Salmos 6
6
Minit yulna, kulnin kaida mani balna yakat
Coro sumalniyang kaupak, pasnin dini wahni tiaskaubās. Devid salnimo.
1Dawan,
man yabilwinih kulnam daukalna kidika karak,
kaput bik kulnam parasni daukalna kidika karak wah yawinih.#Sal 38:1; Jr 10:24.
2Dawan, yang akat mikun yatalah,
kat yang paraski dis kaldakayang.
Dawan, watta muihki yamni yatah, kat muihki bitik laih yayukwi.
3¡Yamaduting kat yayukwi!
Dawak, man Dawan, ¿Mampat aiwamayah?
4Dawan, aiwa, ¡yang sangkika laihta yakta!
¡Yalaihta yakta, man dalani lani dutaman kidika kau!
5Muih as dauna kidika, sip man yakat isningkatwas ki;
¿sau-ū yakat kaupak wais sipyah man ayangma nuhni yamnin?#Sal 88:10-12; 115:17; Is 38:18-19.
6Aidana manah yasuhna.
Pukta bitik yakat aidayang,
bahang tunaki ānin kidika suihni manah ki.
7Dalani kidika yulni mikpa bik laih puklakwi;
¡mikpa kidika puklakwi, dutni yakukulwa balna yaklauwi yayamwakat!
8¡Yang kaupak lawanauh, dutni yamyang balna,#Mt 7:23; Lc 13:27.
yang aidayang kidika Dawan dakana!
9Dawan yadakana, kalni dinit yakat buktik yulnayang kidika,
¡yang mikit yulnayang kidika Dawan duna!
10Yang kau dutni yakukulwa balna kidika, muihsak dadauna,
niningna kakarana karang;
¡mamikpa sipik sahmuda kapat kat yakasaldi kikirarang!
Currently Selected:
Salmos 6: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
