Devid Papang yakat unbauwi kulnin kaidana, Benjamín muihni Cus, yulni.
1-2Dawan, yang Papangki, man yakat nakitdaknik kidika waltayang;
¡yalaihta yakta muih mahni yauiwi aiwa balna kidika kaupak!
¡Yalaihta yakta, kidika balna laih layan kapatki;
yākakaswarang, dawak muih as bik yalaihwi yaknin diskarang!
3Dawan, yang Papangki,
¿angdika dini palni kidika walnayang?
¿Yang muih īnayang katpah?
4¿Yang wanaihki yamni yayamna kidika dutni kau minitlautik kalanayang katpah?
¿Yang waihkila yakat taihnik awasdai bik taihnayang katpah?
5Kaput kat, waihkila kidika yauiwi kaiwang;
yauiwi kaiwi yalaihwi sau yakat yālakwi yamurwang,
dawak riskipik kidika sau yakat bukwang.
6¡Dawan, lawah, kulnam daukalna kidika karuk!
¡Waihkila balna kulninna daukalna niningyakat lawah!
Man lawa la kat yamnin la ānaman kidika,
¡yang ilpki yamtah!
7Nisan balna kidika yakat awaihta dakta,
dawak man yalahtaman kidika witingna minitna maluihni yakat atah.
8Dawan, man lawa nisan balna lanina yamtaman:
bahang dutni yamtasyang kidika karak yang lāki yamtah.
9Papang barangniman kidika,
man laihta talaman kidika muih kulnin
dawak witing muihni kaldakawi tuhni balna bik,#Jr 17:10; Rib 2:23.
¡muih dutni yayamwa balna kidika laihwattah,
kauna muih al kulnin yamni kidika laih dulautah!
10Nakitdakyang kidika laih Papang makau palni sakkidika ki,
witing laihwi yakwi angdika isningna yamni duduwa balna yakat.
11Papang laih wihta as barangni ki,
ma bitik yakat dutni kidika nining yakat dutni kulna.
12Muih al kidika Papang yakat nawatwi kiwas karangkat,
Papang isniparah buhwi baiwarang;
dawak witing lasni kidika uman isna duwasakki,
13sinibang sutni yakat dahlna kidika man yuna sakki,
¡kalbaunin dini dudutni palni duwa kidika bitik ridi yamna!
14Muih dutni yakat talnauh;
muih yal muihbin duwi dalani wauhwa kidika kapat duwi,
dutni manah kalbungki
bahang yakwarang kidika laih alas manah karangki.
15Pa kudungni tuhni kuhrna ki,
bahang kidika yakat witing silp bukwarang ki.
16¡Di dutni dawak kalbaunin lani kidika
witing silp tunan yakat bukna karang ki!
17Dawan yakat ayangni nuhni yamki ki kat witing laih barangni bahang;
Dawan ayangni kau duting unbaunin balna kidika unbauki,
makau palni sakkidika ayangni.
Currently Selected:
Salmos 7: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
